මගේ රස කතා...

සුබ නව වසරක් වේවා

2011-12-07T10:46:00.001Z

හප්පා..හොදටම වැඩ සෙට් වුනා. වෙනද ආතල් එකේ දවසම නිකන් ඉදල හවස පහට ගෙදර පනින ග්‍රේට එක දිගට රෑ 8-9 වෙනකන් ඉන්න වුණා. ඒ අස්සේ කොරේ පිටට මරේ කිව්වා වගේ පස්තච්චියේ විබාගත් වෙට් වුනා. ඉතින් රෑ 9 ට ගෙදර ගිහින් පාන්දර 1 විතර වෙනකන් පාඩම් කරලා ආයේ පහුවද උදේ ඔෆිස් යන්න වුනා. තනිකරම සති දෙකක් විතර රන් වුනේ එනර්ජි ඩ්‍රින්ක් වලින්. උදේට වැඩට යන්න ටියුබ් එකට ඇවිදන් යන පාරේ තියෙනවා බේකරියක්. බේකරියක් කියන්නේ අර මහා පරිමානෙන් හදන ජොයින්ට් එකක් නෙවෙයි. පොඩි ෆැමිලි රන් බිස්නස් එකක්. උන්ගේ කෑමත් හොදයි, ෆ්‍රෙෂ් අනික ලාබයි. ඔතනින් තමා ගොඩක් වෙලාවට ග්‍රේ උදේට මොනවා හරි ගන්නේ. නියම ඉංගිරිසි බේකරිය. බොහොම හොදට හිනාවෙලා කතා කරලා අර කස්ටමර් රෙලෂන්ශිප් කියන එක බොහොම හොදට තියන් ඉන්නවා. ඒවා වැඩක් නෑ. ඔයා කඩේ තියෙනවා නියුරෝ කියලා එනර්ජි ඩ්‍රින්ක් එකක්. ගැහුවම නිකන් අර බකමුනා වගේ ඇහැරලා ඉන්න පුළුවන් රෑට. ඔන්න ඕක තමා ගහන්න ගත්තේ. නියුරෝලගේ තව තව වැඩ වලටත් බීම තියෙනවා. සයිට් එකෙන් බලාගත්තහැකි. (http://drinkneuro.com/) රෙඩ් බුල් එහෙම ග්‍රේට වැඩකරන්නේ නෑ. ඒ වුනාට මේකනම් අදිනවා ගිසිම ගින්නක් නැතිව.

කොහොමින් කොහොමින් හරි අද තමා යන්තන් පොඩි වෙලාවක් ආවේ. විබාග ඉවරයි, ලොකු වඩාත් සැහෙන්න ඉවරයි. ඉතින් දෙයියනේ කියලා නිදහසේ වෙනද වගේ ඉන්නවා.

ඒ අස්සේ ලංකාවට කඩාපාත් වෙන්නත් හිතන් ඉන්නවා මේ සතියේ අග බාගයේ. පුළුවන් වුනොත් වෙලාව තියෙන විදිහට බ්ලොග් අවකාශයේ ඉන්න ය කීපදෙනෙක් හම්බුවෙන්නත් ආසයි. :)

ඉතින් මේ දවස් වල හොදට නිදාගන්නවා. පොඩි කුමරිහමිත් දවසක් අහල තිබ්බ නිදාගන්නේ කොහොමද කියල ඕනේ වෙලාවක...සරලයි.. එක්කෝ හොදට මහන්සි වෙලා ඉන්න ඕනේ. හවස පැයක් විතර වියායාම කරට පස්සේ හොදට නිදගනා පුළුවන්. එහෙම නැත්නම් හොද වයින් එකක් බොන්න ඕනේ..එකත් සැහෙන්න උදවු වෙනවා නිදාගන්න. එහෙ නැත්නම් ඔයා ඉගෙන ගන්න අයනම් තමන් අකමැතිම විෂය තියෙන පොත අරන් අදට ගිහින් කියවන්න පටන් ගන්න. ඔයා මුකුත් ඕනේ නෑ...මහ දවල් උනත් නින්ද ගරන්ටිඩ්. අත්දුටුයි, සහතිකයි, ප්‍රත්‍යක්ෂයි, නිවාරණයි.

එහෙනම් ජනවාරි වල වගේ තමා ආයේ හමුවෙන්න වෙන්නේ..

එතකන් සුබ නත්තලක් (නත්තල් සමරන අයට) සහ සුබ නව වසරක් වේවා!!!!

මට කම්මැලියි!!!

2011-10-18T14:56:00.000+01:00

මහා වස කම්මැලි දවසක්. කවදාවත් නැතුව උදේ හයට ඇහැරුනා.. වෙනදා යස අගේට හතහමාර වෙනකන් නිදාගන්න එකෙනුත් පැය එක හමාරකට බඩු. ඒ මදිවට දැන් වින්ටර් එක එන නිසා උදේට කළුවරත් වැඩියි. සෙන්ට්‍රල් හීටින් දාල තිබ්බට රැට ජනේලේ අරන් නිදාගන්න නිසා නැගිටිනකොට පට්ට හීතලයි. අර කවුද කියල තිබ්බේ මිහිතලය උණුසුම් වෙනවා කියල..සිරාවට ඔන්න ඔයවගේ වැඩ කරන නිසා තමා ෂුවර් එකටම. ඉරිදා 23 ට තිබ්බ උෂ්ණත්වේ අද අගහරුවද 13 වෙලා. ලංකාවේ ඉතින් කොලබ ඉදන් නුවරඑලියට යනකොට පැය 5 කින් අංශක දහයකට වඩා වෙනස් වෙන එකේ ඕකත් කජ්ජක්ද කියල ඇහුවට අද උදේ ඉදන් ඔලුව රිදෙනවා පුපුරන්නවගේ. ඔය උෂ්ණත්ව වෙනස නිසාද මන්ද.. ඒ අස්සේ වෙනදට ඔෆිස් දාන් එන තොප්පිය අද අමතක වෙලා. මගක් එනකොට ඔලුව හීතල වෙලා වයර් ෂෝර්ට් වෙන්න ගත්තම තමා මතක් වුනේ තොප්පිය නැ කියලා. ඔලුව රිදිල්ල ඒක නිසාද මන්දා. ඔෆිස් එකේ කරන්න දෙයක් නැති නිසාම හොදයි. පැය 2-3 ක් බ්‍රවුස් කරලා ඇතිවෙලා මවුස් එකෙන් මොනිටර් එකේ කොටු අදින්න පටන් අරන් තියෙන්නේ. ඕකෙන් රවුම් අදින්න පුළුවන් උනානම් කොටු අදිනවට වඩා පොඩි ෆන් එකක් තියේවි. කවුරු හරි රවුම් අදින්න දන්නවනම් කියන්න.. කොටු ඇදල ඇති වෙලා තියෙන්නේ.

අනිද්දට පඩි එනවා. මේ සතියේ වැඩ කරේ නැතුවට ඊට කලින් සතියේ ඕනෙවටත් වඩා වැඩ කරා.ඒක නිසා දුකක් නැතිව පඩිය ගන්න පුළුවන්. ගිය සතියේ වැඩිපුර හිටපු නිසා අපේ රිපෝර්ට් ලියන අක්ක මට කියනවා අතිකාල දීමනා ඉල්ලන්න කියල. මට දුකයි ඒක ඉල්ලන්න. ඇයි දෙයියනේ උදේ 8.30 ට පටන් ගන්න තැනට මම එන්නේ 8.45 ට. සිකුරාදාට වැඩ ඇරෙන්න පැයක් කලින් කොල්ල මාරු. ඇයි ඒ අස්සේ නිකන් ඉදන් බ්‍රවුස් කරන ඒවා. ඕව ගණන් හැදුවොත් පඩියෙන් බාගයක් මට කොම්පැනියට ගෙවන්න තමා වෙන්නේ. ඒක නිසා මගේ හිතට එකගව මම අතිකාල ගන්නෙත් නැ. ඔය මගේ අතින් යන පොඩි පොඩි වියදම් කොම්පැනියෙන් ක්ලෛම් කරන්නෙත් නැ. ඔය අපේ රිපෝර්ට් ලියන අක්ක හොස්ස ලගින් මැස්ස යන්න බැරි කෙනෙක්. වලියට බරයි කියන්නේ කෙලින්ම වලිසිංහ හරිස්චන්ද්‍ර පරම්පරාවේ වෙන්න ඕනේ. අද අපේ ටීම් එකේ ඉන්න උන් කියනවා මම ලග ඉන්නකොට මගෙන් පොඩි කාමීන් ඉෆෙක්ට් එකක් තියෙනවලු අක්කට. අපොයි ඔව්..මොකෝ නැත්තේ එයටත් එක්ක හරියන්න මට මල පනිනවනේ එයාගෙන් මොනවහරි අහන්න හරි එයාට මොනවා හරි කියල දෙන්න ගියාම හරි.

අපේ කොම්පැනියේ අලුත් ප්‍රොජෙක්ට් එකක් යනවා කොහෙන්ද මන්ද වැපන් ග්‍රේඩ් කැමරාවක් අරන් ඒක අපේ රේඩාර් එකකට හයි කරලා හයිබ්‍රිඩ් පින්තුර දෙන්න. ඔය ප්‍රොජෙක්ට් එකේ ගැවෙන්නවත් මම නැති උනාට එකට ආපු උන්ගෙන් මවුස් පෑඩ් එකක් හම්බුනා ස්පෙෂල් ෆොර්සස් වල ඩයල් එකක් ස්නියිපර් එකක් අටවන් ඉන්න රුපයක් තියෙන. ඔය මොන අටමගේලේ හැදුවත් තියෙන ප්‍රශ්නේ අපේ අයියලට ඕව විකුනන්න ඕනේ කාටද කියල තොර බේරගන්න බැරි වෙන ඒක. ඒක පාරක් අපේ උපකරණයක් ත්‍රස්තවාදයට ප්‍රසිද්ද රටක මිසයිල් සිලෝ එකකට හයි කරලා තියෙද්දී මාට්ටු වෙලා තව පොඩ්ඩෙන් අපේ ලොක්කෝ ටික හිරේ. දැන් මේ දවස්වල ඔන්න ඕක නවත්වන ඒක තමා දැවෙන ප්‍රශ්නේ වෙලා තියෙන්නේ.. ලොක්ක නැති නිසා මම වීරයා වගේ යනවා මීටින් වලට. ගිහින් ත්‍රස්තවාදියෝ ගැනයි, උන්ගේ හොර වැඩයි ගැන කතා අහන ඉදල එනවා. ඕව කියල දෙන්න ලස්සන ගැණු ළමයෙකුත් එනවා වෙන කොම්පනියෙකින්. වැඩේ කියන්නේ අපේ මේ අද හෙට පැන්ෂන් යන්න ඉන්න ඩිරෙක්ටරකාරය එකට පැණි පාර දානවා මට එහා පැත්තේ ඉදන්. නාකි විසේ ගෙටත් උසේ කිව්වලු. මොනවා උනත් කොම්පැනියේ ලොකු උන්ව බයිට් එකට ගන්න හොද නැති නිසා මම මුකුත් කියන්න ගියේ නෑ කට කහනවා කහනවාවගේ උනත්. තවම ලංකාවේ හොද පුරුදු ඇත අරගන්න ටිකක් අමාරුයි.

ඒ අස්සේ අපේ වියාපාර පද්දතිය දුවන්න අලුතින් ගන්නයන කොම්පුටරේ හදන එකා කියල එවල අපේ "ටර්ම්ස් අන් කොන්දිෂන්" එක්ක ඌට බඩු දෙන්න බැරිලු. මොකද එකේ තියෙනවා ඒවා වැඩකරන්නේ නැති උනොත් අපි උට නඩු දානවා කියල. පොරට උගේ බඩු ගැන එච්චරම ෂුවර් නිසා උ එකට කැමති නැ. අපේ ලොක්ක කියනවා අපි ඔෆිස් එකට පන්සල් ගන්න එකටත් දෙන්නේ ඔය "ටර්ම්ස් අන් කොන්දිෂන්" තියෙන අග්රිමන්ට් එකමලු. දෙයියෝ දනී. ලොක්කට බේරා ගන්න කියල මම සද්දේ වහල ඉන්නවා. ඒ මදිවට ඊයේ ආපු DVD එකක් තැපලේදී දෙකට මැදින් පැලිලා. මන් අහන්නේ මුන්ට ඕක අර ප්ලස්තික් කවරෙක දාල එවන්න බැරිද නිකන් කාඩ්බෝඩ් එකක දාල තැපැල් කරනවට වඩා.

පස් තාච්චියේ විබගේත් එනවා හෙට අනිද්දා. මේ යන විදිහට ගියොත් නම් අනිවා ඒ විබාගේ තව පාරක් කරන්න හිතෙනවා. කොහෙද පොත අතට ගන්නකොට කියාගන්න බැරි තරම් නිදිමතයි. ඉතින් ඒක නිසා ඔෆිස් එකේ ඉදන් පාඩම් කරන්න ගත්තට වෙලවටකට මේ ඉන්ටර්නෙට් එකත් එක්ක බෑ නිදහසේ වැඩක් කරන්න.

මෙහෙ ආරක්ෂක ලේකම් ලියම් ෆොක්ස්ට ගෙදර යන්න වෙලානේ තියෙන්නේ.. මහින්දත් එක්ක රැස්වීමකට පොරගේ යාළුවෙක්ව අරන් ගිහින් මෙහෙ ආණ්ඩුවේ නියෝජිතයෙක් විදිහට. පොර කලිනුත් ඔය වගේ අරන් ගිහින් හැබැයි වැඩේ මට්ටු වෙලා තියෙන්නේ මහින්ද අයියව හම්බුවෙන්න ගිය වෙලාවේ, රුපවාහිනියේ නිවුස් වල වීඩියෝ එකක පොර ඉන්නවා. සිරාවට අනේ මන්ද මුන් දෙන්න කලින් ඒක ගෙදර ඉදලා තියෙන්නෙත්, ඒ මදිවට ෆොක්ස් කාරය කොහේ හරි යනකොට පොරවත් අරන් යනවා. පොරත් අපේ රනිල් ලොක්ක වගේද දන්නේ නෑ.

මට කම්මැලියි!!! තව මොනවා මොනවා මෙතන ලියාවිද දන්නේ නෑ කම්මැලිකම වැඩි නිසාම. ඔෆිස් අරින්නත් තව පැය දෙකක්ම තියෙනවා. ප්‍රන්ශේ කතා ගැන තව පොඩි කැලි දෙක තුනක් ලියන්න තියෙනවා. හිමිට ලියන්න ඕනේ එකත්.

මට තාම මතකයි

2011-09-30T00:15:00.000+01:00

සාහිත්‍ය මාසයේ අවසානය වෙනුවෙනි.
කියවීම හුරුකිරීම සම්බන්දව සිහිකළයුතු පුද්ගලයන් දෙපොළකි. ආර්ථික විද්‍යා උපාදිධාරියෙකුවන මපියාණන්ය. අනෙක් පුද්ගලයා සිංහල උපාදිධාරියෙකුවන පියාණන්ගේ වැඩිමහලු සහෝදරයාය.
සවස වැඩ අවසන්ව ගෙදර එන තාත්තා ඔඩොක්කුවේ මා තබාගෙන කන්තෝරුවේ පුස්තකාලයෙන් ගෙනෙන පොත් ලන්තෑරුම් එළියෙන් කියාදුන්නා මතකය. (මට වයස 10 වනතෙක් අපේ ගෙදරට විදුලි බලය තිබුනේ නැත). මහපොළවේ කැනීම් කර සොයාගත් ඩයිනසොරස් ඇටකටුවලින් වසර මිලියන ගණනකට පෙර ජීවත්වූ සතෙකුගැන කියන ආකාරය, චීනයේ මහා ප්‍රාකාරය සෑදු අයුරු, නිල් අම්ස්ට්‍රොන්ග් සද මත ගොඩබැසීම, ලයිකා බැල්ල අභ්යාවකාෂගතවිම ගැන මා මුලින්ම දැනගත්තේ එසේය. පුංචි සියා සිටි රාදුගා (දේදුන්න) ප්‍රකාශකයන්ගේ පොත්වලින් සුර්යග්‍රහණ, වල්ගාතරු ගැන මුල්පොත තැබුණේ තාත්තගේ ඔඩොක්කුවෙදිය.
අවම වශයෙන් එවකට මසකට වරක්වත් යන්නට යෙදුනු ලොකු තාත්තගේ නිවසින් ආපසු එනවිට ලැබුණු පොත් හතර පහ ගමන්මල්ලේ දමා එන්නේ ඉවසිලි රහිතවය. එවකට නොතේරුණත් ළමාකල මා අත්පත් කරන ලද ඒ පොත් ලොකු තාත්තා ඉතා සැලකිල්ලෙන් තෝරා සැලැස්මක් ඇතිව දුන් ඒවා බව ඒ ගැන පසුව බලන මට අද හැගේ. කුමරතුගුවන්, වික්‍රමසිංහයන්, ඉලංගරත්නයන් මා හදුනාගන්නේ එලෙසිනි. වයසින් මුහුකරයාත්ම විජයබා කොල්ලය, කැලැහද මා අතවිය.
කුමන හෝ හේතුවක් මත නිවසේ තිබුනාවූ රුසියානු පොත් කන්දරාව තුලවූ වැඩබැරි දාසගේ කතාවක් (කතුවරයා නිකොලයි නොසවූ ලෙස පුංචි මතකයක් ඇත) බොහෝ දුරට මා තනිවම කියවූ ලාංකීය නොවන ප්‍රකාශනය වීමට ඉඩ ඇත. දක්ස පාල බැලුමක් සාදා ගුවන් ගතවන ගමනක මුල, ගමනට සුදානම් වීම මෙන්ම ඉස්කුරුප්පු සහෝදරයින් සෑදු සෝඩා වතුරෙන් දුවන රථය අදත් මාගේ මතකයේ ඇත. "කඩිනම් රාළට හදුනා බඩගින්නක් - ගිල්ලා හීතල ඉස්තිරික්කයක් " ලෙස වැඩබැරියා කවි ගොතත්දී එදා මෙන්ම අදත් මුවගට සිනාවක් නැගේ.

පාසල් නිවාඩු කාලයේ පියාණන් සමග දවසක් ඇර දවසක්වත් කාර්යාලයට යන මා දවසම පුස්තකාලයේ ගතකෙරු ආකාරය අදමෙන් සිහියට නැගේ. කියවිය යුත්තේ මෙයයි කියාදීමට කිසිවෙකුත් නොමැති මේ කාලය තුල පුස්තකාලය බොහෝ දේ කියවා බැලීමට හැකිවිය. ආතර් සි ක්ලාර්ක් මහතාගේ 2001, 2010 මෙන්ම 2061 කියවන්නේ මේ කාලසිමවෙදිය. වරක් කුමන හෝ අක්ෂි ආබාදයක් නිසා වෛද්‍යවරයෙකු හමුවීමට මෑණියෝ මා කැදවාගෙන යන්නේ මේ කියවීම නිසා මගේ ඇස දුබල වියයි සැක කරමිනි. පාසලේ තුන්වෙනි වසරේ ඉගෙනුම ලබන්නෙකු ආතර් සි ක්ලාර්ක් මහතාගේ 2001 පොත කියවමින් සිටිනවා කියා අසන්නට ලැබුණු වෛද්‍යවරයාගේ නළල රැලි වැටෙන්නේ මගේ අක්ෂි අබාධය නිසා නොවේ.

කරුණාතිලකයන් විසින් පරිවර්තනය කරන ලද ඩුමාගේ මොන්ත ක්‍රිස්තෝ පොත් හයෙන් එද්මොන් දාන්තේ මොන්ත ක්‍රිස්ටෝ සිටුවරයා වන ආකාරයත්, පැරිසියේ විස්තරත්, තමන් විපතට හෙලු අයගෙන් දරුණු ලෙස පලිගන්න අයුරුත් අතරින් කියවෙන ගැබුරු ජිවන යථාර්තය වටහාගැනීමට එකල ළමා මනසට නොහැකි වුවද අද එදා මතුපිටින් දුටුදෙයට වඩා යමක් පෙනේ. කොර්සිකානු සහෝදරයෝද එසේමය.
මෙන්ම ටෝල්ස්ටෝයිගේ යුද්දය හා සාමය පොත් සමුහය මා කියවන්නේ මේ අවදියේදීය. රෝස්තොව්, අන්ද්රු කුමරු, නටාෂා පිළිබද කුතුහලයෙන් කියවූ මා ඇනා කැරනිනා කියවන්නේද මේ සමයේදීය. රුසියානු සාහිත්‍යයේ එක පසක් ටෝල්ස්ටෝයි තුලින් දකින මා තවත් පසක් නිකොලයි නොසවූ සහ ලස්සන වසිලිස්සා තුලින් අදුනාගනී. එතෙක් නොදුටු රුසියානු පැතිකඩක් මා දකින්නේ ගෙදරදී අහම්බෙන් නෙත ගැටුණු ලෙනින්ගේ ජිවිත කතාව රැගත් 'ආලෝකය' තුලිනි. තරුණ උල්යානොවූ වොල්ගාවේ බෝට්ටු හිමියාට විරුද්දව නඩු කියූ සැටි, ඉස්ක්රා නොහොත් ගිනිපුපුරු පුවත්පත මුද්‍රණය කර අයුරු, ඔක්තෝබර් අරගලය ඇරබීමට අවුරෝරා නැවෙන් පළමු වෙඩිමුරය තැබූ සැටි දැනගත්තේ ආලෝකයෙනි. අදටත් දෙසැම්බරයේ ලක්දිවට ගියවිට එක පරිච්චේදයක්වත් කියවන පොත් දෙකෙන් එකක් වන්නේ ආලෝකයයි. ඉන් අනතුරුව ගෝර්කිගේ අම්මා කියවන මා, වානේ පන්නරය ලැබූ සැටි, කමකට නැති එකෙකුගේ ජීවිතය පොත්වලින් රුසියානු විප්ලවය, සරල ගැමි ජීවිතය එතුල ගැබ්වුණු එකල නොතේරුනද රචකයා විසින් රොමැන්ටික් කරනලද ජිවිත රසවිදියි. දුබ්රෝවුස්කියි, මිනිසුන් 26 හා ගැහැනියක්, ඉවාන් ඉල්විත්ගේ මරණය, ගැමියෙක් ජෙනරාල්වරු දෙදෙනෙක් පෝෂණය කරහැටි ආදී විවිද කෙටි කතා මෙන්ම දොන් නදිය ගලාබසි, සැබෑ මිනිසෙකුගේ කතාවක් වැනි නවකතාද හමුවන්නේ මේ කාලයේදීය. වර්තමානයේ මිතුරන් බොහෝදෙනෙකු විශිෂ්ටයි පවසන ගුරු ගීතය මාහට හමුවූ අදද රසවිදිය නොහැකි පොතක් වන්නේ කවර හේතුවක් නිසයි මට නොතේරේ.

එකල ජනප්‍රිය සාහිත්‍යවූ කල්ලන්දුවේ මුතු කොල්ලය, වනගත ළමෝ පාසල් පුස්තකාලයෙන් කියවන මාහට ෂර්ලොක් හෝම්ස් හමුවෙයි. එතෙක් අතරින් පතර කතා කිහිපයක් පමණක් කියවා තිබු මාහට කරුනාතිලකයන් (??) විහින් පරිවර්තනය කරනලද කතා රාශියක් ඇති ඒ පොත මහනාර්ග පොතක්වූ බව නොකියමනාය.
එවකට පාසලේ හත අට පන්තිවල පසුවූ මා පදික වේදිකාවකින් මිලදීගත් උම්මග්ග ජාතකයත්, පියාණන් කොහෙන්දෝ ගෙනා මහාවංසයේ (හා චුලවන්සයේ) තරමක් සරල සිංහලෙන් ලියවුනු පොත්දෙකත් කියවයි. ඔය අතරින් මගේ සිත් ඇදගන්නේ සුරංගනා කතාවක්මෙන් ලියවුනු 'වානරයා' නමින් සිංහලට පරිවර්තනය කර සුරිය ප්‍රකාශකයින් විෂින් පලකරන ලද චීන පොතක් වූ 'the monkey'. ලොකු තාත්තගේ නිවසින් ගෙනා මේ පොත කොතරම් සිත් බදගත්තද යතොත් ඊට බොහෝ කලකට පසුව උසස් පෙළ අවසන්ව ලොකු තාත්තාගෙන් ප්‍රථමයෙන්ම ඉල්ලා ගන්න ලද පොත වුයේද එයයි. ඒ මවිසින් ඉල්ලගන්න ලද අවසන් පොතදවුයේ හදිසියේ රෝගාතුරවූ ලොකු තාත්තා මෙලොවින් නික්මයාමෙනි. ක්‍යතියෙකුගේ මරණයකට ප්‍රථම හා අවසන් වරට මගේ දෑසින් කදුලක් හැලුනේ ඔහු වෙනුවෙනි. අදටත් ලංකාවට ගියවිට මුල් පිටුවේ ලොකු තාත්තගේ අත්සන ඇති, ඔහු විසින් ගනකම් නුලකින් බදිනලද ඒ පොත මා නොවරදි කියවන දෙවෙනි පොතයි. සැතපුම් දහස් ගණනක් ඇත සිටියද අදටද ආලෝකය පොත මෙන්ම, වානරයා පොත් මාගේ පොත්ගුලේ තිබෙන තැන මතකයෙන් කියන්නටද පොතේ හැඩරුව මෙන්ම කොලයේ ගනකමද මගේ මතකයේ හොදින් රැදී ඇත.
ඉංගිරිසි දැනුම මැදින් මද ඉහාල යත්ම ඔලිවර් ට්විස්ට්, හකල්බෙරි ෆින් ගැන දනහදුනා ගන්නා මා ඊට සමගාමිව හාර්ඩි සහෝදරවරුන් ගැන කියවන්නේ ඉතාම අසාවෙනි. ටින් ටින් මෙන්ම අස්ටරික්ස් කාර්ටුන් පොත් කියවන්නේ පාසල් පුස්තකලයෙනි.
ජුලියස් සීසර්, අටවෙනි හෙන්රි මෙන්ම ඉලියඩ් හා ඔඩිසි කියවන්නේ තවත් සුවිසල් සාහිත්‍යමය දොරටුවක් විවර කරමින් බව නොකිය මනාය. මාර්ක් ඇන්තනි සීසර්ගේ මරණයේදී කරන කතාව ශේක්ස්පියර් ඉදිරිපත් කරන ආකාරය කොතරම් රසවත්ද, ඒ හා සමානව අකිලිස් සහ හෙක්ටර්ගේ ද්වන්දව සටන ගැන හෝමර් ඉලියඩ් තුල පනපොවා ඇති ආකාරය අදටත් හොදින් මතකයේ ඇත. රෝමානුවන්, අටිලා ගැන, පළමු හා දෙවෙනි ලෝක යුද්ද ගැන සිංහලෙන් කියවීමට යමක් මාහට හමුවී නොමැති තරම් වුවද ඉංගිරිසිය තුල ඇති විශාල පොත් කන්දරාවක් හමුවී තිබේ.

පොත් පත් ගැන කියන විටදී නොකියාම බැරි අනෙක් දෙය වන්නේ සගරා සහ පුවත්පතය. 1991 පටන් නොකඩවා ගත් එවකට බන්දුල පද්මකුමරයන් විශිෂ්ට ලෙස කරන ලද මුතුහර සගරාවද ඊට සමගාමිව තිබු මනහර සහ පසුව පැමිණි සිව්දෙසද එකල සැම මසකම කියවූ සගරාය. විජය සහ සිවුදෙස පුවත්පත් සතිපතා අප ගෙදර විය. සතිඅන්තයේ සිංහල සහ ඉංගිරිසි පුවත්පත් ගැනීම අදටත් පියාණන් කරත් දැන් දැන් අන්තර්ජාලය ඔස්සේ ප්‍රවුත්ති කියවීම පියාණන්ගේ දවසේ කොටසකි.
උසස් පෙලද සමග මදක් අඩාලවූ පොත් කියවීම තවමත් ළමාකල මෙන් සරල සුන්දර නැත. උපාධියට ඉගෙනීමේදී කියවන ලද නීරස පරිගණක විද්‍යාව සම්බන්ද පොත් පෙලද දැන් පස්චාත් උපාධිය වෙනුවෙන් කියවන නීරස මුල්‍ය කලමනකරය පිළිබද පොත්ද හේතුවෙන් විවේකයට පොත් කියවීමට කණකොකා හඩා ඇත. රාජකාරිය, ඉගෙනීම් කටයුතු හා වෙනත් රාජකාරි නිසා අතිදාවනකාරිවී ඇති ජීවිතය තුල පොතක් කියවීමට වෙලාවක් වෙන්කර ගැනීම තබා හිත නිදහස් කරතමා ගැනීමටද වෙහෙසිය යුතුව ඇත.
ඒ හේතුවෙන් මීට දශක දෙකකට මත්තෙන් වයසට වඩා මුහුකුරා ගිය විද්‍යා ප්‍රබන්ද කියවූ මා දැන් උදැසන රාජකාරියට යනවිට දුම්රියේ නොමිලේ ලැබෙන මෙට්‍රෝ පුවත්පතටද, දිවා අහාරය්දී විනාඩි කිහිපයක් ගතකරන BBC වෙබ් අඩවියටද හා තවත් අඩවි කිසිපයකට සීමාවී ඇත්තේ පුදුමාකාර අවාසනාවකට බව විටෙක සිතේ.

ඔෆිස් රස කතා

2011-09-22T11:48:00.000+01:00

අපේ ඔෆිස් එකේ දෘඩාංග පැත්ත බලාගන්න ඉන්නේ ඉයන් කියල පොරක්. උගේ කට ගැන නම් කතා කරලා වැඩක් නෑ. ඒකට වඩා බෝක්කුවක් හොදයි මගේ හිතේ. පොරට ඉන්නවා අවුරුදු 3-4 පොඩි පුතෙක්. ඔය පුතාගේ හපන් කමක් ගැන පොර කියපු කතාවක් තමා අද ලියන්න යන්නේ.

පොරගේ අල්ලපු ගෙදර ඉන්නවලු කපල් එකක්. අවුරුදු 30 ගණන් වල වගේ ජෝඩුවක්ලු. සතිඅන්තේ දවසක පොර පුතා එක්ක කොහෙද යන්න හදනකොට අල්ලපු ගෙදර ඉන්න පොරව හම්බුවෙලා.

ඉතින් පුතා ඇහුවලු..

"that old lady lives with you. Is she your mum?"

("අර ඔයාගේ ගෙදර ඉන්න වයසක ගැණු කෙනා ඔයාගේ අම්මාද?")

අල්ලපු ගෙදර එකා නිකන් කරකවල අත ඇරිය වගේලු. පොර ඒ පාර කිව්වලු.

"No. She is my wife"

"නෑ, ඒ මගේ බිරිද" කියල.

පුතා ඒ ඔලුව එහෙම කහලා ටිකක් කල්පනා කරලා කියනවලු.

"oh..She looks very old. So what happen to your mum?"

"හ්ම්ම්..එයා ගොඩක් වයස පාටයි. එතකොට ඔයාගේ අම්මට මොකෝ උනේ?"

අල්ලපු ගෙදර එකා

"She died couple of years ago"

"එයා මැරිලා "

පුතා...

"Why she had enough? "

"ඒ මොකෝ, එයාට ඇති වෙලාද? (ඔයා එක්ක ඉදල)"

ඉයන්කාරයයි අල්ලපු ගෙදර එකයි මුනෙන් මුණ බලගත්තළු කට උත්තර නැතිව.

ග්‍රේ උසාවි ගිය හැටි

2011-09-19T14:55:00.000+01:00

මාස තුනකින් වගේ මුකුත් ලියන්න උනේ නෑ. අර මොකක්ද ගිනි ගත්තු මොකද එකා වගේ බිසී වෙලා නම් නෙවෙයි. දවසම අයිස් ගගහ ඔෆිස් එකේ ඉන්න මට මොනව බිසී වෙන්නද?
අනික මොකක් හරි කරන්න සිස්ටම් එකට දැම්මම අවුරුද්දක් විතර යනවා එකා ඉවර වෙන්න, ඉතින් එතකන් ඔහේ නිකන් ඉන්න එකා තමා කරන්නේ. නිකන් ඉන්නවා කියල එහෙමත් හරි නැනේ. කාලය අපතේ යවන්න හොද නැති නිසා ඔයා කාත් එක්ක හරි ලාවට වගේ චැටක් දාගෙන මගේ පාඩුවේ මලක් කඩාගෙන ඉන්නවා.
ඔය අස්සේ ඉතින් පරණ කතාවක් ලියන්න කියල තමා හිතුවේ.
මේක වුනේ අවුරුදු 1.5-2 වගේ කලින්. ග්‍රේගේ යාළුවො තුන්දෙනෙක් ආවා ලංකාවේ ඉදන් මොකක්ද මන්ද ලංකාව ප්‍රමෝට් කරන වැඩසටහනකට. ඉතින් ලන්ඩන් වලින් ග්‍රේයි තව යාළුවො දෙන්නෙකුයි මුන්ව හම්බුවෙන්න ගියා. ගිහින් ඉතින් අර ලොකු ආච්චි ඉන්න ගෙදරයි, එයාගේ අස්ප ඉස්තාලෙයි, බෙන් අයියගේ ඔරලෝසු කණුවයි පෙන්නලා එතනින් බෝට්ටුවකට නැගල ගියා ආච්චිගේ ඔටුනු තියෙන ලන්ඩන් ටවර් එකට. ඔය දවස් වල මුරලිදරන් මොකක් හරි රෙකොර්ඩ් එකක් කපු අලුතමයි. ඒ අස්සේ අර ආපු තුන් දෙනාගෙන් එකෙක් මුරලි වගේ. කියල වැඩක් නෑ. මිනිස්සු අම්බානට රැවටෙනවා. මුත් එක්ක පින්තුර ගන්න දගලනවා කට්ටියක්, තව උන් හැරි හැරී බලනවා, වැඩ කෝටියයි. අන්තිමට මුගේ මුනෙන් බාගයක් වැහෙන්න කැප් එකක් දාල තමා යන්තන් බේරා ගත්තේ.
ඔය ආපු තුන් දෙනාගෙන් එකෙක් ඊලග සතියේ බදින්න හිටියේ. ඉතින් ඔය වෙලාවට අපි වගේ යහපත් යාලුවන්ට කරන්න පුළුවන් එකම එක දෙයයිනේ, ඉතින් අපි උටත් නොකියම උගේ බැචලර් පාර්ටි එක තියන්න තීරණය කරගත්ත. බැචලර් පාර්ටි එකකට ඕනේ කරන්නේ ජාති දෙකයිනේ. ස්ට්‍රිපර්ලයි බොන්නයිනේ. අපේ සෙට් එකේ ඕව සම්බන්ද හොදට දන්නා පොරක් හිටියා.
ඉතින් පොර දන්නා ක්ලබ් එකකට අපි සෙට් එකම ගියා. ගිහින් ඔය සුද්දියෝ ටිකක් පොල්ලක් බදාගෙන හෙළුවෙන් නටන හැටි අරුන් ටිකට පෙන්නලා අපිත් බලල ගෙදර එන්න පිටත් වුන.
එලියට බැහැල ටියුබ් ස්ටේෂන් එක දිහාට ඇවිදන් එනකොට ඉස්සරහට සුද්දෝ දෙන්නක් එනවා බෝතලයක් අතේ තියාගෙන, කාර්පට් වෙන්න ගහල. උන් කන බොන ඒවා ඉතින් අපිට අදාළ නැති නිසා අපිත් අපේ පාඩුවේ ගියා. යනකොට මෙන්න එකෙක් ඇවිල්ල වලියට වගේ හැප්පිලා කියපි "බ්රෝව්න් ෆ**ස්, ගෝ බැක් ටු යුවර් කන්ට්‍රි" කියලා. අරුන් තුන් දෙනා ඊට පහුවද යන්න තමා කොහොමත් හිටියේ. නමුත් මල පනිනවනේ.. අනික අපි හයක්..මුන් දෙකයි.. අපිත් ඇරියේ නෑ, අනිත් පැත්තට උන් කිව්වා වචන ටිකටම දාල ලුණු අබුල් ඇතිව දුන්න කන් දෙකේ ඇගිලි ගහ ගන්න. මෙන්න එපාර මුන් දෙන්න එනවා හැරිලා.. කවුද අඩෝ අපිට කුණුහරුපෙන් බන්නේ කියල අහගෙන. කඩ්ඩෙන් ඇහුවේ..සිංහලෙන් එහෙම නෙවෙයි.

අපිත් ඉතින් සිංහ වන්සේන්ම කිව්වා අපි තමා මොකෝ කියලා. කියල කට ගත්තේ නෑ ලගම හිටපු අපේ එකාගේ මුණ හරහා පාරක් වැදුනා. ඔන්න දැන් ඉතින් වලියක් පටන් ගත්තට.. අපි මුන් දෙන්නට ගහනවා මුන් දෙන්න අපිට ගහනවා. කරුමෙට ගහගන්න පටන් ගත්තෙම පබ් එකක් ඉස්සරහ. ඉතින් මුන්ටත් බීල ඉන්න වෙලාවට වලියක් කිඋවොත් ඊට වැඩ දෙයක් නැනේ. පබ් එකම බැහැල එලියට අපේ උන්ට නෙලන්න ගත්ත. දැන් ඉස්සෙල්ල හය දෙනෙක් දෙන්නෙක්ට නෙලපු එක දැන් පනහක් විතර හයකට නෙලනවා. හොදවෙලවට ලගම තමා පොලිසිය තිබ්බේ. උන් දහයක් විතර දුවගෙන ආව. ඇවිල්ල ඉතින් පොඩ්ඩක් එහා මෙහා කරලා සුල මුල හොයන්න ගත්ත. අපි හය දෙනා ඉතින් බබාලා වගේ කියනවා "බලන්න අයියා, අරුන් අපිට ගැහුවා..අපි අහිංසකයි... උණු වතුරත් නිවල බොන්නේ" කියල. ඒ අස්සේ වලිය පටන් ගත්තු උන් දෙන්නේ හිමිට මාරු වෙනවා පොලිස් කාරයෝ ආපු ගමන්. අපේ එකෙක් ඕක දැකල කෑගල කිව්වා අරුන් පනිනවා කියලා. පොලිස් කාරයෝ ටික ඒ පාර උන් දෙන්නව අල්ලලා විස්තර බලන්න පටන් ගත්ත. බැලින්නම් උන් දෙන්න මෙහෙ අන්තවාදී පක්ෂෙක සාමාජිකයෝ, කලිනුත් ඔහොම වැඩ කරලා තියෙනවලු.
දැන් ඉතින් අපේ ලංකාවෙන් ආපු තුන්දෙනාට ඕනේ මුන්ට කෙලවන්නමයි. මුන් පොලිසියට කියනවා අරකයි මේකයි...නඩු දාන්නලු ඇවිල්ල සාක්කි දෙන්නම්ලු. කතා කෝටියයි. අන්තිමට කට්ටියගෙම නම් සාක්කි වලට ලියාගෙන අපිට යන්න කිඋව.. අරුන් ඩබල එදා රැ කුඩුවේ.
ඔන්න සතියකින් විතර පොලිසියෙන් කෝල් එකක් එනවා. මහා රැජිනගේ නිතිය කඩ කරලා, හේට් ක්‍රයිම් එකක් කරලා තියෙන නිසා එකට සාක්කියට එන්න පුලුවන්ද කියල. ඉතින් මන් කියපි, එක වෙලා ඉවරයි මට ඕක පුෂ් කරන්න ඕනේ නෑ. මට ඕවට වෙලා නෑ කියල. මෙන්න ඒ පාර කතා කරපු එකා කියනවා එහෙම බෑ, සාක්කි වලට කතා කරාම නොයා ඉන්න බැරිය, එහෙම කරොත් වරෙන්තු නිකුත් කරනවා කියලා. අම්මප අපි ගුටිත් කාල පස්සේ හිරෙත් යන්න. ඔය වෙලාවට තමා ඉතින් කුණු හරුප මතක් වෙන්නේ. අරුන් තුන් දෙනා ලංකාවට ගිහින් අපිව ෆෝම් කරනවා. ඇත අරින්න එපා. නෙලපන් මුන්ට..යවපන් දහ අට මාසෙකට මහා උළු ගෙදරට කියල.
දැන් ඉතින් නොයා බැනේ, ඉතින් නිවාඩුත් දාල ගියා උසාවි දවස් දෙකක් සාක්කි දෙන්න. පලවෙනි දවසේ බලන් ඉදලා ඉදාලා ආවා. නඩුව විභාගයට ගත්තේ නෑ, දෙවෙනි දවසේ තමා ඉතින් ගත්තේ. අපි ඉතින් සාක්කි දීල ආවා. ලංකාවේදී වැස්සකටවත් පොලිසියකට උසාවියකට ගිහින් නැති ග්‍රේ ඒ දෙකටම ගියා. ලස්සන පොලිස් කෙල්ලෙක් තමා නඩුව කරේ. ඉතින් ඒ ගෙනිගේ නම්බරෙත් ඉල්ලන් ගෙදර ආවා. ඇවිල්ල සති දෙකකින් විතර කතා කරලා ඇහුව මොකෝ උනේ කියල.
දවස් ගානක් කට්ට කාපු එකේ මුන් දෙන්නව අඩු ගානේ හිරේ හරි දාන්න ඕනෙනේ. මොන පිස්සුද, ජුරිය කියලා සාක්කි මදි කියලා. වැඩේ හබක්.
ඔන්න ඔහොමයි ග්‍රේ උසාවි ගියේ.

Sri Lanka Responds

2011-06-16T09:30:00.002+01:00

Prof. Rajiva Wijesinha on Al-Jazeer about Channel 4 video and human rights allegations.
Read his blog on http://rajivawijesinha.wordpress.com/

රජිව විජේසිංහ නියෙමට මෙතන කියන්න තියෙන ඒවා ටික කියනවා.

මේකට මට තව කරුණක් එකතු කරන්න ඕනේ. අපි හැමදාම කෙලවගත්තේ අපේම එවුන් අපිව කාපු නිසා.

රාජසිංහ රජ්ජුරුවෝ මෙහෙම කියපු මේ කවියපද අදටත් වලංගුයි.

"උදහස් කම නිසා සිය දනගෙ විමතිය

නිදහස් බව නසාගති සිහල ජාතිය"

අපේ එවුන් අපිට විරුද්දව ඉන්නකන් රටක් හදන්න බෑ

චැනල් 4 වීඩියෝව අද පත්තරේ

2011-06-14T10:00:00.000+01:00

ගොඩ කාලෙකින් ලියන්න උනේ නෑ මුකුත් මාර විදිහට බිසී වෙලා හිටියා.

නමුත් අද උදේ දැකපු දෙයක් අනිවාර්යයෙන්ම මෙතන දාන්න ඕනේ කියල හිතාගෙන ආවේ. උදේ වැඩට යනකොට ඉතින් මම පත්තරේ කියවනවා. අද පත්තරේ එක පිටුවක් පුරාම දාල තිබ්බේ මෙන්න මේ දැන්වීම.

ෆුල් පේජ් ඇඩ් එකක් අර ප්‍රසිද්ද චැනල් 4 වීඩියෝව ගැන.

යුද්දෙකදී අහිංසක මිනිස්සු මරන්නේ නෑ කියල මම කියන්නේ නෑ. ලංකාවේ යුද්දෙන් අහිංසක මිනිස්සු මරුනේ නෑ කියල මම කියන්නෙත් නෑ. උදේ හවස වැඩට ගිහිල්ල එන මිනිස්සු බස් ඇතුලේ කැලි කැලි වලට කැඩිලා ගිහින් තියෙනවා මම දැකල තියෙනවා. මහ බැංකු බෝම්බෙන් මැරිච්ච මිනිස්සු මම දන්නවා. අනුරාධපුරේ සිල් අරන් හිටපු අයව මරනවා, අරන්තලාවේ හාමුදුරුවන්ව මරනවා මම පින්තුර දැකල තියෙනවා. ඒ වගේම අපේ කෆීර් වල බෝම්බ වැදිලා අහිංසක මිනිස්සු මරුන කියලත් මම අහල තියෙනවා. නමුත් ඒවා ඔක්කොම දැන් ඉවරයි, අතීතය ගැන කියව කියව ඉන්න ගියොත් කවදාවත් හැදෙන්න බෑ.

අනික තමා බ්‍රිතාන්‍යයට මෙහෙම දෙයක් ගැන කියන්න පුලුවන්ද සදාචාරව කියන එක. දෙවෙනි ලෝක යුද්ද කාලේ ඩ්රේසඩන් වලට බෝම්බ දාල අහිංසක මිනිස්සු දාස් ගානක් මරපු, ඉරකෙයි, ඇෆ්ගනිස්ථානෙයි, ලිබියවෙයි තව අහිංසක මිනිස්සු මරණ රටක මේ වගේ වැඩසටහනක් හදන්න කලින් තමන්ගේ ප්‍රශ්න හරි ගස්සා ගත්තනම් ගොඩක් හොද වෙන්න තිබ්බ.

අද රැට මේක බලල ඉවර වෙලා තමා හරියට මොනවද මුන් කියන්නේ කියල හොයාගන්න පුළුවන් වෙන්නේ...එතකන් තීරණයක් ගන්න මම කලබල වෙන්නේ නෑ.

කොහොමහරි කට්ටියට අදහස් දක්වන්න ඕනේ නම් චැනල් 4 එකට ලියන්න පුළුවන්. http://www.channel4.com/4viewers/contact-us

In the memory of George Carlin

2011-05-12T11:13:00.000+01:00

In the memory of George Carlin (May 12 1937 - June 22 2008)
One of the very few people I have a great respect
Thank you George Carlin, your insight was of huge importance for the human race, you will be greatly missed by many.

When it comes to bullshit, big-time, major league bullshit, you have to stand in awe of the all-time champion of false promises and exaggerated claims, religion. No contest. No contest. Religion. Religion easily has the greatest bullshit story ever told. Think about it. Religion has actually convinced people that there's an invisible man living in the sky who watches everything you do, every minute of every day. And the invisible man has a special list of ten things he does not want you to do. And if you do any of these ten things, he has a special place, full of fire and smoke and burning and torture and anguish, where he will send you to live and suffer and burn and choke and scream and cry forever and ever 'til the end of time!

But He loves you. He loves you, and He needs money! He always needs money! He's all-powerful, all-perfect, all-knowing, and all-wise, somehow just can't handle money! Religion takes in billions of dollars, they pay no taxes, and they always need a little more. Now, you talk about a good bullshit story. Holy Shit!

But I want you to know something, this is sincere, I want you to know, when it comes to believing in God, I really tried. I really, really tried. I tried to believe that there is a God, who created each of us in His own image and likeness, loves us very much, and keeps a close eye on things. I really tried to believe that, but I gotta tell you, the longer you live, the more you look around, the more you realize, something is fucked up.

Something is wrong here. War, disease, death, destruction, hunger, filth, poverty, torture, crime, corruption, and the Ice Capades. Something is definitely wrong. This is not good work. If this is the best God can do, I am not impressed. Results like these do not belong on the résumé of a Supreme Being. This is the kind of shit you'd expect from an office temp with a bad attitude. And just between you and me, in any decently-run universe, this guy would've been out on his all-powerful ass a long time ago. And by the way, I say "this guy", because I firmly believe, looking at these results, that if there is a God, it has to be a man.

No woman could or would ever fuck things up like this. So, if there is a God, I think most reasonable people might agree that he's at least incompetent, and maybe, just maybe, doesn't give a shit. Doesn't give a shit, which I admire in a person, and which would explain a lot of these bad results.

So rather than be just another mindless religious robot, mindlessly and aimlessly and blindly believing that all of this is in the hands of some spooky incompetent father figure who doesn't give a shit, I decided to look around for something else to worship. Something I could really count on.

And immediately, I thought of the sun. Happened like that. Overnight I became a sun-worshipper. Well, not overnight, you can't see the sun at night. But first thing the next morning, I became a sun-worshipper. Several reasons. First of all, I can see the sun, okay? Unlike some other gods I could mention, I can actually see the sun. I'm big on that. If I can see something, I don't know, it kind of helps the credibility along, you know? So everyday I can see the sun, as it gives me everything I need; heat, light, food, flowers in the park, reflections on the lake, an occasional skin cancer, but hey. At least there are no crucifixions, and we're not setting people on fire simply because they don't agree with us.

Sun worship is fairly simple. There's no mystery, no miracles, no pageantry, no one asks for money, there are no songs to learn, and we don't have a special building where we all gather once a week to compare clothing. And the best thing about the sun, it never tells me I'm unworthy. Doesn't tell me I'm a bad person who needs to be saved. Hasn't said an unkind word. Treats me fine. So, I worship the sun. But, I don't pray to the sun. Know why? I wouldn't presume on our friendship. It's not polite.

I've often thought people treat God rather rudely, don't you? Asking trillions and trillions of prayers every day. Asking and pleading and begging for favors. Do this, gimme that, I need a new car, I want a better job. And most of this praying takes place on Sunday His day off. It's not nice. And it's no way to treat a friend.

But people do pray, and they pray for a lot of different things, you know, your sister needs an operation on her crotch, your brother was arrested for defecating in a mall. But most of all, you'd really like to fuck that hot little redhead down at the convenience store. You know, the one with the eyepatch and the clubfoot? Can you pray for that? I think you'd have to. And I say, fine. Pray for anything you want. Pray for anything, but what about the Divine Plan?

Remember that? The Divine Plan. Long time ago, God made a Divine Plan. Gave it a lot of thought, decided it was a good plan, put it into practice. And for billions and billions of years, the Divine Plan has been doing just fine. Now, you come along, and pray for something. Well suppose the thing you want isn't in God's Divine Plan? What do you want Him to do? Change His plan? Just for you? Doesn't it seem a little arrogant? It's a Divine Plan. What's the use of being God if every run-down shmuck with a two-dollar prayerbook can come along and fuck up Your Plan?

And here's something else, another problem you might have: Suppose your prayers aren't answered. What do you say? "Well, it's God's will." "Thy Will Be Done." Fine, but if it's God's will, and He's going to do what He wants to anyway, why the fuck bother praying in the first place? Seems like a big waste of time to me! Couldn't you just skip the praying part and go right to His Will? It's all very confusing.

So to get around a lot of this, I decided to worship the sun. But, as I said, I don't pray to the sun. You know who I pray to? Joe Pesci. Two reasons: First of all, I think he's a good actor, okay? To me, that counts. Second, he looks like a guy who can get things done. Joe Pesci doesn't fuck around. In fact, Joe Pesci came through on a couple of things that God was having trouble with.

For years I asked God to do something about my noisy neighbor with the barking dog, Joe Pesci straightened that cocksucker out with one visit. It's amazing what you can accomplish with a simple baseball bat.

So I've been praying to Joe for about a year now. And I noticed something. I noticed that all the prayers I used to offer to God, and all the prayers I now offer to Joe Pesci, are being answered at about the same 50% rate. Half the time I get what I want, half the time I don't. Same as God, 50-50. Same as the four-leaf clover and the horseshoe, the wishing well and the rabbit's foot, same as the Mojo Man, same as the Voodoo Lady who tells you your fortune by squeezing the goat's testicles, it's all the same: 50-50. So just pick your superstition, sit back, make a wish, and enjoy yourself.

And for those of you who look to The Bible for moral lessons and literary qualities, I might suggest a couple of other stories for you. You might want to look at the Three Little Pigs, that's a good one. Has a nice happy ending, I'm sure you'll like that. Then there's Little Red Riding Hood, although it does have that X-rated part where the Big Bad Wolf actually eats the grandmother. Which I didn't care for, by the way. And finally, I've always drawn a great deal of moral comfort from Humpty Dumpty. The part I like the best? "All the king's horses and all the king's men couldn't put Humpty Dumpty back together again." That's because there is no Humpty Dumpty, and there is no God. None, not one, no God, never was.

In fact, I'm gonna put it this way. If there is a God, may he strike this audience dead! See? Nothing happened. Nothing happened? Everybody's okay? All right, tell you what, I'll raise the stakes a little bit. If there is a God, may he strike me dead. See? Nothing happened, oh, wait, I've got a little cramp in my leg. And my balls hurt. Plus, I'm blind. I'm blind, oh, now I'm okay again, must have been Joe Pesci, huh? God Bless Joe Pesci. Thank you all very much. Joe Bless You!

For more videos:
http://www.youtube.com/watch?v=MeSSwKffj9o&playnext=1&list=PL3900DBB1AF5BC2F8

ඩිස්නිලන්තයේ දවසක්.

2011-04-01T11:44:00.001+01:00

ලුවර්වලින් පස්සේ අපි යන්න හදන්නේ ඩිස්නිලන්තේ දිහාවට. ඇමරිකාවේ තියෙන එක නෙවෙයි, ප්‍රන්ශේ තියෙන එක. ඕකට යන්න තමා අපිට තට්ටු දෙකේ කෝච්චිය ගන්න වුනේ. ඩිස්නි පාර්ක් එක ප්‍රදනවා කොටස් දෙකකට බෙදල තියෙනවා. එකක් ඩිස්නිලන්තේ අනික ඩිස්නි චිත්‍රපටවල දේවල් පෙන්වන්න. එක ගැන වෙන දවසක කියන්නම්.
ඩිස්නිලන්තේ ඇතුල් වෙනකොටම තියෙන්නේ ලොකු මාලිගාවක් වගේ ගොඩනැගිල්ලක්. ඔතනින් තමා ප්‍රදාන ඇතුල්වෙන දොරටුව තියෙන්නේ. ඉතින් ටිකට් එකක් අරන් ඔතනින් පොඩි සිතියමකුත් අරන් ඇතුලට යන්න තියෙන්නේ.

ඇතුලේ ඉතින් මුලින්ම වගේ හම්බුවෙන්නේ අර කව්බෝයි යුගයේ වගේ ප්‍රදේශයක්. ඕක ඇතුලේ ඉතින් ඉන්දියානා ජෝන්ස්, ටෙම්පල් ඔෆ් ඩූම් චිත්‍රපටියේ පසුතල නිර්මාණය කරලා තියෙනවා. කොහොමත් ඔය කව්බෝයි වැඩ වලට ග්‍රේගේ ලොකු මනාපයක් නෑ. ඉතින් එක ටිකක් ඉක්මනින් බලලා රෝලර් කොස්ටරේක රවුමක් ගිහින් එතනින් පැනගත්තා.

කට්ටියට මතකද මන්ද ටෝයි ස්ටෝරි චිත්‍රපටිය. ඕකේ පදනම් කරගෙන තමා ඊලග කොටස හදල තියෙන්නේ. ඒ හරියට කියන්නේ ඩිස්කවරිලැන්ඩ් කියලා. ඔය චිත්‍රපටියේ කොටස වගේම අනන් මනං තව කැලි ගොඩක් ඔය හරියේ තියෙනවා. ඉතින් ඔය වගේ පොඩි පොඩි දේවල් තමා බලන්න තියෙන්නේ.

ඊට පස්සේ තමා තියෙන්නේ ෆැන්ටසිලැන්ඩ් එක. හැමදේම අර සුරඟන කතාවල වගේ හදල තියෙන්නේ..ගහකොළ ඉදන් එහෙමයි. කොහොමත් ඔය ෆැන්ටසි දේවල් වලට පොඩි කැමැත්තක් තියෙන නිසා ඔතන සැහෙන්න වෙලාවක් හිටියා.

අහ්හ්.. තව දෙයක්..ඔය තැනින් තැනට යන්න පුංචි කෝච්චියක් තියෙනවා. නිකන් අර සතුටු උයනේ තියෙන එක වගේ. එකෙන් පාර්ක් එක වටේට යන්න පුළුවන්. සමහර තැන්වලදී මාර ලස්සන විව් එකක් තියෙනවා.

ඔය මොනවා උනත් වැඩක් නැනේ. ප්‍රදානම දේ නැතුව. ඩිස්නිලන්තයේ ඉන්න ඕනෙනේ ඩිස්නි චිත්‍රපටිවල නළුවෝ ටික. උන් නැතුව මොන පාර්ක් එකක්ද. ඔය සෙට් එක ඉතින් පාර්ක් එකේ තැනින් තැන ඇවිද ඇවිද තමා ඉන්නේ. එක්කෙනා දෙන්න එක තැන තැන ඉන්නවා. එකත් පිළිවෙලට ඉන්නේ..මිකී මවුස් ගාව ගනු ළමය මිනි ඉන්නවා. වුඩි ලග ජෙසී, මුලාන් ගාව අර ගැරඩියා වගේ. (ගැරඩියාට ගැරඩියා කියන්නේ නැතුව මට එකට මකරෙක් කියන්න නම් බෑ)
අයේ හවසට ඔක්කොම එකතු වෙලා පොඩි සංදර්ශනයක් වගේ එකක් කරනවා. ඒ වෙලාවට ඔය ඔක්කොම කට්ටිය එකතු වෙනවා, සින්ඩරැල්ලා, ස්නෝ වයිට්, මුලාන්, සලී, බූ, මිකී, මිනි.. ඔක්කොම ඩිස්නි චරිත ටික එතන. ඔය කතාව වචන වලින් කියන්න පුළුවන් එකක් නෙවෙයි. උපරිම උත්සාහය දෙන්නම් පින්තුර වලින් පුළුවන් උපරිමය පෙන්වන්න.

ඔන්න දැන් කට්ටියට වැඩක් තියෙනවා...මෙතන ඉන්න අයව පුලුවන්නම් අදුර ගන්න...ඉන්නේ කවුද කියල ලියන්න...

ලුවර් වල දවසක්...

2011-03-28T12:18:00.000+01:00

"ඩා වින්සි කෝඩ්" චිත්‍රපටිය බලල තියෙන අය දැකල ඇති එකේ තියෙනවා විදුරු වලින් හදපු පිරමිඩ් එකක්. අන්න ඒ පිරමිඩ් එක තමා ලුවර් කෞතුකාගාරයේ එහෙම නැත්නම් තේරෙන සිංහලෙන් කිව්වොත් "මුසි ඩි ලූ" වල ඇතුල්වීමේ දොරටුව. එතනින් ඇතුලට ගිහින් පහලට බහින්න ඕනේ බලන්න යන්න.

ලන්ඩන්වල නම් ඔය කෞතුකාගාර, ගැලරි ඔක්කොම වගේ නොමිලේ ඇතුල් වෙන්න පුළුවන්. කොහෙද ඒකට ප්‍රන්ශේ, කොහේ ගියත් ගෙවන්න ඕනේ. ඉංග්‍රීසිකාරයට ප්‍රන්ශුවා පෙන්නන බැරි නොමිලේ මුකුත් බලන්න බැරි නිසා වෙන්න ඕනේ. අර ඉස්සර කාලේ ප්‍රන්ශේට ගහල අල්ලගත්තනම් අපිට ඔය ඔක්කොම බලන්න තිබ්බ සතයක්වත් නොගෙවා. අනික ලංකාවේ කෞතුකගරේ වගේ මෙහෙ ඒවා වේලෙන්නේ නෑ. සැහෙන්න මිනිස්සු ඉන්නවා. ඉතින් අපිත් ටික වෙලාවක් පෝලිමේ ඉදලා ඇතුලට පැනගත්තා. හැබැයි ලෝකේ වැඩියෙන්ම මිනිස්සු එන කෞතුකාගාරය උනාට මහා ලොකු වෙලාවක් වේලෙන්න නම් උනේ නෑ.

ඔය කෞතුකාගාරය ඇතුලේ තියෙනවා ලෝකේ වටෙන්ම උස්සලා ගෙනල්ල දාල තියෙන බඩු, ඒ වගේම ඉතින් උන්ගේ ඉතිහාසය ගැන කියන බඩුත් තියෙනවා. ලෝකේ එක එක කලාප, ශිෂ්ටාචාර අනුව කොටස් වලට බෙදල තියෙන්නේ. කෞතුකගරට ඇතුල් වෙලා ඔහොම කොටස් වලට බෙදෙන තැනම තියෙනවා බොහොම ප්‍රසිද්ද මුර්තියක්. සැමෝරේසිහි ජයග්‍රහණයේ දෙවගන කියන ප්‍රතිමාව. එකේ ඉන්නේ නයික් කියන ජයග්‍රහණයට අධිපති ග්‍රීක දෙවගන. දැන් ඉතින් නයික් සපත්තු වලට ඒ නම ඇවිල්ල තියෙන්න කොහොමද කියල කට්ටියට ඩයල් වෙයි කියල හිතනවා.

ග්‍රේගේ පොඩි කැමැත්තක් තියෙනවා ඔය ඉතිහාස කතාවලට. ඉතින් ඔය වගේ තැනකට ගියාම ටිකක් එහා මෙහා කරන්න අමාරුයි. අනික ලුවර් වල කොහෙත්ම අමාරුයි තියෙන එකතුවේ හැටියට. ඉතින් රෆයල්ගේ, මයිකල් අන්ජිලෝගේ, ඩා වින්සිගේ පින්තුර බල බල ඉන්නකොට ඇවිදින එක කෙසේ වෙතත් ඉන්න හිටින තැනත් අමතක වෙනවා. උඩ බලන් ඇවිදලා කොහොමහරි බෙල්ල කඩාගන්නේ නැතුව බේරුනා. ඔය පල්ලෙහා තියෙන පින්තුර ටික දැක්කම තේරෙයි මොකෝ හේතුව කියලා. මොඩර්න් ආර්ට් වගේ නෙවෙයි ඔන්න ඕව තමා ග්‍රේට තේරෙන පින්තුර.

කොහොමහරි බොහොම අමාරුවෙන් ඔය ටික පහුකරලා යනකොට ඔන්න මොනාලිසා ඉන්නවා බිත්තියක එල්ලිලා විදුරු කුඩුවක් ඇතුලේ. ඔය මොනාලිසා බලන එක යුරෝපයේ තියෙන එපාම කරපු සංචාරය කියනවනේ. කතාව සම්පුර්න ඇත්ත. ඩා වින්සි අවුරුදු 500 කට විතර කලින් ඕක ඇන්ද තමා. නමුත් ඕනෙම වෙලාවක මිනිස්සු 100 ක් විතර එක වටේ වටවෙලා පින්තුර ගන්නවා. ග්‍රේත් ඉතින් සෙකන්ඩ් නොවී රිංගල ඉස්සරහටම ගිහින් පින්තුර ගත්ත. මේ ලංකාවේ ප්‍රයිවෙට් බස් වල ගියපු අපිට රිංගල ඉස්සරහ යන එක වැඩක්ද නේද? ඔය පල්ලෙහා තියෙන්න ඇත්ත මොනාලිසා තමා. පින්තුරේ ගන්න දගලපු හැටියට නම් දුක හිතෙනවා.

ඕක බලල එලියට එනකොට මෙන්න ඉන්නවා හර්කියුලිස් ලොක්කා. දන්නවනේ පොරව? අර සුර පප්පට කලින් දෙයියන්ට විතරක් කරන්න පුළුවන් වැඩ 12 ක් කරේ.අන්න ඒ ඩයල් එක. නිකන් නෙවෙයි ඉන්නේ. කරපු වැඩ 12 න් කීපෙක අබපු රූපත් එක්ක. හැබැයි ඒවගේ මිනිහා ඉන්නේ නම් නිකන්. :) මගේ හිතේ ඒ කාලේ අපේ කුවේණි වගේ ඇදුම් මහගන්න හර්කියුලිස් ලොක්කා දනන් ඉන්න නැතුව ඇති. දැන් මට ආපු ප්‍රශ්නේ තමා අපේ රටේ අර තියෙන හර්කියුලිස් ටේලර්ස්ලට ඒ නම දාන්න හිතුනේ මොකෝ කියල.. ඒව ඇන්දම අපි ඇදල නෑ වගේ පේනවද දන්නේ නෑ. අර ඔලු නවයේ හයිඩ්‍රව මරණ එකයි, නිමියන් සිංහයාට ගේම දෙන එකයි තමා ගන්න පුළුවන් වුනේ.

තව ගන්න තිබ්බ පොරගේ පින්තුර..වැඩේ මේකයි..අපිව පොඩ්ඩක් ඩිස්ට්‍රැකට් වුණා ඊට ටිකක් එහායින් තිබ්බ ඒවා ටිකට... නාකි පොරකගේ ඇදුම් නැති පින්තුර ගන්නවට වැඩ ඉතින් හොද ලස්සන ගැනු ළමයි ටිකක්ගේ ඇදුම් නැති පින්තුර ගන්න එක හොදයිනේ..ඉතින් අපි ඒ වැඩේ පටන් ගත්ත...

අන්තිමට දන්නෙම නැතිව හවස් වෙලා. ඉතින් අනිත්ව උඩින් උඩින් බලල අපි එලියට අවා..අපිව ඩිස්ට්‍රැක්ට් කරේ නැත්නම් ඔක්කොම බලල හෙමිට එලියට එනවනේ..කෙල්ලෝ ඔහොමමයි. මොනවා හරි කරලා වැඩේ අල කරනවා..උන්ගේ ප්‍රතිමාත් එච්චරම තමා.

අහ්..කියන්න අමතක වුනා.. ඇතිනත් හිටිය..වීනස් එක්ක.. ඔය දෙකත් ලෝක ප්‍රසිද්ද ප්‍රතිමා දෙකක්නේ...එක නොදැම්මොත් ඉතින් හරි මදි වගේ.

ප.ලි:

කවද හරි යනවනම් සම්පුර්න දවසක් මේකට තියාගන්න...නැත්නම් අපිවගේ වරුවෙන් බලන්න හිතන් ගියොත් වෙන්නේ බාගෙට බලල එන්න.

අයිෆල් නැගීම

2011-03-25T10:39:00.000Z

පැරිසියේ මැද අර තියෙන පරණ යකඩ කණුවට නගින්න තමා දැන් ප්ලැන් එක. සිරාවට වෙලාවකට හිතෙනවා අහවල් දේකට තේරුමක් නැති යකඩ කණුවක් හිටෙව්වද කියල..උන්ට හිතුනද දන්නේ නෑ පැරිසියටම එක ලොකු අකුණු සන්නායකයක් හදන්න හිතුවද දන්නේ නෑ. විකිපීඩියා එකේ නම් තියෙන්නේ ඕක හදල තියෙන්නේ බැස්ටිලේ අල්ල ගත්තු එකේ 100 වෙනි සංවත්සරේ වෙනුවෙන් තිබ්බා වෙළදපොලේ ඇතුල්වෙන තැන කියලා. ඔය කට්ටිය එකතු වෙලා ලියන සයිට් එක ගැන මගේ කිසි විස්වාසයක් නෑ. ඉතින් එක නිසා මම හිතාගත්තා ලොකු අකුණු සන්නායකයක් වෙන්න ඕනේ කියලා.

ඕක තියෙන්නෙත් ඉතින් සේන් ගග අයිනේම තමා. කලින්ම ටිකට් අරන් අපි ගියේ..උන්ගේ වෙබ් සයිට් එකෙන් ටිකට් ගන්න පුළුවන්. යන වෙලාවයි...කොච්චර දුරට යන්න ඕනෙද කියලයි කියලා දැම්මම ටිකට් එක ගන්න පුළුවන්. කලින් ටිකට් ගත්තු එක සැහෙන්න මොලේ තියෙන වැඩක් කියලා තේරුනේ තියෙන පෝලිම දැක්කම. ලෝකේ වටෙන්ම මිනිස්සු ඇවිල්ල එතන පිරිලා. අපි ඉතින් අපේ කලින් ගත්තු ටිකට් පෙන්නලා වීරයෝ වගේ ඇතුලට ගියා. එතනත් අර කතරගම ගියාම සෙල්ලන් බඩු එහෙම විකුනන්න තියෙන්නේ ඒ වගේ තමා. වටේම ඉන්නාව එක එක ජාතියේ බඩු උස්සගෙන මිනිස්සු විකුනන්න. ඇල්ජිරියන් උනුයි අපිට අල්ලපු රටේ උනුයි තමා එතනත්. උන් හිතුවේ අපිත් උන්ගේ රටේ කියලා..ඔය යක්කුන්ගේ රටේ එකෙක් වෙනවට වඩා හොදයි සෝමාලියාවේ ඉපදෙන එක.

අයිෆල් කුලුන මීටර් 324 උසයි..(මම පොඩි මීටර් කෝදුවක් අරන් ගියේ..ඕක හරිද කියලා බලන්න) තට්ටු තුනක් තියෙනවා..මුල් දෙකේම තියෙන්නේ පොඩි ආපනශාලා. අර පොලවට හයි වෙලා තියෙන කකුල් හතරේ තියෙනවා පඩි පෙළවල් සහ ලිෆ්ට්. ඔය කැමති එකකින් යන්න පුළුවන් උඩට.

අපි කෙලින්ම ලිෆ්ට් එකක් අරන් ගියා දෙවෙනි තට්ටුවට. දැන් ඔය කකුල් ටික තියෙන්නේ ඇදෙටනේ, ඉතින් කෙලින් කිව්වට ලිෆ්ට් එක යන්නෙත් කකුළුවා වගේ හරහට. එකෙත් පොඩි ගතියක් තියෙනවා. මොකෝ ඇදේට යන ලිෆ්ට් එකක හැමදාම යන්න වෙන්නේ නැනේ. අනික ලිෆ්ට් එකේ යනගමන් ෆොටෝ ටිකක් ගත්ත. කණුවේ කෙලවරෙන්ම උඩට විනිවිද පේන ලිෆ්ට් එකක යනඑක චුට්ටක් විතර බය හිතෙන වැඩක්. නමුත් මාර ලස්සනට ඇතට පේනවා.

දෙවෙනි තට්ටුවට ආවම තමා පැරිසියේ ලස්සන හරියට පෙන්නේ. එක පැත්තකින් සේන් ගග. අනිත් පැත්තෙන් පැරිසියේ ගොඩනැගිලි. කෙලින්ම උඩ බැලුවොත් අයිෆල් කුලුනේ ඉතුරු ටික උසට උසේ පේනවා.

දෙවෙනි තට්ටුවේ ඉදන් තුන්වෙනි එකට යන්නනම් පඩිපෙලක් නෑ. තියෙන්නේ ලිෆ්ට් එක විතරයි. සැහෙන්න උඩනේ තියෙන්නේ. අර මුදුනේම පොඩි කොටුවක් වගේ පෙන්නේ. එක තමා තුන්වෙනි තට්ටුව. එතනට ඇවිල්ල එලියට ආවම තියෙන හුලගනම් කියලා වැඩක් නෑ. ඔව් ඉතින් තට්ටු 80 ක විතර ගොඩනැගිල්ලක උඩම තට්ටුවේ ඉන්නවා වගේනේ ඉතින් ඔය උස. තුන්වෙනි තට්ටුවේ තියෙනවා එතන ඉදන් ලෝකේ එක එක තැන්වලට තියෙන දුර ගහල. කොලබට තියෙන දුරත් ගහල තිබ්බනේ.

වටපිටාව බලල පහලට එන ගමන් ආයෙම දෙවෙනි තට්ටුවේ නතර වෙලා පොඩ්ඩක් කාල බිලා විවේකයක් අරන් එන්නත් අමතක කරේ නෑ.

ආයේ රෑ වෙලා සේන් ගග ලගටයි අයිෆල් කුලුන ගවටයි ආවා. අයිෆල් කුලුනේ නිල පාටයි, කහ පාටයි ලයිට් දාල..හරිම ලස්සනයි...

මොනලිසාව බලන්න ලුවර් කෞතුකාගරේට ගියපු හැටි එලාග ලිපියෙන්.

සේන් ගග දිගේ..

2011-03-24T15:00:00.000Z

පැරිසිය එලියට කොච්චර ලස්සනට පෙනුනත් සමහර තැන්නම් ගන්න දෙයක් නෑ. විශේෂයෙන්ම දුම්රිය ස්ථාන. ලන්ඩන්වල කවදාවත් උමං දුම්රිය ස්ථානයක් පොදු වසිකිලියක්වගේ ගද ගහන්නේ නෑ. ලන්ඩන් ඕනේ නෑ..කොළබ කොටුව දුම්රිය ස්ථානය සමහර වෙලාවට ඊට වඩා නහයට සනීපයි. ඉතින් අපි අර හෝටලේ බඩු ටික දාල ආපහු ටියුබ් එකක් ගත්තා නගරය මැදට යන්න. ඔන්න එතැනදී තම ග්‍රේ පලවෙනි පාරට තට්ටු දෙකේ කෝච්චියක් දැක්කේ. කෝච්චියට නැග්ගට පස්සේ පඩිපෙළක් තියෙනවා උඩට නගින්න. නිකන් තට්ටු දෙකේ බස් එකක යනවා වගේ තම ඉතින් දැනෙන්නේ. දැක්කට වැඩක් උනේ නෑ. අපිට නගින්න තිබ්බේ වෙන කෝච්චියකට. එකට නම් ඉතින් එක තට්ටුවයි..තට්ටු දෙකේ කෝච්චියේ යන්න හම්බු උනේ ඊට දවස් දෙකකට වගේ පස්සේ වෙන ගමනක් යනකොට..

ඔය පල්ලෙහා තියෙන්නේ ඒ වගේ තට්ටු දෙකේ කෝච්චියක්.

අර මම කලින් පොස්ට් එකේ කිව්වේ ලන්ඩන් වල දුම්රිය ස්ථානවල කට්ටිය සංගීත භාණ්ඩ වාදනය කරනවා කියලා. එහෙම වාදනය කරන පොරක් තමා ඔය ඉන්නේ. පොර කොච්චර සිරාවට සෙල්ලම් කරද කියනවනම් වටේ හිටපු ඩයල් නටන්න පටන් ගත්තා..ගහපු සින්දුවනම් මතක නෑ. නමුත් සැහෙන්න ප්‍රසිද්ද ඉංග්‍රීසි සින්දුවක් කියලනම් මතකයි..

කෝච්චියෙන් ගිහින් බැහැල එලියට ආපු ගමන් දුරට පෙන්න තියෙන්නේ අයිෆල් කුලුන. සාමාන්‍යයෙන් අපි එලියට බැස්සොත් ඉතින් මොකක් හරි කෙලවීමක් වෙන එක බොහොම සුපුරුදු දෙයක්නේ. ගමන පිටත් වෙන්න දවස් දෙකකට වගේ කලින් කාලගුණ වාර්තාව දාල තිබ්බේ පැරිසියට අම්බානට වහින්න සෙට් වෙනවා කියලා. සතියකට වගේ කලින් ගියපු මගේ යාලුවෙක්ටත් ලොකු පරිප්පුවක් කන්න සෙට් වෙලා තියෙනවා වැස්ස සෙට් වෙලා. ඉතින් අපි වැදගෙන ගියේ වහින්න එපා කියලා. අපේ වාසනාවට එදා බොහොම හොදට අව්ව තිබ්බා. අහස අපුරු නිල් පාටයි...පින්තුර ගන්න කියාපු දවසක්. හැබැයි ඉතින් සමහර වෙලාවට නම් ඉතින් පොඩ්ඩක් වගේ අව්ව සැර වැඩි වෙලා පින්තුර ඕවරඑක්ස්පොස් වෙලා තිබ්බා. එදා තිබ්බා අව්වේ හැටියට එක බොහොම සරල දෙයක්.

අපි බෝට්ටුවට නැගල අන්තිමම පේලියේ වැඩි වුනා. අන්තිමට වාඩිවෙන එකේ තියෙන චාන්ස් එක තම ඉතින් පින්තුර ගන්න ලේසියි.. බෝට්ටුවේ පිටිපස්සෙන් ලස්සනට වටපිටාව පේනවා. පැරිසියේ නගරේ මද ඔක්කොම වගේ තියෙන්න පරණ ගොඩනැගිලි. ලන්ඩන් වල වගේ පරණ ඒවා අස්සේ අලුත් ගොඩනැගිලි හදල නෑ. ඉතින් අන්තිම සිට් එකේ වාඩිවෙලා පාලම් වල පින්තුර අරගත්තු එක තමා කරේ. ( පාලම් කොක්කු නම් දැක්කේ නෑ, ඔන්න අහන්න කලින් කිව්වා)

බෝට්ටුවේ යනගමන් අයිෆල් කුලුනෙත් පින්තුර දෙකතුනක් ගත්තා.. වටේ පිටේ තිබ්බා ගොඩක් ගොඩනැගිලි වල නම් මතක තියාගන්න තරම් සිහියක් තිබුනේ නෑ, මොකද බෝට්ටුවේ යනකන් ෆෝන් එකෙන් ලොකු මලක් කඩ කඩ ගියේ. ඉතින් ඔය වෙලාවට ඔය කියන නම් ගම් මතක හිටින්නේ නැනේ.

අයිෆල් කුලුන ගාව නංගිලා දෙන්නෙක් බොක්සින් ගහනවා..අපේ ගෙදර ගාව පාර්ක් එකෙත් හවසට හවසට හිටිගමන් කට්ටිය ඕක කරනවා. ඉතින් එක මතක් වෙන්නත් එක්ක කියලා මමත් ගත්තා පින්තුරයක්.

අයිෆල් කුලුන නැගපු හැටි ඊලග ලිපියට දාන්නම්.

ගමනක මුල....

2011-03-23T13:57:00.000Z

සැහෙන කාලයක් තිස්සේ ලියන්න ඕනේ කියල හිතපු කතාවක් අද පටන් ගන්න යන්නේ...අදින් පස්සේ ගොඩක් වෙලාවට බහුතරයක් කතා මේ වගේ වේවි...

කියන්න යන්නේ ග්‍රේ පැරිසියට ගියපු කතාව..

කොයි ලෝකෙට යන්න වුනත් ඉතින් මුලින්ම විසා ගන්න ඕනෙනේ..ඔය සුද්දන්ටවගේ අපිට හිතේ හැටියට ඕනේ ඕනේ තැනට යන්න අමරුයිනේ..ඉතින් ඔන්න ග්‍රේ ගියා විසා ගන්න. එංගලන්තෙට එන්න විසා ගන්න කාපු කට්ටත් එක්ක බලද්දී ඒ වගේ දෙගුණයක විතර කට්ටක් ප්‍රංශකරගෙන් කන්න වෙයි කියල හිතාගෙන තමා ඉතින් ගියේ. මාස තුනක පඩි විස්තර, බැංකු ගිණුම් වල විස්තර, ඔෆිසියෙන් ලියුමක්, ඔය වගේ තව හට හුට හමාරක් උස්සගෙන ගියේ. සිරාම වැඩේ තමා ඔක්කොම උස්සන් ගියාට විසා අයදුම්පත්තරේ විතරක් පුරවල අරන් ගිහින් තිබුනේ නෑ. ඉතින් අන්තිමට දඩබඩ ගාල එකත් පුරවල ඔක්කොම එකක් ගිහින් දුන්න. මෙන්න අනිත් පැත්තට විනාඩි පහෙන් විසා එකත් ගහල පාස්පෝට් එක දුන්න. අපි ඉල්ලුවේ දවස් 5 කට එකවරක් විතරක් යන්න, නමුත් මාස 6 කට මල්ටිපල් එනට්‍රි හම්බුනා.. පස්සේ දවසක ඉතාලි යන්න ඔහොම ගන්න ගියාම දීපු විසා එකේ හැටියට මේක මරේ මරු.ඔය විසා ඔෆිස් එකේ ආරක්ෂක සේවයේ හිටපු ඩයල් එක හරියට ට්‍රාන්ස්පොටර් ෆිල්ම් එකේ ඉන්න ජේසන් ස්ටතම් වගේ. අපේ වෙලාවේ චීන්නු ටිකකුත් ඇවිල්ල හිටිය විසා ගන්න..එකෙක් ඇතුලේ ජංගම දුරකතනයකින් කතා කර කර හිටියේ. ආරක්ෂාවට හිටපු කාන්තා නිලදාරිනියක් කිව්වා ඇවිල්ලා මේක ඇතුලේ දුරකථන පාවිච්චිය තහනම් කියලා, අරු ගණන් ගත්තේ නෑ. ඉතින් ඔන්න අපේ ජේසන්කාරය අවා. අරුට පොඩ්ඩක් එන්න කිව්වා පැත්තකට..කෙලවරට අරන් ගිහින් එලියට යන්න පුළුවන් දොරක් ඇරියා..ඇරලා කිව්වා...ඔයාට දැන් කැමැත්තෙන් එලියට බහින්න පුළුවන්, නැත්නම් මම උබව එලියට අදාල විසිකරලා දානවා කියලා. එතනින් පස්සේ චිනගේ ඔක්කොම සද්ද ඉවරවුනා.

ආයෙම කතාවට එමුකො...

ලංකාවේ ඉදන් පැරිසියට කිලෝමීටර් 8500 වගේ තිබුනට ඉතින් ලන්ඩන් වල ඉදන් තියෙන්නේ කිලෝමීටර් 350 වගේ දුරක්. අනික ලන්ඩන්වල ඉදන් පැරිසියට යන්න පුළුවන් යුරෝස්ටාර් අධිවේගී කෝච්චියේ. කෝච්චිය ලන්ඩන්වල ඉදන් ඩෝවර් වලට එනකන් ඇවිල්ලා එතන ඉදන් මුහුද යටින් යනවා ප්‍රංශයේ කැලේ දක්වා. එතන ඉදන් ආයේ පැරිසියට සාමාන්‍ය විදිහ තමා. ඔය කෝච්චියක් සාමාන්‍යයෙන් පැයට කිලෝමීටර් 300 විතර වේගයෙන් ගමන් කරනවා.

ඔය පහල තියෙන්නේ අපි අපු කෝච්චිය තමා. පොඩ්ඩක් ඉතින් දුවිලි පාරක් එහෙම වැදිලා තියෙනවා.

ඉතින් උදෙන්ම ලන්ඩන් වලින් කෝච්චියට නැගපු ග්‍රේ පැය 2-3 කින් පැරිසියේ. උදෙන්ම නැගිටපු නිසා කෝච්චියේ හොදට නිදාගත්තා. මොකෝ ඉතින් යන වේගෙට මුකුත් එළියේ තියෙන දෙයන් පැහැදිලිව අදුරගන්න පුළුවන් කියලායැ. පැරිසියේ "උතුරු දුම්රිය ස්ථානයෙන්" සුටුස් ගාල එලියට ඇවිල්ලා අපි බුක් කරපු හෝටලේට ගියා. දුම්රිය ස්ථානයේ ඉදන් විනාඩි 5 ක වගේ දුරකින් තමා අපි හෝටලේ හොයාගත්තේ. එකට ගිහින් උස්සන් අපු ගමන් මලු එහෙම අතැරලා හැරෙන තැපෑලෙන් ආයේ එලියට අවා.

පල්ලෙහා පින්තුර ටික පැරිසියේ Gare du Nord දුම්රිය ස්ථානයේයි එක අවටයි. (ලොකුවට බලන්න ඕනේ නම් පින්තුරේ උඩ ක්ලික් කරන්න)

ලන්ඩන් වලට වඩා දැකපු අනිත් ලොකුම වෙනස තමා හිගන්නෝ..ලන්ඩන්වල ලගට ඇවිල්ලා අත දික්කරල සල්ලි ඉල්ලන ය බොහොම අඩුයි..ගොඩක් වෙලාවට කරන්නේ මොකක් හරි සංගීත භාණ්ඩයක් වාදනය කරන එක. නමුත් පැරිසියේ එලියට අවා විතරයි අපිව වටකරගත්තා. අපි සංචාරයට අවා කියලා තේරෙන්නත් ඇති..කොහොම නමුත් හැමෝම සල්ලි ඉල්ලන එක තමා කරේ. ගොඩක් අය ඇල්ජිරියානු කාන්තාවෝ. ඇල්ජිරියාව ඉස්සර ප්‍රන්ශේ යටත් විජිතයක්නේ. ඉතින් මගේ හිතේ උන්ට නිදහසේ ප්‍රන්ස්හෙට එන්න පුළුවන් ඇති. අල්ජිරියටව නිදහස දුන්නයි කියලනේ චාර්ල් ඩිගොල්ව මරන්නත් හැදුවේ ප්‍රංශ සෙට් එකක්ම. ඔන්න ආයේ පිල්ලෙන් පිට පනිනවා...

තට්ටු දෙකේ කොච්චියි, සේන් ගගේ රවුමක් ගියපු හැටියි ඊලග ලිපියෙන් දැන්නම්.

පිකාසෝ

2011-03-18T10:41:00.001Z

කලින් කතාවේ පොඩ්ඩක් අපි කතාකරානේ පිකාසෝ ගැන. මොඩර්න් ආර්ට් (ඇවිදින ඒවා නෙවෙයි) බලන්න ටේට් ගැලරි එකට ගිය වෙලාවේ එතනත් පින්තුර සෙට් එකක්ම තිබුණා. හැබැයි එක පින්තුරයක් මට මග ඇරිලා තියෙනවා දවස් කිහිපයක වෙනසකින්. එක තම පිකාසෝගේ 'Nude, Green Leaves and Bust' කියන පින්තුරය. ලෝකේ මේ වෙනකන් වැඩිම ගානකට විකිණිලා තියෙන්නේ ඒ පින්තුරේ. ඒ ගිය අවුරුද්දේ ඩොලර් මිලියන් 333.5 කට. අරන් තියෙන්නේ කවුද කියල නම ප්‍රසිද්ද කරලා නෑ. කොහොම හරි ඕකත් ටේට් ගැලරි එකේ ප්‍රදර්ශනයට දාල තියෙනවා දවස් කිහිපයකට කලින්.

මම චිත්‍ර ගැන ලොකුවට දන්නේ නෑ. ටේට් ගැලරි එකේ පිකාසෝ තමන්ගේ ජිවිතේ අන්තිම කාලේ ඇදපු චිත්‍ර සෙට් එකක් තිබුණා. නාකිවෙලා මුකුත් කරගන්න බැරි උනාම පොරට තිබ්බ දෙස්පරේෂන් එක තමා හැම චිත්‍රෙකම තිබුනේ. සමහරු මේ චිත්‍රවලට කැමති වේවි..සමහරු අකමැති වේවි.. නමුත් වැදගත් වෙන්නේ අන්න ඒ කැමති හෝ අකමැති වෙලා එන හැගීම.

පින්තුර ගත්තේ ටේට් ගැලරි එකේ වෙබ් අඩවියෙන්

මොඩර්න් ආර්ට්

2011-03-11T12:13:00.004Z

මමයි මුදුකොල්ලකාරයයි තව යාළුවෙකුයි පහුගිය දවසක ගියා ටේට් මොඩර්න් ආර්ට් ගැලරි එකට. ග්‍රේට කොහොමත් මොඩර්න් ආර්ට් කියනදේ එච්චර තේරෙන්නේ නෑ. සිරාවට බලිකුරුටු ටිකක් වගේම තම පෙන්නේ. මේ සැරේ ලංකාවට ගියා වෙලාවෙත් ඇබ්ස්ට්‍රක්ට් ආර්ට් තියෙන ප්‍රදර්ශනයක් බලන්න දන්නා අදුරන ගැණු ළමයෙක් එක්ක ගිහින් අන්තිමට යන්තන් ගුටි නොකා ගෙදර ආවා. කොහොමහරි එක වෙනම කතාවක්...ඉතින් ඔන්න අපි තුන්දෙනා ගියා බලන්න නුතන කලාකෘති.... ඔය සෝලිස් මාස්ටර්ගේ කැළණි විහාරයේ පින්තුර, ජෝර්ජ් කීට්ගේ ගෝතමී විහාරයේ පින්තුර, මයිකල් අන්ජිලෝගේ සිස්ටයින් චැපල් එකේ පින්තුර..ඔන්න ඕව තම ග්‍රේ කැමති ශයිලිය. ලස්සනට පාට කරලා තියෙන්න ඕනේ.
දැන් ඉතින් ඇතුලට ගිහිල්ල අපි අපි බලනවා එක එක ඒවා...සමහර දේවල් නම් තේරුම් ගන්න වෙනම කොර්ස් එකක් කරලා එන්න වෙනවා වගේ. අනික තමා ලස්සන කෙල්ලෝ වැහි වැහැල. නිකන් ලංකාවේ කැම්පස් එකක ආර්ට් ෆැකල්ටියට ගියා වගේ.
ඔය තියෙන්නේ ඉතින් එකේ ප්‍රදර්ශනයට දාල තිබුණු පින්තුර කිහිපයක්...

සිරාවට පොඩ්ඩක් දගලුවොත් මටත් බැරි නෑ ඕව අදින්න..වැඩේ තමා මේ චිත්‍රවලින් ලොකු අදහසක් කියවෙනවා කියන එක... වරදක් කියනවා නෙවෙයි..ඇත්තටම මට තේරුම් ගන්න බෑ.
කොහොම හරි ඉතින් ඔන්න බලල බලල අන්තිමට පිකාසෝගේ පින්තුර ටිකකුත් තිබ්බ..ඒවත් බැලුව...ඔන්න ඔය අතරේ තමා දවසේ කතාව ඇදිල අවේ. දැන් අපි ගොඩක් දෙනෙක් පිළිගන්නවනේ පිකාසෝ පට්ට සිරා චිත්‍ර ශිල්පියෙක් කියලා..මම වැන් ගෝට ගොඩක් කැමතියි...නමුත් පිකාසෝ ගැන එච්චර පැහැදීමක් නම් නෑ. අර මුලින්ම කියපු සිද්දිය වෙන්න පුළුවන් හේතුව.
කතාව වුනේ පිකාසෝ ඔය පදික වේදිකාවක වගේ චිත්‍ර අදාල විකුනන්න තිබ්බනම්, මයිකල් ඇන්ජිලෝ තාප්ප වල චිත්‍ර ඇද ඇද හිටියනම් ඔයවගේ මහා ලොකු නමක් අද ඇතිවෙයිද කියන එක. ඩැනියෙල්-හෙන්රි කන්වෙයිලර් (නම කිව්වා හරිද මන්ද) පිකසොට එදා අනුග්‍රහය නොදක්වන්න අද පිකාසෝ කෙනෙක් නැතිවෙන්න තිබ්බා. මම දකින්නේ ඔතන සරල හේතු කිහිපයක්...අපි වගේ සාමාන්‍ය පුද්ගලයෙකුට තව පුද්ගලයෙකුව ඔසවාතබන්න හැකියාවක් නෑ..ඒ වගේම ඒ තරම් ඉහල රසක්‍යතාවකුත් නෑ...ඒ වගේම වෙලාවකුත් නෑ. ඕකට හොද උදාහරණයක් අවුරුදු කීපෙකට කලින් ඇමරිකාවේ උනා. ජෝෂුවා බෙල් ඔහුගේ ඩොලර් මිලියන් 3.5 වටිනා වයලින් එකෙන් වොෂින්ටන් වල උමං දුම්රිය ස්ථානයක වයලින් ගහපු අවස්ථාවේ... විනාඩි 45 වයලින් ගහල හොයාගන්න පුළුවන් වෙලා තිබ්බේ $32 විතරයි....නමුත් එට දවස් දෙකකට කලින් ජෝශුවගේ ප්‍රසංගයකට එක ටිකට් එකක් ගියිහින් තියෙන්නේ $100 කට වගේ. මම උනත් ඒ අවස්ථාවේ එතන දුම්රිය ස්ථානයේ හිටියනම් අරු සිරාවට වයලින් ගහනවා කියාගෙන යාවි...නැතුව නතර වෙලා අහන එකක් නම් නෑ. ටැබූ හිටියනම් අපුරු විග්‍රහයක් අහගන්න තිබුණා.
පිකාසෝගේ පින්තුර ටික පස්සේ දවසක දාන්නම්... වෙන කතාවක් එක්ක...

P.S

ක්‍රව්-මගා සටන් ශිල්පයේ ෆර්ස්ට් හෑන්ඩ් එක්ස්පිරියන්ස් එකක් ගැනීමේ අකමැත්ත නිසා ලියන ලදී.

ජෝෂුවා බෙල්ගේ කතාව කියන ලද්දේ මුදුකොල්ලකාරයා වන අතර...එම කතාවේ සියලු හිමිකම් ඔහු සතුය.

නොලියා ඉන්න බැරි නිසාම....

2011-03-09T11:10:00.000Z

පුද්ගලයෙකුගේ අදහස් ප්‍රකාශ කිරීමේ අයිතිය මම දැඩිව විශ්වාස කරන දෙයක්. හරියට මනුස්සයෙක්ට ඕනෙම දෙයක් ඇදගෙන පාරේ යන්න පුළුවන් කම තියෙන්න ඕනේ වගේ. (සමහරු එකටත් විරුද්දයිනේ)
අපි මතවාදීව අන් අයෙක්ගේ මතයකට එකගවීම හෝ නොවීම වෙනම කාරණයක්. මතවාදී එකග නොවීමක් තියෙනවනම් තර්ක කරන්න පුළුවන්. එහෙම නැතුව හරි ඒ පුද්ගලයාගේ අදහස් ප්‍රකාශ කිරීමේ අයිතියට බාධා පමුණුවන එක කොහෙත්ම පිළිගන්න පුළුවන් දෙයක් නෙවෙයි.
පසුගිය දවස් වල බ්ලොග් අවකාශයේ සිදුවුන දේවල් සමහරක් පිළිගන්න අපහසුයි. අතිශයින් දක්ෂ සහ කලානුරුප මාතෘකා ගැන ලියවුනු විශිෂ්ට බ්ලොග් කිහිපයක් ඉතාම කෙටි කාලයක් තුල නැවතිලා තියෙනවා. ඒ වගේම බ්ලොග් කිහිපයක් හැක් වෙලා තියෙනවා. මේවා වෙන්න ඕනේ දේවල් නෙවෙයි. විශේෂයෙන්ම ටැබූගේ බ්ලොග් එක හැක් වීම සහ කොලුගෙ සමුගැනීම ඉතාම විශාල පාඩුවක්. බ්ලොග් අවකාශයතුල කතා බහට ලක්නොවෙන මාතෘකා ගැන ඉතාම විශිෂ්ට රචනා ශයිලියකින් ලියන්න පුළුවන් ඉතාම සුළු ප්‍රමාණයෙන් කිහිප දෙනෙක් තමයි ඒ දෙදෙනා.
අන්මත විදදරා ගන්න බැරිකම මානසික රෝගී ලක්ෂණයක්. ඒ වගේම ඊට විරුද්දව මෙවැනි පහත ආකාරවලින් ප්‍රතිචාර දැක්වීම තුල තියෙන්න පුද්ගල පවුරුෂය පිළිබද ගැටළුවක්.
මේ වගේ දේවලට විරුද්දව පොදුවේ හඩක් නගන්න ඕනේ වෙනවා. ගොඩක් වැරදි දේවල් වෙන්නේ නරක මිනිස්සු වැඩි නිසා නෙවෙයි....යහපත් පුද්ගලයෝ කටවහගෙන හිටපු නිසා.

First they came for the communists,
and I didn't speak out because I wasn't a communist.

Then they came for the trade unionists,
and I didn't speak out because I wasn't a trade unionist.

Then they came for the Jews,
and I didn't speak out because I wasn't a Jew.

Then they came for me
and there was no one left to speak out for me.
Pastor Martin Niemöller (1892–1984)

සමහර විට මේ පොස්ට් එකට වන්දි ගෙවන්න වේවි මගේ බ්ලොග් එකෙන්..

පැය 24 සේවාව

2011-03-06T21:49:00.000Z

අද හවස ගෙදරට බඩු ටිකක් ගන්න කියලා ටෙස්කෝ එකකාට ගියා. උඩ ලොකුවට පැය 24 පුරාම වැඩ කියලා ගහල තිබ්බ නිසා මම ගියේ 3.ත විතර. මෙන්න මුන් හවස 4ට ඒක වහනවා. පස්සේ තම දැක්කේ යටින් පොඩියට ලියල තියෙන ඒක.

මේ තියෙන්නේ ඒක. යටින් පොඩියට ලියල තියෙන ඒක බලන්නකෝ.

කොහොමද වැඩේ??
ප.ලි: ටෙස්කෝ ගැන දන්නේ නැති අයට. ටෙස්කෝ තමා මෙහෙ තියෙන ලොකුම සුපර් මාර්කට් චේන් ඒක. ලාභ අනුව බැලුවම ලෝකෙන් දෙවෙනියට තියෙන එක. එකෙත් එක්ස්ට්‍රා කියන්නේ තියෙන ලොකුම සුපර් මාර්කට් එකට. ඕනනේ එකෙත් හැටි.
http://en.wikipedia.org/wiki/Tesco

ප්‍රීතිමත් නත්තලක් සහ සුබ නව වසරක්

2010-12-17T15:35:00.000Z

අවුරුද්දක්ම මහන්සි නොබලා වැඩ කරපු සියල්ලටම පොඩි විවේකයක්. දෙසැම්බර් මාසේ අන්තිම හරිය පටන් ගන්නවා. ගොඩක් අය නිවාඩු ගිහින්..තවත් අය නිවාඩු යන්න ඔන්න මෙන්න. ග්‍රේත් අයිති වෙනවා ඔය දෙවෙනි කණ්ඩායමට. උඩ පින්තුරේ තියෙන්නේ ග්‍රේගේ ඔපීසියේ මේසේ. ඉතින් ඔන්න ඔක්කොම රාජකාරි පරිගණක ඕෆ් කරා. දුරකථනය රිසෙප්ෂන් එකට ෆෝවඩ් කරා. ෆයිල් වලට දාන්න ඕනේ ඒවා ෆයිල් වලට දැම්ම. ශේරෙඩ් කරන්න ඕනේ ඒවා ශ්රෙඩ් කරා. හොද නිවාඩුවකට පස්සේ අලුත් පිට ලබන අවුරුද්ද පටන් ගන්න පුළුවන්.
මේසේ විතරක් නෙවෙයි.. මේ අවුරුද්දේ කාපු කටු, වෙච්චි චාටර් වීම් ඔක්කොම මේ අවුරුද්දෙන් ඉවර වෙලා ලබන අවුරුද්ද අලුතින්ම පටන් ගන්න පුළුවන් වෙයි කියල හිතනවා. කිසි කරදරයක් නැතිව වාත නොවී නිදහසේ ඉන්න පුළුවන් නම් එච්චරයි මට ඕනේ.

ඔබ සැමටත් ප්‍රීතිමත් නත්තලක් සහ ලබන්නාවූ නව වසර කිරියෙන් පැණියෙන් ඉතිරෙන වාසනාවන්ත සුබ නව වසරක් වේවා!!
ලබන අවුරුද්දේ හමුවෙමු... බොහොම වෙලාවට මේක මේ අවුරුද්දේ අන්තිම පොස්ට් එක වෙයි.

ආයුබෝවේවා මහරජාණෙනි!!

2010-11-18T00:26:00.000Z

ඉන්වික්ටස් චිත්‍රපටිය බලපු අය අහල ඇති මෙන්න මෙහෙම දෙබසක්.
Brenda Mazibuko: You're risking your political capital, you're risking your future as our leader.
Nelson Mandela: The day I am afraid to do that is the day I am no longer fit to lead.

අද උපන්දිනය සමරන මහින්ද රාජපක්ෂ ජනාධිපතිතුමනි මට ඔබතුමා ගැන කියන්න තියෙන්නෙත් එච්චරයි. එදා කොටියට විරුද්දව බය නැතුව සම ගිවිසුමෙන් එලියට ගිහින් ඔබතුමා ලොකු අවදානමක් ගත්ත. ඒ අවදානම නොවෙන්න ලංකාවේ අදටත් ත්‍රස්තවාදය තියෙනවා. අද ලංකාවේ තියෙන සාමයට ආර්ථික පුනර්ජීවනයට ප්‍රධානම හේතුව ඔබතුමා කිව්වොත් මම නිවැරදි වෙන්න ඕනේ.
නමුත් ඔබතුමා හිටපු ගමන් ලොකු බුල් කෙලිනවා කියලත් කියන්න ඕනේ. උදාහරණයක් විදිහට හෙට ඔබතුමාගේ පදවි ප්‍රාප්තිය නිසා කොළබ වැඩි හරියක් නිවාඩු. ඒකෙන් රටට වෙන ආර්ථික පාඩුව ගැන ඔබතුමාට දුක නැතිව ඇති..නමුත් මට දුකයි.. අපි තාම නිකන් ඉදල සල්ලි හම්බකරන්න පුළුවන් ආර්ථිකයක් නෙවෙයි. තව ඔය යාලු මිත්‍රයින්ට සලකන්න කියල මිහින් එයා වගේ මෝඩ වඩාත් ඉතින් ඉදල හිටලා කරනවා. නමුත් මට තාම ලංකාවේ ජනාධිපති විදිහට ඔබතුමාට වඩා සුදුස්සෙක් නම් කරන්න බෑ.

ඔබතුමා පළමුවෙනි පර ජනාධිපති වුනේ යුද්දේ ඉවර කරන පොරොන්දුවෙන්. ඔබතුමා එක හරියට කරා. දෙවෙනි පාර ජනාධිපති වුනේ චන්ද පොරොන්දු වලට වඩා ලංකාවේ මිනිස්සු කාලගුණ නොසලකන ජාතියක් කියල අහගන්න තිබ්බ බය නිසා වෙන්න ඇති කියල තාම මට හිතෙන්නේ. කොහොම හරි ඔබතුමා දැන් මගේ ජනාධිපති. මම කැසිනෝ වලට විරුද්ද නෑ, හම්බන්තොට වරයා හදනවටත් විරුද්ද නෑ. හැබැයි අර කෙල්ලෝ ටිකකගේ පින්තුර පත්තරෙයි, ටෙලියෙයි දාපු එකනම් අම්බ සවුත්තුයි. ඕව රටක නතර කරන්න ඕනේ දේවල් නෙවෙයි. හරියට නීතිගත කරලා පාලනයක් ඇතුව කරන්න ඕනේ. ඒ වගේම කෙල්ලට හොරෙන් වීඩියෝ කරලා ඕව තැන තැන දාපු උන් ටික අල්ලලා ගල් ගහල මරල දාන්න තමා වටින්නේ.

මට රටේ වෙන ඔක්කොම දැනගන්න ඕනේ නෑ. නමුත් ලංකාවට එකොනොමිස්ට් සගරාව එන එක පොඩ්ඩක් පරක්කු වෙනවා කියල ආරංචියක් ආවා. සාමාන්‍යයෙන් ඉකොනොමිස්ට් කියවන්නේ ලංකාවේ උගත් පන්තිය. ඒ අයට තොරතුරු දැනගන්න වෙන මාර්ග ඕනේ තරම් තියෙනවා. ඉතින් ඔය වගේ ඉදල හිටලා පරක්කු උනාට මගේ හිතේ උන්ට නම් පාඩුවක් නෑ. අර BBC කාරයට උතුරට යන්න දුන්නේ නෑ කියලත් ආරංචියක් ආවා. ඔය යක්කුන්ට යන්න දෙන්න වටින්නේ නෑ තමා. මුන් හදන්නෙම මොකක් හරි කරලා රට අවුලවන්නනේ. එතකොටනේ ඩොලර්, පවුම් එහෙම හම්බුවෙන්නේ. ජනමාද්‍යවේදියා කියන එකා අමුතු සතෙක් කියලනේ උන් හිතන් ඉන්නේ. එකට ඕනේ තෙනකට යන්න පුළුවන්, ඕනේ දෙයක් කරන්න පුළුවන් කියලා සහ උන්ගේ පරම යුතුකම දන්නා හැම ඉටිගෙඩියම රට්ටුන්ට කියන එකයි කියලා. දෙවෙනි ලෝක යුද්දේ කාලේ අර චර්චිල් ලොක්ක කරා වගේ දෙන්න තියෙන්නේ එහෙම හිතන් ඉන්න උන්ට. ඒකෙන් කියන්නේ නෑ ඔබතුමා කරන ඔක්කොම හොර වඩා වලට කට වහන් ඉන්න ඕනේ කියලා. ඒවානම් කියන්න වටිනවනේ.

ඔබතුමා දැන් අහමදජින් ලොක්ක එක්කයි, හු ජින්ටවෝ අයිය එක්කයි බොහොම කිට්ටුයි කියලත් ආරන්චියි. බොහොම සතුටුයි. අනිත් උන් කොන් කරාට අපි කොන් කරන ඒක වැරදියිනේ. අනික දෙගොල්ලොම හොදට සලකනවනේ අපිට. පුලුවනම් ඔය අස්සේ අර ඔබාමා කොලුවටයි, එලිසබෙත් ඇන්ටිටයිත් ලාවට එකක් දාගන්න, මොකෝ පාඩුවක් වෙනවා කියලය. එක දාගත්තොත් ලබන අවුරුද්දේ විලියම් කුමාරය බදිනකොට ඔබතුමාටත් වෙඩින්එකට ආරාධනාවක් ලැබෙයි මහවාසලෙන්. කාටද ආඩම්බර.

ඔය හම්බතොට වරයා හදන අතරේ හෙමිට පුලුවනම් කොලබයි, තිරිකුනාමලෙයි, මන්නාරම හරහා ඉන්දියාවයි යාකරලා කොච්චි පාරකුයි හොද අධිවේදී මර්ගකුත් හදන්න. ඊට පස්සේ අහමදජින් ලොක්කට කියලා න්‍යෂ්ටික බලාගාරයක් ගහන්න යාපනේ පැත්තේ. පොර ඉල්ලන පරක්කුවට දෙයි. තෙලුයි වතුරයි පුච්චලා විදිලිය හදන්න බැනේ හැමදාම. රටට යන කලක් තියෙන්න ඕනෙනේ.

අනික මේ දවස්වල සංචාරකයෝ මහා ගොඩක් එන එකේ, දැන් කසිනොත් තියෙන එකේ, මොකෝ කියන්නේ රතු එලි තියෙන ඒරිය එකකුත් දාමුද ඔය කොහේ හරි. මොකෝ අපේ රටේ දැනට නිකන් වෙන්නේ නෑ වගේනේ අපේ අයියල කට කරන්නේ. ඕව සිම්පල් වැඩනේ.

අනික ඔය කැම්පස් වල තියෙන්න අන්තරේ කියලා එකක්..අන්න උන්ට හොදට නෙලන්න.. එකට අර ඔබතුමාලගේ පක්ෂ කණ්ඩායම් ටිකකුයි, අර ගස් බදින පිස්සු බල්ලවයි ගත්තනම් හරි. එකත් බලන් ඉන්නේ කාව හරි හපන්නනේ. හැබැයි කුක්කු ටිකක් දුන්නොත් ඕකට මෙලෝ සිහියක් නැතිවෙයි කියලත් බයක් නැත්තෙත් නෑ.
ඔය රට වටේ දාන්න යන පවුද්ගලික විශ්වවිද්‍යාල නම් මරුම අදහස...ඕක කරන්න තිබ්බේ ගොඩක් කාලෙකට කලින්. මොකෝ නිදහස් අද්යපනේ කියලා හෙමොටම නිකන් ඉගෙන ගන්න දෙන්න බැනේ. සල්ලි තියෙන එක ගෙවල ඉගෙන ගත්තම අනිත් උන්ට මොකෝ..උනාට අමාරු නම් කියන්න තියෙන එකම දේ ඉරිසියාව කියලා..එක අර රුසියාවටත් වඩා ලොකුයිලුනේ.
අර ලෙඩ්ඩුන්ව අපෙට තියාගන්න දොස්තරලට ඔලුවටයි බඩටයි දාගන්න කියලා ටයර් දෙකකුයි, නාගන්න කියලා පැට්‍රොල් බෝතලෙකුය් දුන්නටත් කමක් නෑ.

අනික දැනට ඔබතුමාට තරෙග්කුත් නෑනේ චන්ද ගැන. මොකෝ අර ගේ ලෝර්ඩ් මේ ආත්මේ දිනන්නේ නෑනේ. අනික ජෝප්පෝ උනත් දැන් ඉන්නේ ඇටිකෙහෙල් කපු වදුරෝ වගේ. ෆොන්සේකා මහත්තත් ඉතින් දැන් අවලංගු වෙච්චි රුපියලේ කාසියක් ගානට වටිලානේ. තව කාට බය වෙන්නද... ඔන්න ඔහේ බය නැතුව ඔය වැඩ ටික කරලා දන්නා.
කරන අතරේ ඉතින් ඔය කීයක් හරි ගහගත්තා කියලා අපිට ලොකු අමාරුවක් නෑ. කොහොමත් එක අපේ රටේ දේශපාලනේ හැටිනේ. හෙබෙයි එහෙම පිටින්ම ගහන්නේ නැතුව පොඩි ගානකින් හරි වැඩේ කරන්න හරියට.

ඔන්න ඔය ටික ඔබතුමා ඉන්න ටිකේ කරන්න පුලුවනම් අනිවා ඩෙෆා මම ලංකාවට ඇවිල්ල හරි තුන්වෙනි පාර චන්දෙ ඉල්ලන්කකොට මගේ මනාපේ දෙනවා දෙනවමයි.
ඉතින් එතකන් සුබ උපන්දිනයක්!!

කවදා පායත්ද අප දිනිසුරාණෝ...
රණ බිමකට සරිලන සෙනෙවියාණෝ...
මුඩු බිමකට සරිලන ජල කඳාණෝ...
සුන්බුන් කොඳු ඇට සිටුවන රජාණෝ...

කවදා පායත්ද අප පුන් සඳාණෝ...
පරහිත පිණිස දළ දන් දෙන ඇතාණෝ...
නිදුකින් ඉන්ට මඟ පෙන්වන වෙදාණෝ...
මුසා බසින් අප නොපෙළන රජාණෝ...

කවදා එත්ද අපගේ එක් නෙතාණෝ...
ගිමනට සෙවණ දෙන තුරුනුග තුරාණෝ...
අප සම බිමක රඳවන සොහොයුරාණෝ...
රජෙකැයි අපට නොසිතෙන මහ රජාණෝ..

ශිශිරය පැමිණ ඇත

2010-11-16T10:43:00.000Z

ඔන්න අද තම ග්‍රේට තේරුනේ ශීත කාලේ ඇවිල්ල කියල.
මේකයි උනේ. ඊයේ උදේ ඇදුම් ටික හෝදලා වීරයා වගේ බැක්යාර්ඩ් එකේ වනල ග්‍රේ වැඩට ගියා. මොකට බය වෙන්නද.. කාලගුණ වාර්තාවේ වහිනවා කියල තිබ්බේ නැනේ. අනික ග්‍රේ කැමතියි පොඩ්ඩක් හුලන් වදින්න පුළුවන් විදිහට ඇදුම් වේලාගන්න. ගේ ඇතුලේ තියන් වෙලුවම ටිකක් අමුතු ගතියක් තියෙන්නේ. අර අපේ කතන්දර සුරින් වගේ ඇදුම් හැන්ගර් එකේ දාල එල්ලානේ නම් නෑ පොඩි වෙයි කියල. තියෙන හුළගේ හැටියට ගෙවල් දෙකක් තුනක් එහායින් හවසට එකතු කරගන්න පුළුවන් ක්ලිප්ස් නොදා එල්ලුවොත්. අනික ඔය කතන්දර සුරින්ගේ ඇදුම් පොඩි වෙන වැඩේට ග්‍රේත් පොඩි සුත්තරයක් කරනවා. ගන්න පුළුවන් හැම වෙලාවේම ගන්නේ අයන් කරන්න ඕනේ නැති කමිසම තමා ගන්නේ. කිසි ගින්නක් නෑ එල කිරි වගේ වැඩේ ගොඩ. හරි දැන් ඉතින් කතාවෙන් පිට යනවනේ. ඉතින් මම ඇදුම් වනල වැඩට ගියා. හවස ගෙදර එන්න පොඩ්ඩක් රෑ වුණා. ඉතින් ඇදුම් ගන්න යන්න කම්මැලිකමට ඔන්න ඔහේ තියල ගියා හෙට උදේ ගන්නවා කියල.
හෙට උදේ කිවේ ඉතින් අද උදේනේ. උදේ ඉතින් ඇදුම් ගන්න ගියාම තමා දැක්කේ වෙලා තියෙනදේ. කමිස නිකන් කාඩ්බෝඩ් වගේ වෙලා. මුළු කමිසේම වැහෙන්න අයිස් මිදිලා.
ඔය පහල තියෙන්නේ පින්තුරයක්. ෆෝන් එකෙන් ගත්තේ ඉතින් කොලිටි නම් අඩුයි. නමුත් තැනින් තැන හොදට අයිස් පේනවා.

ඊයේ රෑ පොඩ්ඩක් හීතල වැඩිවෙලා. දැන් එකක් දෙකක් අතට අරගත්තු නිසා ආයේ එල්ලන්නත් කම්මැලි. ඉතින් වීරයා වගේ ඔක්කොම ඇදුම් ටික ගෙනල්ල අත්හැරිය ගෙදරට. අද හවස ගෙදර යනකොට අනිවා ලොකු ජලාශයක් බලාගන්න පුළුවන් වෙයි.
ඉදල හිටලා හරි ඔය වගේ අයිඩියා එන්නේ ග්‍රේට විතරමයි. :)

පොපි දිනය.... අල් ජසිරා සහ අන්තවාදය..

2010-11-12T10:54:00.000Z

ඊයේ පොපි දිනය. එහෙම නැත්නම් මෙහේ යුධ වීරයන්ව සමරන දවස. මෙහේ කිව්වට ඉතින් මුළු පොදු රාජ්‍ය මඩුල්ලේම ඕක සමරනවනේ. එකොළොස්වෙනි මාසේ එකොලොස්වෙනිද එකොළොස්වෙනි පැයේදී පළමුවෙනි ලෝක යුද්ධය ඉවර වෙලා ගිවිසුම අත්සන් කිරීම තම මේක පටන් ගන්න හේතුව. නමුත් සමස්තයක් විදිහට යුද්ධයෙන් මියගිය සියලුම සොල්දාදුවන්ව මේ වෙනකොට සමරනවා. ලංකාවෙත් කොහොමත් මේ දවස් වල පොපි මල් එහෙම ගන්න පුළුවන්නේ.
ලංකාවට වඩා මෙහේ මම දැකපු විදිහට පොපි දිනය සහ පොපි සතිය සමරනවා. මිනිස්සු ගොඩක් තමන්ගේ ඇදුමේ පොපි මලක් ගහගෙන ඉන්නේ. මම ටියුබ් ස්ටේෂන් එකෙන් බැහෙලා එලියට එනකොට හැමදාම කෙඩෙට්ලා පොපි මල් විකුනනවා එළියේ ඉදන්. ගොඩක් මිනිස්සු ගන්නවා. අපේ ඔෆිස් එකේ ආපන ශාලාවෙත් විකුනන්න දාල තියෙනවා.
කොහොමින් කොහොම හරි ඉතින් ඊයේ පොපි දිනය සැමරුවා. විනාඩි දෙකක නිශ්ශබ්තාවක් එක්ක. රටක් විදිහට තමන්ගේ රට වෙනුවෙන් යුද වැදුණු සොල්දාදුවන් මෙහෙම සමරන එක මම දකින විදිහටනම් ගොඩක් යහපත් දෙයක්. ලංකාවෙත් අපි සමරනවනේ නිදහස් දිනේට එහෙම..
නමුත් මෙහේ ඔය විදිහේ සැමරීම් තියෙනකොට ලන්ඩන් වලම තවත් පැත්තක මුස්ලිම් කණ්ඩායමක් පොපි මල් පුච්චලා..සටන් පාඨ කියමින් උද්ගෝෂණය කරනවා. පුද්ගලයෙකුගේ අදහස් දක්වන්න තියෙන නිදහස මම අගය කරනවා. නමුත් රටක හමුදාවක් කියන්නේ ඒ රට ආරක්ෂා කරන අය. ලංකාවෙත් එහෙමයි..මෙහෙත් එහෙමයි..රට ආරක්ෂා කරනවා කියන්නේ ඒ රටේ ජීවත්වෙන අයව ආරක්ෂා කරනවා කියන එක. ඔය විරුද්දව කෑගහන අයත් ඒ ගොඩටම අයිතියි. ඉරාකෙදි ඇෆ්ගනිස්ථාන් වලදී බ්‍රිතාන්‍ය සොල්දාදුවෝ හැසිරුණ විදිහ සමහර අවස්ථාවලදී අනුමත කරන්න බැරි වෙන්න පුළුවන්. නමුත් ඔය මොන විදිහෙන් හරි එයාගේ මුලික වගකීම වෙන රටවැසියා ආරක්ෂා කරන එක කරනවා. රටක පුරවැසියෙක් විදිහට මුලින්ම අගය කරන්න ඕනේ එක. එහෙම නැතුව අල්ලපු රටේ මැරිච්ච ගැන හොයන එක නෙවෙයි. මම අදහස් කරන්නේ නැහැ අර ලෝර්ඩ් ෆකිර් වගේ අනිත් එකට හෙන ගහල ගියත් මට කමක් නේ මගේ වැඩේ වෙනවනම් කියන මට්ටමට යන්න ඕනේ කියල...නමුත් එක්තරා දුරකට ආත්මාර්ථය තියෙන්න ඕනේ.
අනික ඔහොම රට ඇතුලේ..රටේ අගනුවර..රටේ මිනිස්සු ආදරයෙන් යමක් සමරන වෙලාවක.. ඊට විරුද්දව වැඩ කරන එක අනුමත කරන්න මට නම් බැහැ. මුස්ලිම් අන්තවාදය කියල ඊට පස්සේ කොහෙන් හරි ගුටි කනවා. ඊට පස්සේ වෙන්නේ එකට විරුද්දව ජිහාඩ් එකක් පටන් ගන්න එක. මුන්ට අන්තිමට අමතකයි කෙළවරක තියෙනවා කියල මුලින් එයාල කරපු වරදකුත්.
ඔය අස්සේ අල් ජසිරා වල අපේ හමුදාව කරා කියලා පින්තුර ටිකක් ගියා දැක්ක. මගේ දමිල හිතවතෙක් මුනුපොතේ එක ශෙයා කරලත් තිබ්බ, අල් ජසිරා කියන්නේ මැදහත් සේවාවක් කියල. ලෝකේ කොහෙවත් මැදහත් මාද්‍ය තියෙනවා කියල මම විශ්වාස කරන්නේ නේ. හැම දෙකම පැත්තක් තියෙනවා. ලංකාවේ ලංකාදීපේ ඉදන් මර්ඩොක්ගේ මාද්‍ය ජාලය දක්වාම එහෙමයි. කොහොම හරි අර දාල තිබ්බ එකට මුණු පොතේම තවත් දමිල යාලුවෙක් දාල තිබ්බ දැන් ඕක වෙලා ඉවරයි..ඉවර වෙච්චි දෙයක් ගැන යලි යලිත් කතා කරලා තේරුමක් නැහැ කියල. එක නම් ඇත්ත..ලංකාව තව දුරටත් යුද්දයක් තියෙන රටක් නෙවෙයි. ආපසු ඒවගේ දෙයක් ඇතිවෙන්න දෙන්නත් හොද නෑ. කවුරු හරි ඇතිකරන්න හදනවනම් ඇගිල්ලෙන් කඩන්න පුළුවන් කාලේ පොරවෙන් ගහලම කඩන්න ඕනේ. ආයේ ඇති නොවෙන්න.
එංගලන්තයට ප්‍රංශයෙන් ගන්න තියෙනවා ආදර්ශ ටිකක්. ඒ ටික හරියට ගන්න පුලුවන්නම් මේ රටේ තියෙන ඔය වගේ මෝඩ අන්තවාදී ප්‍රශ්න ගොඩක් හදාගන්න පුළුවන්.

The Rajapaksa Dynasty?

2010-09-30T15:48:00.002+01:00

Usually blogger doesn't post articles written by others. But this would be his first exception. The following article was written by a friend of the blogger for his post-graduate studies.

The Sri Lankan president, Mahinda Rajapaksa, got his parliament to approve an 18^th amendment to the constitution giving him sweeping powers. A recent economist article is very critical of the new amendment. The executive presidency in Sri Lanka is very powerful as it is and the new amendment gives the president final authority over all appointments in judiciary, the civil service and the police plus the opportunity to contest any number of times for the presidency. The day these amendments were passed, a friend commented on Facebook the old quote “Power corrupts and absolute power corrupts absolutely”. That got me thinking, why is Mahinda Rajapaksa doing this and how was he able to get a 2/3 majority in the parliament to pass this amendment which was considered an impossibility?

Difference of 5 years

President Mahinda Rajapaksa came in to power in 2005 winning the presidential election by a narrow margin. At the time the country was engaged in a bloody 30 year old war with the LTTE, a terrorist organization which is proscribed in many countries including the EU, there was a strong opposition which gave Rajapaksa a good run for his money and the country’s economy was in shambles. Fast forward to 2010 and there is no trace of LTTE, the opposition is in disarray and many of the former adversaries are now Rajapaksa allies including ex-LTTE commanders and the tourist trade is booming while there are ambitious mega construction projects such as new highways, an international airport, and a new harbour which has shifted the economic growth in to high gear.

Symbolic Importance

Rajapaksa stood for the symbols valued in the Sri Lankan society such as strong family values, culture and patriotism. While the sons of other minister were in the news for brawls at night clubs, Rajapaksa’s 3 sons were in the new for all the correct reasons. The eldest was involved in a lot of community projects and voluntary work while the second son excelled as a rugby player at school and later joined the Navy. Also Rajapaksa took a hard stand against the terrorists. After they rejected his efforts to negotiate, he put the country on a war footing and went all guns blazing to finish them off. A bloody 30 year old war was ended within 4 years. This was done while keeping the economy stable and fighting the pressure from the international community.

All hail ‘the king’

The ending of the war elevated Rajapaksa’s status to a level never achieved by any Sri Lankan president before. Sri Lankans have a longing for a monarchy which ended with the British invasion. With the end of the war, people started elevating Rajapaksa to the level of king. As soon as the war ended, the country was awash with posters hailing ‘the king’. Songs were written and documentaries were made. When the news of the end of war was being spread, the president was out of the country. When he arrived, soon after he got down from the plane, he went on his knees and worshipped the ground. This symbolic gesture was captured on camera and it has adorned many newspaper pages ever since.

Chinks in the armour

However, Rajapaksa’s tenure so far is not without its’ black marks. There have been assassinations of journalists who were critical of the government. No culprits have been presented to courts yet. A couple of media stations who criticised the government were attacked by unidentified men. Sarath Fonseka, who was the general of Sri Lankan army during the war has been accused of treason and taken in to custody. He has been stripped of his rank and charged by a military court. All this after he decided to contest against the president in the last presidential election. The ‘Rajapaksas’ control much of Sri Lanka. Defence Secretary, Finance Minister and Speaker are all president’s brothers. Opponents of the president see this as a threat to democracy.

Symbolic Leadership

Rakapaksa’s leadership has been called charismatic and dictatorial among other things. I believe Smircich and Morgan provide the best answer to decipher his leadership style. In their leadership studies, they present leadership as the creation of meaning. This creation of meaning occurs through symbolism which creates the leaders desired context for the followers. In spite of his criticisms, Rajapaksa has been able to create greater meaning through symbolism. His portrayal of family values, respect for culture and unconditional patriotism shown through hard stance against international pressure and spontaneous gestures like ‘worshipping the mother land’ has created the desired meaning in his followers’ minds. Rajapaksa has shown the power of symbolic leadership which is relevant in most global leadership contexts today. However, it remains to be seen whether ‘absolute power’ will corrupt Rajapaksa in to a dictatorial leader.

SI පට්ටමට සම්මුඛ පරීක්ෂණ ප්‍රශ්නයක්

2010-08-20T13:35:00.000+01:00

මේක සිරාවටම වෙච්චි දෙයක්. වෙලා තියෙන්නේ මගේ යාලුවෙක්ගේ න්‍යාති සහෝදරයෙකුට. පොරට SI පට්ටමකට සම්මුඛ පරීක්ෂණයකට කැදවලා මේ ගිය සතියේ නැත්නම් ඊට කලින් සතියේ. ඉතින් පොරත් ගිහින් ලෑස්තිවෙලා දතකට මැදගෙන ගිහින් සම්මුඛ පරීක්ෂණයට.
පොරගෙන් මෙන්න මෙහෙම ප්‍රශ්නයක් අහල තියෙනවා.

"තමා රාජකාරියේ ඉන්න වෙලාවක ඇමතිකෙනෙක් රජයේ නිලධාරියෙක්ව ගස් බැන්දොත් මොකද කරන්නේ?"

අපේ පොරත් උත්තරයක් දීල තියෙනවා. ඔයාලගෙන් මේ ප්‍රශ්නේ ඇහුවොත් මොකද කරන්නේ? නිර්මාණාත්මක චින්තනයට හොද ප්‍රශ්නයක්.

සිකුරාදා හවස...

2010-08-14T08:58:00.000+01:00

මේක උනේ ඊයේ හවස ගෙදර යන්න හදනකොට මට එහා පැත්තේ ඉන්න එකාට :)
අපිට ඔෆිස් එකෙන් දීල තියෙනවනේ ලැප්ටොප්. ඉතින් ඕක හවස වැඩ ඇරිලා ගෙදර අරන් යනවා බැග්එකේ දාගෙන. එයේ මට එහා පැත්තේ එකාට කරුමෙට තව එකෙක්ගේ ලැපක් ගෙදර අරන් යන්න ඕන ඒ මනුස්සය වෙන කොහෙද යනවා කියල. හැබැයි බැග්එක දුන්නේ නෑ එකේ වෙන බඩු තියෙනවා කියල.
ඔන්න ඉතින් හවස අපේ පොර උගේ ලැප දාගත්ත බැග් එකට. ඊට පස්සේ අනිත් ලැප ගත්ත අතට. අරන් දැන් බනිනවා. මට දැන් මේ මගුලත් උස්සන් ගෙදර යන්න වෙන්නේ කියලා. උගේ ලැප තියෙන බැග් එක කරට දාගත්තා. අනිත් ලැප ගත්ත අතට. දැන් පොර යන්න හදනවා.
මං ඉතින් බල ඉදල ඇහුවා උබට ඕක ඔය කරේ එල්ලන් ඉන්න බැග් එකේ දාගන්න බැරිද කියල...

"අහ්හ්...ඔව්නේ...." ඔන්න උත්තරේ....
හවස ගෙදර යන්න ඕනේ උනාම ඉතින් අපිට ලෝකේ තියෙන ඔක්කොම අමතක වෙනවනේ.

Told you so.

2010-08-13T13:33:00.000+01:00

කාලෙකට පස්සේ පොඩි විවේකයක් ලැබුනා ඔෆිස්එකේ. අද සිකුරාදා උදේ පාන්දරම ෆුල් ඉන්ග්ලිෂ් බ්‍රෙක්ෆස්ට් එකක් ගන්න අපේ ටීම් එක සෙට් උනා. ඕකෙන් වෙච්චි එකම හොදේ වෙනදා උදේට ඇපල් ගෙඩියක්, කෙහෙල් ගෙඩියක් විතරක් කන ග්‍රේට බඩ පිරෙන්න කන්න සෙට්උනා. මේකනේ සිද්දිය, උදේ 7.30 ට නැගිටලා 8.30 ට ඔෆිස් එකේ ඉන්න ඕනේ උනාම ඉතින් උදේ කෑම වගේ නොවැදගත්දේට වෙලාව නැතිවෙනවනේ. ඉතින් දැන් බඩ පිරෙන්න කාල ඉන්නේ උදේට කාලෙකට පස්සේ. වැඩක් කරන්නත් කම්මැලි. ඉතින් මේක ලියන්න ගත්ත. එකම අවාසිය වෙනදා උදේ 7.30 වෙනුවට අද 7 ට නැගිට්ට. ඉතින් සැහෙන්න නිදිමතයි. නැතුව මේ කාල වැඩිවෙලා තියෙන නිදිමතක් එහෙම නෙවෙයි.
කොහෙද මේක ලියන්න පටන් ගත්තු ගමන් ආයේ වැඩක් සෙට් උනානේ. ඉතින් පැයක් විතර කෙලවුණා.
කොහොම හරි කියන්න හැදුවේ මම කොහොමද අපේ ඔෆිස් එකේ වැඩ දවසකට නතරකරේ කියල. මේකයි සිද්දිය. ග්‍රේ වැඩ කරන්නේ ඩිෆෙන්ස් ඉන්ඩස්ට්‍රී එකේ ඉන්න කොම්පැනියකනේ. ඉතින් අපේ බඩු ගොඩක් රටවල හමුදාවල පාවිච්චි වෙනවා. ඉතින් හැරෙන තැපැලෙන් වෙන්නේ ඔය නරක බුවාලත් අපේ බඩු ඕනේ කියන එක. අනික ඕව විකුනනවා කියල බල්ලටයි පුසටයි දෙන්නටම විකුනන්න බෑනේ. රටවල් උනත් නෝටි රටවල් තියෙනවනේ. ඔය අපේ ලගම හිතවත්තු වෙන ඉරානේ, මියන්මාරේ, චිනේ එහෙම සුද්දන්ට නෝටි රටවල්. ඉතින් ඕවට බඩු විකුනන්න අපිට ආණ්ඩුවෙන් විශේෂ අවසර ගන්න ඕනේ. එහෙම අවසර ගත්තත් සමහර කොම්පැනිවලට විකුනන්න තහනම්. ලගදී දවසක අපේ බඩුවක් ඉරානේ මිසයිල් සයිලෝ එකක හයි කරලා තිබිල මෙහෙ ආණ්ඩුවට මාට්ටු වෙලා එක විකාරයක් උනා. තව ටිකක් දරුණු උනානම් අපේ ලොක්කව හම්බුවෙන්න සුදු වැන් එකක් එනවා ෂුවර් එකට. ඉතින් කොහොමහරි ඔය වැඩ නවත්වන්න ඕනේ කියල ග්‍රේට කිව්වා සිස්ටම් එක එකට හරියන්න වෙනස් කරන්න කියල. ඕව ඉතින් කරන්න ගියාම කියන තරම් ලේසි නැනේ. විශේෂයෙන් අපේ ඉන්න යුසර්ල එක්ක. අනික එක ඩිරෙක්ටර් කෙනෙක් එකක් කියනකොට තව එකෙක් තව එකක් කියන්නේ. කොහොමින් කොහොමින් හරි කොල්ල වැඩේ ගොඩ දැම්ම. දැන් ඉතින් මොනවා හරි මිලිටරි බඩු විකුනනවානම් රිපෝර්ට් රන් කරන්න ඕනේ, විශේයෙන් කියන්න ඕනේ මෙයා නෝටි පොරක් නෙවෙයි කියලා. වැඩ කෝටියයි. ඉතින් දැන් අපේ යුසර්ලත් ඇවිල්ල ටෙස්ට් එහෙම කරලා හොදයි කියලා ගියා. දැන් තියෙන්නේ මේක අපේ ලයිව් ඩේටබේස් එකට දාන එක. ඕකට දාන්න කලින් ඉතින් පොඩි පොඩි කොන්ෆිගරේෂන් වැඩ තියෙනවා කරන්න ඕනේ. ඉතින් ග්‍රේ කට කැඩෙනකන් ලොක්කොන්ට කිව්වා යුසර්ලට මේක කියපල්ලා කියල. මුන් එකෙක්වත් කියල නැ. හැබැයි හැමදාම කියනවා මොකෝ මේක ලයිව් එකට දන්නේ නැත්තේ කියල. ඉතින් මල පනිනවනේ. හිටපියව් කරන්න කියල ග්‍රේ පහුගිය අගහරුවදා ඔක්කොම එබුවා ලයිව් එකට. ඔබලා ගැහුවා ලියුමක් ඔන්න දැම්ම උබල නහයෙන් අඩන නිසා. එන ප්‍රශ්නවලත් දීපන් උත්තර කියල.
බදාදා පොර උදේ ඔෆිස්ගියා. ගියා විතරයි එහෙන් එකක් තියනකොට එකක් කෝල් එනවා. ඊ-මේල් එනවා. මේක වෙඩකරන්නේ නැ. අරක කරන්න බැ. ඉරානෙට බඩු විකුනනන් බෑ, ප්‍රශ්න කෝටියයි. ග්‍රේට තිබ්බේ එක උත්තරයයි. 'TOLD YOU SO'
කොහොමහරි ඉතින් අන්තිමට එදා දවසෙම එක ඔර්ඩර් එකක්වත් ඔෆිස් එකෙන් එලියට ගියෙත් නැ. අන්තිමට අපේ යුසේර්ට ටිකට වැරදි ඔක්කොම හදන්න උනා. හදන්න උනා කිව්වට ඇත්තට උනේ උන් මට වැරදි ඒවා මොනවද කියල ලිස්ට් එකක් එවපු එක. එකත් අන්තිමට මම තමා හැදුවේ. දුක තමා ඉතින්.
තවත් දවසක් අපේ ඔෆිස් එකේ ඔන්න ඔහොම ගෙවුනා.

P.S:
මේ දවස්වල වැඩ ගොඩයි. රස්සාවයි, ඉගෙනීමයි, ගෙවල් හෙවිල්ලයි, ඔය අස්සේ යාලු මිත්රයොත් ආශ්‍රය කරන්න ඕනෙනේ. ඉතින් වෙලා තියෙන විදිහට තමා ලියන්නේ.
අනික කලබලෙන්. එකට සමා වෙන්න ඕනේ.

හිපි කතා සහ අපේ කතා

2010-07-06T09:57:00.002+01:00

මේ ලිපිය ලියන්න ප්‍රධාන හේතුවවුනේ පහුගිය දවසක 'තරුණ ගුරුවරයකුගේ සටහන්' බ්ලොග් අඩවිය ලියන අරුණ සර් ලියල තිබුණු ලිපි දෙකක් සහ ඊට ප්‍රතිචාර ලෙස ගොඩ නැගුනු කතාබහ. පලවෙනි ලිපිය තමා අර නෑදකම් පලහිලවුව ගැන අපි කවුරුත් දන්නා විහිලු කතාව, අනික ඊට ප්‍රතිචාර දක්වපු කොමෙන්ටුවක් නැවත පල කිරීම.
ඉතින් ඕක මත ලොකු සංවාදයක් ගොඩ නැගුනා, අපේ ආර්ය සිංහල බෞද්ධ සංස්කෘතිය ගැනයි, සුද්දගේ හිපි සංස්කෘතිය ගැනයි. එතන හරිහමන් සංවාදයක් ගොඩනගන්න මම සැහෙන්න උත්සහකරා. නමුත් 'යන්නේ කොහෙද මල්ලේ පොල්' තත්වෙන් මිදෙන්න හැකියාවක් තිබුනේ නේ.
පළමු ප්‍රශ්නේ සංස්කෘතිය කියන්නේ මොකක්ද කියන එක. ශබ්දකෝෂයට අනුව සංස්කෘතිය කියන්නේ 'යම්කිසි තැනක පිහිටි සමාජයක් යම්කිසි කාල සීමාවක්තුල අනුගතවන හර පද්ධති, කලාකෘති ' වගේ සියලුමදේ. මෙතන වැදගත් වෙන්නේ යම්කිසි කාල සීමාවක් ඇතුලත කියන කොටස. ඔන්න ඔතනයි අපි ගොඩක් අයට එකග වෙන්න අමාරුවුනේ. නමුත් මම දකින විදිහට සංස්කෘතිය වෙනස් වෙනවා. වෙනස් වීම වෙන්න ගොඩක් කරුණු කාරණා බලපාන්න පුළුවන්. සමහර සංස්කෘතිකමය දේවල් පසුකාලීනව පහසුව තකා වෙනස් වෙනවා. තවත් සමහරදේ වෙනස් සංස්කෘතීන් එක්ක මිශ්‍රවීමෙන් ලැබෙනවා. තවත් සමහරදේ සංස්කෘතිය තුලට බලහත්කාරයෙන් ඔබනවා.

මීට වසර දහස් ගණනකට පෙර අපේ රටේ තිබුන සංස්කෘතිය නෙවෙයි අද තියෙන්නේ. අපේ රටේ විතරක් නෙවෙයි ලෝකේ කොහෙත් එහෙමයි. අනුරාධපුර යුගයේ වගේ උඩුකය නිරුවත්ව කාන්තාවකට අද ඉන්න බෑ. අඩුතරමින් රොබට් නොක්ස් කිව්වා නුවර යුගයේත් එහෙම හිටිය කියල. අපේ රටේ සංස්කෘතියට ඔය කාලේ මුලික වශයෙන්ම බලපාන්න ඇත්තේ බුද්ධාගම. බුදුදහමේ මුලිකම හරයක්වන පුද්ගල නිදහස ඉතාම හොදට තිබුන වෙන්න පුළුවන්. පසුකාලීනව ඉන්දියානු ආක්‍රමණ නිසා අපේ සංස්කෘතියට ඉන්දීය අභාෂය ලැබුන. පොළොන්නරු යුගයේ ශිව දේවාල වගේම, සඳකඩ පහනින් ගවය ඉවත්වීමත් අපි සාමාන්‍ය පෙළ පන්ති වලදී ඉගෙනගන්න හින්දු බලපෑම්. ඕවට අමතරව අද මේ දක්වාම අපේ පන්සල් වල දකින්න ලැබෙන දේවාලත් ඉන්දීය හින්දු අභාෂ තමයි මට තිතෙන විදිහට. ඔතන තියෙන්නේ සංස්කෘති දෙකක මිශ්‍රවිමක්. ඔය මිශ්‍ර වීම බලහත්කාරයෙන් වගේම ප්‍රයෝගිකත්වය නිසාත් වෙන්න ඇති. හරක් තියෙන සදකඩ පහන් කඩන්න ඇති බලහත්කාරයෙන් ඒ වගේම හින්දු අයට වදින්න පුදන්න දේවාල හැදෙන්න ඇති. සුද්දගැනත් ඉතින් ඔය ටිකමනේ. යස අගේට සරම අදාල සනීපෙට හිටපු අපේ අයියල සුද්දගෙන් එක දාගන්න කියල ටයි කෝට් අදින්න පටන් ගන්න ඇති ඔය මහා ගිනි අව්වේ. ඒ වගේම සුද්ද කියන්න ඇති උබල අපි වගේ ඇන්දේ නැත්නම් එකෙක්වත් ලියන මහත්තයක්වත් කරන්නේ නෑ කියල. උඩුකය නිරුවත්ව හිටපු අපේ කාන්තාවෝ දැකපු සුද්දෝ කියන්න ඇති, අපේ වික්ටෝරියා මහේෂිකා උන්නාන්සේ කියල තියෙන්න කාන්තාවෝ උනාම සංවරව මුළු ඇගම වැහෙන්න ඇදුම් අදින්න ඕනේ කියල, ඉතින් උබලත් ඒ විදිහට හිටපල්ලා කියල. ඉතින් ඔන්න ඔහොම සංස්කෘති මිස්රවෙලා අද අපිට තියෙන සංස්කෘතියට ඇවිල්ල තියෙනවා.
නමුත් අපේ අරුණ සර් හිතන්නේ වෙනස් විදිහකට. කාන්තාවක් උනාම පිළිවෙලට නියමාකාරයෙන් ආරිය සිංහල බෞද්ධ ඇදුමක් වෙන සාරිය ඇදල ගියාම බස් වල ජැක්වදින්නේ නැතිලු. සාරිය ආරිය සිංහල ඇදුමක්ද නැත්ද කියන එක පැත්තකින් තියමුකෝ.(http://en.wikipedia.org/wiki/Sari) මම මේවගේ තර්ක ඉදිරිපත් කලේ ඉස්කෝලේ 8 - 9 වසර වලදී විවාද තරගවලට. කිසිම පදනමක් නෑ, නමුත් සැකයේ වාසිය ලබාගන්න. නමුත් හරිහමන් කතිකවකදී ඔයිට‍ වඩා තාර්කික වෙන්න ඕනේ. මුලු ඇගම වැහෙන්න ඇදුම් අදින්න ඕනේ කියන එක අපේ සංස්කෘතියට ආවේ වික්ටෝරියන් සුද්දගේ සංස්කෘතියෙන්. ඉතින් ඔය කියවෙන්නේ මීට ආවුරුදු 500 විතර කලින් අපේ සමාජයට යහපත් කියල කාවද්දන ලද අදහසක් කියලයි මට හිතෙන්නේ. එහෙම නැතුව මේක ඔරිජිනල් ශ්‍රී ලංකන් කොන්සේප්ට් එකක් නම් නෙවෙයි. අනික මම දකින විදිහට කාන්තාවට සම්පුර්ණ අයිතියක් තියෙනවා තමන්ට ඕනේ ඇදුමක් අදින්න. තමන්ට ලස්සන කකුල් දෙකක් තියෙනවනම් එක පෙන්න අදින එක පවක් නෙවෙයි. හැබැයි ඔය බස් එකට නගපු ගමන් ජැක් ගහනඑක නම් දකුණු ආසියාවේම පොදු දෙයක්. (දකුණු ආසියාවේ ඇරෙන්න වෙන රටවල මම දැකල නම් නෑ. කවුරු හරි දන්නවනම් කියන්න) එතන තියෙන්නේ මම දකින විදිහට සේක්ෂුවල් ඩිප්රේෂන් එක. එකටත් එක්තරා දුරකට අපි ඔලුව උඩ තියාගෙන උදේ හවස මල් පූජා කරන, අපේමයි කියල හිතන් ඉන්න, සුද්ද අපිට හදුන්වල දුන්න වික්ටෝරියන් චින්තනේ වගකියන්න ඕනේ. අද ඔය තත්වේ බටහිර රටවල නෑ. නමුත් කිහිපදෙනෙක් යල්පැන ගියපු අදහස් හිස උඩතියන් ජීවත්වෙනවා. ඒ අය හදන්නේ අපේ සංස්කෘතිය කාලනුරුපව වෙනස්වීම වලක්වන්න. මට මතකයි මිට වසර ගණනකට පෙර ගැහැණු ළමයෙක් ජීන්ස් අදිනවට අපේ ඔය කට්ටිය විරුද්ද උනා. නමුත් අද ගොඩක් ගැහැණු ළමයින්ගේ අඩුම එක. අදින්න පහසුයි. වැඩි වියදමක් නෑ. ලස්සනයි. ඉතින් එහෙම එකක් අදිනවට විරුද්ද වෙන එක මම දකින තරමින්නම් මෝඩ කමක්. සරලවම මම කියන්නේ මෙච්චරයි මට ඕනේදේ අදින්න මට නිදහස තියෙන්න ඕනේ.
කට්ටිය මාත් එක්ක එකග වෙන එකක් නෑ ගොඩක් දේවල් සම්බන්දයෙන්, නමුත් පොඩ්ඩක් හිතන්න අපි කොච්චර විසිල් ගහල ඇතිද, සූව දාල ඇතිද පාරවල්වල. කොච්චර පිළිගන්න අකමැති උනත් ඕව දැන් අපේ සංස්කෘතියේ කොටසක්. සංස්කෘතියෙන් එලියට විසිකරනවද නැත්ද කියන එක කාලය සහ ඉදිරි පරම්පරාව තීරණය කරයි. නමුත් එකක් මට හොදටම විස්වාසයි, යහමග පෙන්විය යුත්තේ තලිබාන් මානසිකත්වයකින් නෙවෙයි. බොහොම විවෘතව කතාබහ කරලා සංවාදයක් ලෙස.
අපේ ගොඩක් අය තවම සුද්දට ගරහන එක අතැරලා නෑ. නමුත් ඇත්තටම ගරහන්න ඕනෙද කියන එක ගැන ගැටළුවක් මට තියෙනවා. සංස්කෘති දෙකක්, හර පද්ධතීන් දෙකක් එකිනෙකට සංසන්දනය කරන්න නිර්ණායක මම දැනුවත්ව නම් නෑ. ඔයවගේ දෙයක් එළිපිට කට කරනවා කියන එකෙන් වෙන එකමදේ සුද්දට කත අදිනවා, කඩේ යනවා කියල කාර්ඩ් කෝටියක් සෙට් වෙන එක විතරමයි. නමුත් ඕනෙම සමාජයක යහපත් කියල පිළිගන්න දේවල් තියෙනවා. උදාහරණයක් විදිහට ගත්තොත් අපේ සමාජයතුල දරුවෝ දෙමවුපියන්ට ආදරයෙන් සලකන විදිහ අනිත් සමාජයන්ට හොද ආදර්ශයක්. එවගේ සුද්දගේත් තියෙනවා හොද ගති කිහිපයක්. උදාහරණයකට ගත්තොත් ඊයේ මම දවල්ට කන්න ලග තිබිච්ච කඩේකට ගියා. කඩෙන් එලියට එනකොට මට පොඩ්ඩක් කලින් තව මනුස්සයෙක් එලියට බැස්සා. එලියට බැහැල පොර මට කියනවා 'Sorry, I didn't see you' හේතුව මම එලියට බහිනකන් දොර ඇරන් ඉන්න බැරි උනාට. ඔහොම විතරක් නෙවෙයි සමහර වෙලාවට විශ්වවිද්‍යාලවල මහාචාර්යවරු ළමයට එයාගේ පන්තියට යන්න දොර ඇරලා අල්ලන් ඉන්නවා. මමනම් ලංකාවේ කිසිම ආයතනයක ඔයවගේ නිහතමානී කමක් දැකල න. සිසුවෙක්ට දොරක් ඇරලා දෙන එක කරන්න අපේ ගුරුවරු පසුබටවෙනවා. තමන්ගේ ගරුත්වයට හොද නෑ කියල. නමුත් ඔය නිහතමානිත්වය අපේ රටටත් ගන්න පුලුවන්නම් කොච්චර හොදද. අනිත්දේ තමයි වාහන පදවන විදිහ. ඇති බහුතරය බොහොම ආරක්ෂිතව වහනය පදවනවා. සීබ්‍රා ක්‍රොසින් එකක් ගාවට අපි ගියත් පාරේ වාහන නතර වෙලා ඉවරයි. පාරක වාහනයක නලා හඩක් අහන්න වෙන්නේ බොහොම කලාතුරකින්. පොලිසිය අකුරත් නීතිය ක්‍රියාවේ යොදවනවා. ඉතින් ඔයවගේ යහපත්දේ දකින්න අමාරු මොකද අපිට. අපේ සමාජයට, සංස්කෘතියට ඕව එකතු කරගන්න එක එච්චර නරක දෙයක් නෙවෙයි.

තව අපේ ගොඩක් අය හිතන දෙයක් තමයි, අපේ සංස්කෘතියේ හැටියට බටහිර තියෙන සංගීතය ගැලපෙන්නේ නෑ කියන එක. එකත් ඔක්කොම නෙවෙයි, ඔය අකොන් වගේ ගායකයන්ගේ සින්දු. මටනම් ඔය කතාව තේරෙන්නෙම නෑ. සංගීත රසවින්දනය කියන එක පුද්ගලයා මත වෙනස් වෙනවා. සමහරුන්ට අමරදේවයන් රසවිදින්න පුළුවන්, තව අයට අකොන් රසවිදින්න පුළුවන්. තව අය ලයනල් රන්වලයන්. තව අයට පුළුවන් ඔය කිහිප දෙනෙක්ම රසවිදින්න. ඒවගේමතමා අමරදේවයන්ගේ සමහර සින්දුවලට අමරදේවයන්ට කැමති අය අකමැතියි. අනිත් අයටත් එහෙමමයි. අනික සින්දුවක රුපරචනය කියන එක අල්ලාගෙන සින්දුව පතුරුගහන එක වැරදියි. අනික සිංදුවල කුණුහරුප කියනවා කියනවනම් අපේ බන්දුල නානායක්කාර මහත්මය රචනා කරපු 'බිසරු ලියන මැද ' සින්දුව තහනම් කරන්න ඕනෙනේ. මම දන්නා තරමින් ඔය සින්දුවලින් උලුප්පා පෙන්වන්නේ සෘන්ගාර රසය. ඒකරසවිදින්න බැරිනම් එතන තියෙන්නේ පුද්ගලික නොහැකියාව මිසක් යහපත් සංස්කෘතියක් නෙවෙයි.

සමස්තයක් විදිහට ගත්තම මට කියන්න ඕනේ මෙච්චරයි. ඕනෙම සංස්කෘතියක් කාලයත් එක්ක වෙනස් වෙනවා. ඒකට අනුගත වෙන්න බැරි වුනොත් අර මාර්ටින් වික්‍රමසිංහ මහත්මය කිව්වා වගේ, වදවෙලා යන්න තමයි වෙන්නේ. අනික මේ ලෝකේ සන්පුර්ණ යහපත් කියලවත් අයහපත් කියලවත් දෙයක් නෑ. හැමදේකම හොද වගේම නරකත් තියෙනවා. ඉතින් අපි ඒක තේරුම් අරගෙන අර හංසයා වතුරෙන් කිරි වෙන්කර ගන්නවවගේ යහපත්දේ එකතු කරගත්තේ නැත්නම් අපිටමයි පාඩු වෙන්නේ.

යහපත් සංවාදයක් මෙම ලිපිය මතින් ගොඩ නැගේවි කියල මම හිතෙනවා.

කොමෙන්ට්ස් එකක්වත් නෑ කියල පෙන්නුවට ගනන්ගන්න එපා. '0 Comments' කියලා තියෙන ලින්ක් එක ක්ලික් කරන්න. දාලතියෙන කොමෙන්ට්ස් පෙනෙවි.

තවත් සර් කෙනෙක්

2010-05-11T12:29:00.002+01:00

ඩයස් සර්ගේ කතා කිව්වම තමයි මතක්වුනේ, අපේ තව සර් කෙනෙක් හිටියා X සර් කියලා. උසස් පෙළ අපේ පංතියට එහා පංතියට සංයුක්ත ගනිතය තමා පොර ඉගැන්නුවේ. මෙයාට ලොකු ඕනේ කමක් තිබ්බා තමන් ඉංග්‍රිසි හොදට දන්නවා කියලා පෙන්නන්න. ඉතින් ඕක හින්දම පොරට මඩ ගහන්න කොල්ලෝ කතා හදලා තිබ්බා. එකක්වත් ඇත්තද බොරුද කියන්න නම් දන්නේ නෑ. (එක කතාවක් ඇරෙන්න, මොකද ඒක වුන තැන මමත් හිටියා.)

දවසක් අපේ විදුහල්පතිතුමායි X සරුයි අතර පොඩි දෙබසක් ගිහින් තියෙනවා මෙන්න මෙහෙම.
විදුහල්පතිතුමා :X, Do you have children?
X සර්: Yes Sir, I have two daughters, both are girls

තව දවසක් පොර ස්ටාෆ් රූම් එකේදි ගුරුවරියක් ගැන මෙහෙම කියල තියෙනවාලු.
"She is very deposit"
කට්ටිය ෆුල් හොල්මන්. පොර අදහස් කරල තියෙන්නේ අර ගුරුවරිය හරිම තැන්පත් කියලා කියන්න.

ඔහොම ඉන්නකොට සර්ට බයිපාස් සැත්කමක් කරන්න වුනා. ඕක කරල දවසක් අපේ පන්තියට එහා පැත්තේ පන්තියේ උගන්නනවා. අපේ උන්ට වැඩක් නැතිව කෑගගහා හිටියේ. ඉතින් සර්ට උගන්නන්න අමාරුයිනේ. ආව අපේ පන්තියට.
ඇවිල්ලා ලොකු දේශනාවක් පටන් ගත්තා. කොච්චර දුර ගියාද කියනවනම්, අන්තිමට සර් සැත්කමෙන් පස්සෙ නුවර එලියේ නිවාඩුවට ගිය හැටිත් කිව්වා. නුවර එලියේ ගිහින් නිකන් ඉන්න බෑනේ. කරපු ඒවත් කිව්වා. මෙන්න මෙහෙම.
"බලන්න පුතාල, ඉස්සර වගේ මට එහේ මෙහේ ඇවිදින්න බෑනේ. ඉතින් මේ පාර ගිය වෙලේ කරන්න පුලුවන් වුනේ අස්සයා පිට පොඩි walk එකක් යන එක විතරමයි."

තව දවසක් කොල්ලෙක් කෑගහල පන්තියේ. සර්ට හොදටම තද වෙලා.
පන්තියෙන් එලිය පෙන්නලා සර් කියල "Get out" කියලා.
දැන් ඉතින් පොර එලියට බැහැල ඉන්නවා. විනාඩි 10-15 පස්සෙ දැන් සර්ට කියන්න ඔනේ මූට පන්තියට එන්න කියලා. සර්ට මතක් වෙන්නේම නැතිලු කඩ්ඩෙන් පන්තිය ඇතුලට එන්න කියන්න. එහෙමයි කියලා සිංහලෙන් කියන එක හරි නෑනේ. සරුත් බැස්සලු එලියට. පන්තිට අත දික් කරලා කොලුවට කිව්වලු. "Get out" කියලා.

KNOCK KNOCK!!!!!!!!!!!!!

2010-05-07T13:31:00.000+01:00

KNOCK KNOCK!!!!!!!!!!!!!
Who's there ? ......
David ......
David Who ? ......
OPEN THE DAMN DOOR GORDON AND GET OUT OF MY HOUSE!!!!!!!!!!!

කතාව එක පාර මීටර් වෙච්චි නැති අයට:
එංගලන්තේ අගමැති ගෝඩන් බ්‍රවුන් මහත්තයා ඊයෙ තිබ්බ චන්දෙන් පැරදිල මේ වෙනකොට. ඉතින් ඩවුනින් වීදියෙ අංක 10 වෙන අගමැති නිල නිවස බාර දෙන්න වෙනවා දිනපු ඩේවිඩ් කැමරොන්ට.

ඩයස් සර්

2010-05-07T10:55:00.000+01:00

අපි ඉස්කෝලේ උසස් පෙළ කරන කාලේ අපේ පන්තිබාර ගුරුතුමා වුනේ රසායන විද්‍යාව උගන්නපු ඩයස් සර්. සර් පොඩ්ඩක් වෙන්න මහතයි. අපි හරියට ඉගෙන ගත්තේ නැතිඋනාට බොහොම දක්ෂ ගුරුවරයෙක්. සර්ට තිබ්බා බොහොම ගැබුරු කටහඩක්. කතාකරද්දී පන්තියේ තිබ්බා මේස අනුනාද වෙනවා. කටහඩ වගේමතමා සර්ට මොනවා හරි කියන්න ඕනේ උනාම වචනත් ගලාගෙන එනවා. අද කියන්න හදන්නේ අපි ඒ පන්තියේ හිටපු අවුරුදු 2 සර් කියපු ඔයවගේ කතා දෙක තුනක්.
එක දවසක් අපේ පන්තියේ හිටපු එකෙක් චුවින්ගම් එකක් කනවා. ඉතින් අපේ ඩයස් සර් පොර දිහා බොහොම ආදරෙන් බලල අර ගැබුරු කටහඩ අවදි කර මෙන්න මෙහෙම.
"පියසේන, අපි නම් වමාරාකන වංශයේ නෙවෙයි"

තව දවසක් අපේ අන්තිම පේලියේ හිටපු ඩයල් එකක් කමිසේ උඩ බොත්තම අරගෙන ඉන්නවා, රස්නේයිනේ ඉතින්. පාඩමක් උගන්න උගන්න හිටපු සර් ඕක දැක්ක. පොර දිහා බලල කට කොනකින් හිනා වෙලා කිවුව නියම කතාවක් ආයේ කවදාවත් පන්තියේ කමිසේ බොත්තම් නොදා නොඉන්න.
"මිලින්ද දරුවා, තමා ඔය කමිසයේ බොත්තම විවර කරගෙන සිටින්නේ ස්වකිය එකම මයිල් ගස අන්අයට ප්‍රදර්ශනය කරනු පිණිසද?" මිලින්දය දියඋනේ නැති එක විතරයි.

තව දවසක් පන්තියේ කතාවක් ගියා නිදහස් අධ්‍යාපනයේ පියා ගැන. ඔන්න ඉතින් අපේ සර් කියනවා.
"පියවරු වර්ග ගොඩක් ඉන්නවා. බත් දුන් පියා, කොස් දුන් පියා, ජාතියේ පියා........ පිම්පියා "

හ්ම්ම්.....

2010-04-21T20:26:00.000+01:00

ගොඩ දවසකින් ලියුවේ නෑ. ඇත්තටම ලියන්න හිතුනේ නෑ. මේ දවස්වල මගේ මූඩ් එක ටිකක් අල. ටිකක් නෙවේ හොදටම. හේතු ගොඩක් තියෙනවා. එකම ගෑනු ලමයා දෙවෙනි පාරටත් ග්‍රේව රැවට්ටපු එක එකක්. ග්‍රේගේ ජීවිතේට වැදුනු දරුනුම පාර ඒක තමා.
පලමුවෙනි වතාවට සිංහල අවුරුද්දේ ගෙදර නැති එක. ඒක නම් හිතට ගොඩක්ම වැදුනා. ගෙදර අම්මලත් එහෙමම හිතනබව මතක් වෙනකොට තවත් හිත අවුල්.
ඒ මදිවට ඔෆිස් එකෙත් කරන්න දෙයක් නෑ. මොකෝ දවසම ජන්ජාලේ ඉන්නව කියන එකත් පිස්සු හැදෙනවනේ. ඊට පස්සෙ ගෙදර ඇවිල්ලා කරන්න දේකුත් නෑ. පුදුම පාලුවක් තියෙන්නේ.

අපි සල්ලි හොයන්න කියලා ආවට ඒ වෙනුවෙන් කරන්නවෙන කැපකිරීම් මුදල් වලින් මනින්න පුලුවන්ද කියලා වෙලාවකට හිතෙනවා.
කොහොමින් කොහොමින් හරි අවුරුද්ද ඉවරයි, මට නම් ඉතින් තවත් එක දවසක් විතරක් උනා. මෙහේ ඉතින් ඔය නිවාඩු නෑනේ. තියෙන නිවාඩු ටික එකක්වත් නොගෙන බොහොම අමාරුවෙන් ඉතිරි කරන් ඉන්නේ අවුරුද්දේ අග ලංකාවට යන්න. ඔය අතරේ මගේ සන්චාරක සටහන් වැඩේ හිමීට පටන් ගන්නවා කියලා හිත හිත ඉන්නවා. අදහස් පොඩ්ඩක් වෙනස් කරලා සින්හලෙන් මේකෙම ලියනවා කියලා හිතාගත්තා. වෙනම ඉන්ග්‍රිසි එකක් කරනවා.
අනික කියලා තියෙනවානේ Idle mind is devils workshop කියලා. කොහොමත් මොකේක හරි යෙදිල ඉන්න එක හොදයිනේ.

දැන් ඉතින් අදිශ්ටානයෙන්, අභීතව ඉදිරිය ගැන හිතලා වැඩ කරනවා. ඔය මොනවත් හින්දා මම දුකින් ඉන්න ඕනේ නෑනේ. අඩු ගානේ එහම ඉන්න හරි උත්සාහ කරනවා.

ජීවන වියදම සහ අපේ වියදම්

2010-04-13T12:07:00.000+01:00

මේ දවස්වල ගොඩක් දෙනෙක් කියන දෙයක්නේ ජීවන වියදම වැඩියි කියන එක. වෙන්න පුලුවන්, බඩු හැමදේම ගනන් තමා. අපේ ලංකාවේ විතරයි ඔහොම වෙන්නේ කියල ගොඩක් අය කිව්වට ලෝකේ ගොඩක් රටවල කතාවත් ඕකමයි කියල තමයි ග්‍රේට හිතෙන්නේ. මුලින්ම කියන්න ඔනේ මේක දේශපාලන ලිපියක් නෙවේයි, අපේ ආකල්ප ගැන තියෙන විස්තරයක්. උදාහරනයට ගන්නේ ග්‍රේවම තමයි. නමුත් මම හිතන්නේ අපි ගොඩක් අයත් මේ ගොඩට අයිතියි.
ග්‍රේ මුලින්ම රස්සාවකට ගියේ බොහොම අඩු පඩියකට. ඇත්තම කියනවනම් අපි බොහොම අඩු පඩි ලබනවයි කියල කියන ඇගලුම් කම්හල් සේවිකාවක් ඒ කාලේ ග්‍රේට වඩා පඩියක් ලැබුනා. හැබැයි ග්‍රේට ඉතින් බෝඩිමටයි, කන්නයි වියදන් උනේ නෑ. මොකද ගෙදරින් ඒවා හම්බු වෙච්චි නිසා. නමුත් ග්‍රේ අනිත් අය වගේ මාසෙ අන්තිමට රිම් එකට වැටුනේ නෑ. කවදාවත් සාක්කුවේ ලොකු ගානක් තිබ්බේත් නෑ, තියාගත්තෙත් නෑ. සතිඅන්තයේ පන්ති යනකොට අනිත් අය වගේ කඩේන් කන්න ගියේ නෑ. ගියත් කන්න ගියේ ලාබෙට කන්න පුලුවන් සයිවර් කඩේකට. ලැබෙන විදිහට ජීවත් වුනා.යාලුවො එක්ක ට්‍රිප් එකක් එහෙම යන්න වුනාම ගියේ පාරේ බස් එකේ. පුලුවන් තරම් ලාබෙට. පුලුවන් විදිහට ඉතුරු කරා, ඉතුරු කරගත්තු සල්ලි වලින් තව විභාග කිහිපයක් කරගත්තා.

ඇදුමක් ගන්න උනත් ග්‍රේට දරන්න පුලුවන් ලොකුම තැන වුනේ ෆ්‍රෙන්ච් කොර්නර් (දැන් නෝ ලිමිට්) එක තමා. නමුත් අවුරුදු කීපයකට පස්සෙ පටන් ගත්තු ගාන වගෙ 25-30 ගුනයක පඩියක් ලබනකොට ග්‍රේගේ අදහස් ටිකක් වෙනස් වුනා. සයිවර් කඩේ වෙනුවට මැක් එකක් ආදේශ වුනා. නෝ ලිමිට් වෙනුවට, ඔඩෙල්, රොමාෆොර්, හමීඩියාස් ආව. සරලවම කියනවනම් ආදායමත් එක්ක අවශ්යතා වැඩි වෙන්න පටන් ගත්තා. එක අතකින් බැලුවොත් අවශ්යතාම නෙවෙයි. එකම අවශ්යතාවන් ටික තමයි.නමුත් පොඩි හැගීමක් ආව සයිවර් කඩේට වඩා මැක් එක, ඩයින් මොර් එක සිරා කියලා. අතේ සල්ලි තිබ්බේ නෑ, නමුත් ක්‍රෙඩිට් කාර්ඩ් එකක් තිබ්බා. ට්‍රිප් යන්න කාර් එකක් ඔනේ වුනා.
අද ග්‍රේ එදා මුල් පඩියට වගේ 200 ගුනයකට ආසන්න ගානක් හම්බ කරනවා. ඔඩෙල් වෙනුවට යන්නේ මාර්ක් ඇන්ඩ් ස්පෙන්සර් නැත්නම් ජෝන් ලුවිස්. මැක් එකක් දිහා බලන්නේවත් නෑ. එලියෙන් කනවනම් සිරා ෆයින් ඩයිනින් තැනකට යනවා. ට්‍රිප් යන්නේ වටේ පිටේ තියෙන රටවලට.

මන් මේත්න කියන්න හද්න්නේ අපේ ආදායමත් එක්ක අපේ අවශ්යතා වල ස්වරූපය ගොඩක් වෙලාවට වෙනස් වෙනවා. තමන්ගේ අවශ්යතාවන් වලට ගැලපෙන විදිහට වියදම් කරන්න පුලුවන්නම්, ඒකට අවශ්ය කරන විදිහට අපේ ගාව මුදල් තියෙනව්නම් කිසි ප්‍රශ්නයක් නෑ වියදම් කරන එකේ.
නමුත් හිතන්න මම මේ කතාවේ පලමුවෙනි ලෙවෙල් එකේ ආදායම ලබද්දි දෙවෙනි නැත්නම් තුන්වෙනි ලෙවල් වියදම් කිරිල්ලක් කරා කියලා. මට කවදාවත් මෙච්චර ඉක්මනට ආදායම් මට්ටම ඉහල යවාගනත් බෑ. ක්ලීන් සූට්, එම්ප්ටි පොකට් විදිහට තමා සදාකාලිකව ඉන්න වෙන්නේ. මම දකින විදිහට අපේ ගොඩක් අයට වෙලා තියෙන දෙයක් තමා එයාල හිතන්නේ ඉගෙන ගෙන ඉවර වෙච්චි ගමන්ම මහා ලොකු පඩියක් එක්ක රස්සාවක් තියෙන්න ඕනේ කියලා. මාත් කැමතියි ඉතින් එහෙම වෙනවා නම්, වැඩේ ඉතින් එහෙම වෙන්න නම් ඉතින් මරේ මරු කේන්දරයක් ඔනේමයි. ඊලගට වෙන්නේ සාමන්ය ගානක් ලැබෙන රස්සාවක් කරනකොට අර කලින් කියපු වියදම් කිරීම කරන එක. ඒකත් වැරදී.
මුලින්ම අපිට පුලුවන් වෙන්න ඔනේ ලැබෙන ආකාරයට ජීවත් වෙන්න. ගෙදරටවත්, යාලුවන්ටත්, රටටත් බරක් නොවී. බුදු හාමුදුරුවෝ උනත් කියලා තියෙනවනේ වියදම් කරන්න ඕනේ හැටි. අන්න ඒ විදිහට කරොත් කිසිම ගැටලුවක් නෑ.
මගේ ක්‍රමේ අනුගමනය කරන්න කියලා මම කියන්නේ නෑ. ඒක ජපානේ දෙවෙනි ලෝක යුද්දෙන් පස්සේ දියුනු උනා වගේ වගේ වැඩක්. සමහර දේවල් නැතිවුනා ඒක නිසා.
ඔය මොනවා කරත් අන්තිමට වැදගත් වෙන්නේ හිතේ සතුටනේ. ඉතින් මට නම් සතුටින් ඉන්නවා කියන්නේ කාටවත් ණය නොවී නිදහසේ ඉන්න එක.
ඉතින් මේ ලබන්නාවූ අලුත් අවුරුද්දේ පිස්සෝ වගේ වියදම් කරලා ඊට පස්සේ ආන්ඩුවටයි ඇමරිකාවටයි බනින්නේ නැතුව, තමන්ට ගැලපෙන විදිහට වියදම් කරන්න හිතාගන්න. (පිස්සො වගේ වියදම් කරන අය ) එහෙම කරල හරියන්නේ නැත්නම් විතරක් ආන්ඩුවට බනින්න.

කට්ටිය ඔක්කෝටම ජය සතුට සාමය සපිරි සුබ නව වසරක් වේවා කියලා ප්‍රාර්ථනා කරනවා!!!

I'm Back

2010-04-06T10:17:00.000+01:00

දවස් හතරක චාරිකාවක් නිමා කරලා ඔන්න මම ආයේ ආව. අම්බානට වහිනව කියල තිබ්බට පොඩි පොදයක් ඇරෙන්න වෙන කිසිම වැස්සක් තිබ්බේ නෑ. අර Ansh Lucky Sri Jay කිව්වා වගේ මම සින්දුව කියපු නිසාද, Nishacharaya ගේ ඊ-මේල් එක දෙයියන්ට ලැබිලද, නැත්නම් මේ අසරන නර පනුව ගැන දුක හිතිලද මන්දා, වැස්සේ නැති එක නම් සෑහෙන්න ලොකු දෙයක්.
මගේ 8GB කාඩ් එක ඉවර වෙනකන් පින්තුර ගත්තා (1500 විතරා දැන් ඉතින දාන්නම්.
මගේ පොඩි අදහසකුත් තියෙනවා වෙනම සන්චාරක සටහන් තියෙන බ්ලොග් එකක් ලියන්නත්, කම්මැලි කමට මේකෙම ලියයිද කියලා ශුවර් නෑ ඉතින්. මේක හිතුනේ මගේ පින්තුර එකතුව හරහා යනකොට, යුරෝපයේ වගේම ලංකාවෙත් හොද පින්තුර එකතුවක් තියෙනවා විස්තරත් එක්ක.
ඔයාල මොකෝ හිතන්නේ?
මේකම සන්චාරක තොරතුරු එකක් කරන්නද? අලුතින්ම එකක් ලියන්නද?

හිත මිතුරු සුලග ලග එන වැහි වලාවට කියන්

2010-03-31T12:14:00.001+01:00

හිත මිතුරු සුලග ලග එන වැහි වලාවට කියන්... අද නොපැමින අන් දිනයක වැසි රැගෙන එන ලෙසින්. ....

පොලොන්නරුවේ ගොවියො වැස්ස නැතිව වහ බොනකොට..ගොවි හාමිනේ සල්ලි නැති නිසා වෙන මොකක්ද වැඩක් කරන කොට (අර සා ප්‍රසංගේ කියන්නේ) වහින්න එපා කියලා මන් කියන්නෙ මොකෝ කියලා බලයි කට්ටිය.
කොහොමත් මං ඉන්න හරියේ ගොවියොත් නෑ. මෙහෙට වැස්සෙ නෑ කියල පොලොන්නරුවේ ගොවියට කෙල වෙන්නෙත් නෑ. ඉතින් ලොකු අවුලක් වෙන එකක් නෑ මගේ හිතේ.
වැඩේ මේකයි. මේ සතියේ සිකුරාදයි, ඊලගෙ සතියේ සදුදායි දෙකම නිවාඩු මෙහේ. (Good Friday, Easter Monday)
ඉතින් ග්‍රේයි තව යාලුවො සෙට් එකකුයි පැරීසියට යන්න ට්‍රිප් එකක් දාගත්තා. වැඩේ දැන් කාලගුනේ කියනවා අම්බානට වහිනවා කියලා සදුදා වෙනකන්. (http://news.bbc.co.uk/weather/forecast/40)
වැස්සොත් ඉතින් කියලා වැඩක් නෑ ඔක්කොම දෙල්ම තමා. ඉතින් කවුරු හරි වැස්ස නවත්වන්න දන්න කෙනක් ඉන්නව නම් ශේප් එකේ ඔය දවස් කීපය වහින්න නම් දෙන්න එපා පැරීසියට.

එහෙනම් au revoir කිවුවා..

ඩියුලක්ස් වල කලර් කැටලොග් එක වෙනුවට

2010-03-26T12:07:00.000Z

තද නිල් පාට බිත්ති වල ගාලා... දොඩං ගෙඩියෙ පොත්තෙ තියෙන තැබිලි පාට බඩු තියෙන කාර්යාලයක් ගැන මොකො හිතන්නේ....
අපේ සිංගප්පුරුවේ තියෙන ඔෆ්ස් එක අලුත් තැනකට ගෙනියලා..අලුත් තැන තමා ඔහොම තියෙන්නේ. අද උදේම (අපිට උදේ කියන්නෙ උන්ට ඉතින හවසනේ) ඔන්න අපි සෙට් එකකට වෙබ් කැමරා එකක් හරහා අලුත් ඔෆිස් එකේ හැටි පෙන්නුවා. කියලා වැඩක්නෑ.. ඇස් කඩාගෙන යන්නේ.
අපේ ෆයිනෑන්ස් ඩිරෙක්ටර්කාරයට කල්පනාවක් තිබ්බේ නෑ අපි මයික් දාල තියෙන්නෙ කියන දේ එහා පැත්තේ ඉන්න චව්වට ඇහෙනව කියලා.
මු කියපි
"F**k me, that looks like a 1970s porn movie!!!!"
හප්පා කියලා වැඩක් නෑ...ඔෆිස් පෙන්නන එක එතනින්ම ඉවරයි.

කට්ටිය හිනා වෙලා ඉවර වුනාම මම අපේ එකෙක්ට කිවුවා මම ඉගෙන ගත්තු කැම්පස් එකත් ඔය වගේ කියලා..
ගූගල් දෙයියන්ගෙන් හොයලා පින්තුරෙකුත් අරන් පෙන්නුවා.. මේක අහපි උබලා මේක පේන්ට් කරේ ඩියුලක්ස් වල කලර් කැටලොග් එක වෙනුවටද කියලා...
පාට පාට ලෝකයක්නේ ඒක...ඔය මාලබේ හරියේ තියෙන්නේ... :)

ලංකාවෙදි ගත්තු පින්තුර...

2010-03-25T21:52:00.001Z

මේ පින්තුර ටික ගත්තේ මේ පාර ලංකාවට ගියාම. ත්‍රිකුණාමළෙයි, අනුරාධපුරයි, දඹුල්ලයි, පොළොන්නරුවෙදියි. (ලොකුවට බලන්න ඔනේ නම් පින්තුර උඩ ක්ලික් කරන්න)

මේ ත්‍රිකුණාමළෙයි කොටුවේ ඉදන් උදේ පාන්දර ගත්තු එකක්

ත්‍රිකුණාමළෙයි කොටුවේ ඇතුලේ ඉන්න මුවෙක්..

කොටුවේ ගේට්ටුව

පාසිකුඩා මුහුදු වෙරල...

ගරාවැටුනු වාලච්චේන කඩදාසි සමාගම..දැනටත් මේකේ පොඩි කෑල්ලක් වැඩ

තොප්පිගල...

when the going get tough...the tough get going....

හබරනදි දැකපු සීයා කෙනෙක්...

රන්ගිරි දඹුලු විහාරය...

සිගිරිය.

රුවන්වැලි සෑය

අභයගිරිය

පොලොන්නරුව වටදාගේ

සිව කොවිලක්

ලංකාතිලකය

ගල් විහාර පිළිම

නෙලුම් පොකුන

මල්ටි ප්ලග්

2010-03-25T13:26:00.000Z

මං මෙහෙට ආපු ගමන් ගත්තු පළවෙනි බඩුව තම මල්ටිප්ලග් එකක්. (එක්ස්ටෙන්ශන් කෝඩ් එකත් එක්ක ) මුලින් ඕකට ගැහුවේ මගෙ මොබයිල් එකේ චාජර් එක විතරයි. පස්සෙ මගේ ලැප්ටොප් එක ගහන්න ගත්තා. ඇදුම් මදින්න අයන් එකකුත් ගහන්න ගත්තා. රස්සාවට යනකොට ඒකේ ලැප්ටොප් එකයි, බ්ලැක්බෙරියයි ගහන්න ගත්තා.
හීතල කාලෙට ඉන්න පොඩි හීටරෙකුයි, රැවුල කපන්න ට්‍රිමර් එකකුයිත් පස්සෙ එකතු උනා.
දැන් බලන් යනකොට එකේ ඉඩ මදි. ඒ විතරක් නෙවේ දවසක් පොඩ්ඩක් ලොඩ් එක වැඩි වෙලත් තිබ්බා.
වෙලාවකට හිතෙනවා අපේ ජීවිතත් ඔය වගේ නේද කියලා. අපි එක එක දේවල් එකතු කරගන්නවා. වයර් පටලව ගන්නවා. හැම දේම බදාගන්නවා. අන්තිමට ඔය ඔක්කොම දේවල් නිසා අපි හිතනව වැඩිවෙලා ඉක්මනට ලෙඩ වෙලා මැරිලා යනවා.
මල්ටි ප්ලග් එක නම් පරිස්සමෙන් පාවිච්චි කරන්න මන් දන්නවා. එහෙම නැත්නම් අලුත් එකක් ගන්න පුලුවන් £10-15 දීලා. නමුත් අපේ ජීවිත....

ඉතින් කාටද මේව කියන්නේ

2010-03-17T13:46:00.000Z

මේක සිරාවටම අද වෙච්චි වැඩක්. අපේ යුසර්ලත් ඉදලා හිටලා ආතල් වැඩ කරනවා. අද උනේ මේකයි. උදේ පාන්දර එක අම්මන්ඩි (කියමුකෝ මේරි කියලා) කෙනෙක් අපේ 'ඊ ආර් පී' එකේ එයාගේ අකවුන්ට් එක බ්ලොක් කරගෙන. ඔන්න ඉතින් කෝල් එකක් දෙනවා.
Mary: Hi Grey, I can't login to the system.
Grey: Hi, Ok. Can you comeover so I can reset your account.

ඔන්න ඉතින් මේරි ආව කියමුකො විනාඩි පහකින් විතර.

Grey: Hi Mary, I'm going to reset your account and you need to give a new password.
Mary: Ok. Use my sisters name.

යකෝ මන් දන්නේ කොහොමද මේකිගේ නංගිගේ නම.

Grey: ok Whats her name?
Mary: Angela

ඔන්න ඉතින් අකවුන්ට් එක රිසෙට් කරලා දුන්නා. ග්‍රේ ආයෙ බ්ලොග් කියවන්න ගත්තා කියමුකො. මෙන්න ආයෙත් කෝල් එකක්.

Mary: Hey, I stil I can't login to the bloody system.
Grey: Let me check from here.
....strange I can login with your user name and password from here. Are you sure you type Angela correctly?

Mary: Who the hell is Angela??
Grey: Your password and your sister :S :S
Mary: My sisters name is Rebecca.

අම්මපා ඉතින් කාටද මේව කියන්නේ. :S

ALBERT EINSTEIN'S RIDDLE

2010-03-16T15:29:00.002Z

වෙලාවක් තියෙනව නම් උත්සාහයක් කරන්න. මම නම් මේකෙ උත්තරේ හොයාගත්තා. :) ගූගල් දෙයියන්ගේ පිහිටන් කරන්න නම් එපා වැඩක් නෑ.
ALBERT EINSTEIN'S RIDDLE

ARE YOU IN THE TOP 2% OF INTELLIGENT PEOPLE IN THE WORLD? SOLVE THE RIDDLE AND FIND OUT.

There are no tricks, just pure logic, so good luck and don't give up.

1. In a street there are five houses, painted five different colours.

2. In each house lives a person of different nationality

3. These five homeowners each drink a different kind of beverage, smoke different brand of cigar and keep a different pet.

THE QUESTION: WHO OWNS THE FISH?

HINTS

1. The Brit lives in a red house.
2. The Swede keeps dogs as pets.
3. The Dane drinks tea.
4. The Green house is next to, and on the left of the White house.
5. The owner of the Green house drinks coffee.
6. The person who smokes Pall Mall rears birds.
7. The owner of the Yellow house smokes Dunhill.
8. The man living in the centre house drinks milk.
9. The Norwegian lives in the first house.
10. The man who smokes Blends lives next to the one who keeps cats.
11. The man who keeps horses lives next to the man who smokes Dunhill.
12. The man who smokes Blue Master drinks beer.
13. The German smokes Prince.
14. The Norwegian lives next to the blue house.
15. The man who smokes Blends has a neighbour who drinks water.

ALBERT EINSTEIN WROTE THIS RIDDLE EARLY DURING THE 19th CENTURY. HE SAID THAT 98% OF THE WORLD POPULATION WOULD NOT BE ABLE TO SOLVE IT.

වෙබ් අඩවි හදන්න දන්න කෙනෙක්ට පොඩි අවස්තාවක්

2010-03-03T12:12:00.001Z

මට පොඩි අවස්තාවක් දෙන්න පුලුවන් වෙබ් අඩවි හදන්න දන්න කෙනෙක්ට.
කරන්න තියෙන්නෙ මෙච්චරයි. මෙන්න මේ අඩවියට වඩා හොද අඩවියක් නිර්මානය කරන එක. මේකට තරගයක් දෙන්න පුලුවන් විදිහට. (http://www.john-crane.co.uk/)
ඔයාලට තියෙන්නෙ මට prototype එකක් විදිහට මුල් පිටුවයි, තව පිටුවකුයි හදලා කොහේ හරි තැනකට upload කරන එක. ඔය http://box.net වගේ තැනක් හොද්යි.
zip ෆ්යිල් එකක් වගේ දාන්න. ඒක අතුලේ ඔයාලගේ ඊ-මේල් එකත් නොට්පෑඩ් එකක ලියන්න.
හොදම කෙනාට වැඩේ ඩෙනවා පොඩි ගෙවීමකුත් එක්ක.
හැබැයි සිකුරාදා වෙනකොට upload කරලා, upload link එකත් එක්ක comment එකක් දාන්න.

Oracle වලින් ඊ-මේල් යවමු

2010-02-22T11:21:00.002Z

දන්නවනේ Oracle ගැන. තද database එකක්නේ. ඕකෙ code කරන්න තියෙනවා pl-sql කියල languageඑකක්. නිකන් Pascal වගේ. සරල scene එකක්.
ඉතින් මන් අද කියන්න යන්නේ pl-sql use කරලා ඊ-මේල් එකක් යවන හැටි.
Oracle දෙයියො ඔකට පැකේජ් එකක් (UTL_SMTP) ලියලම දීල තියනවා. මන් කියන්න යන්නේ අන්න ඒක ගැන. හැබැයි SMTP සර්වර් එකක් හරහා තමා යවන්නේ.

PROCEDURE Send_Email_(email_addr_ IN VARCHAR2, header_text_ IN VARCHAR2, body_text_ IN VARCHAR2) IS
rep_email_addr_ VARCHAR2(200);
c UTL_SMTP.CONNECTION;
email_ VARCHAR2(200);
PROCEDURE send_header(name IN VARCHAR2, header IN VARCHAR2) AS
BEGIN
UTL_SMTP.WRITE_DATA(c, name || ': ' || header || UTL_TCP.CRLF);
END;
BEGIN
email_ := email_addr_;
c := UTL_SMTP.OPEN_CONNECTION('AA.BB.CC.DD');
UTL_SMTP.HELO(c, 'AA.BB.CC.DD');
UTL_SMTP.MAIL(c, 'myemail@mydomain.com');
UTL_SMTP.RCPT(c, email_);
UTL_SMTP.OPEN_DATA(c);
send_header('From', '"Sender" myemail@mydomain.com');
send_header('To', email_);
send_header('Subject', header_text_);
UTL_SMTP.WRITE_DATA(c, UTL_TCP.CRLF || body_text_);
UTL_SMTP.CLOSE_DATA(c);
UTL_SMTP.QUIT(c);
COMMIT;

EXCEPTION
WHEN utl_smtp.transient_error OR utl_smtp.permanent_error THEN
BEGIN
UTL_SMTP.QUIT(c);
EXCEPTION
WHEN UTL_SMTP.TRANSIENT_ERROR OR UTL_SMTP.PERMANENT_ERROR THEN
NULL;
END;
raise_application_error(-20000,
'Failed to send mail due to the following error: ' || sqlerrm);

END Send_Email_;

ඔන්න ඔච්චරයි කරන්න ඔනේ. ඔන්න ඔහොම procedure එකක් ලියාගත්ත්ම ඔනේ වෙලාවක එකට කතා කරන එක තමා කරන්න තියෙන්නේ.
මෙන්න මෙහෙම
Send_Email_(‘recepient@yourdomain.com’, ‘budu amma..mail ekak’, ‘onna man liuwamak ewwaaaaa…’);
වැඩේ පොඩ්ඩක් පැහැදිලි කරොත් මෙහෙමයි.
මන් ලියලා තියෙන්නේ ඔරකල් ප්රොසිජර් එකක්. එකට වේරියබල් විදිහට යවන්න ඔනේ කෙනාගේ ඊ-මේල් ලිපිනයයි, ලියුමේ සබ්ජෙට් එකයි, ලියුමේ අතුලේ තියෙන ඒවයි ගන්නවා.එක තමා උඩම පේලි දෙකෙන් වෙන්නේ. ඊට පස්සෙ මම වෙරියබල් ටික ලියාගන්නවා. c කියුවේ අපේ SMTP server එකට තියෙන connection එක.
Pl-sql වල procedure අතුලේ තව procedure ලියන්න පුලුවන්. ඉතින් එහෙම එකකුත් මම ලිව්වා වැඩේ ලේසි වෙන්න.
ඔක්කොමට කලින් කනෙක්ශන් එක හදාගන්න ඔනෙනේ. ඔන්න අපි එක කරනවා. සර්වර් එකේ (පොර) IP ඇඩ්රස් එක දීලා කනෙක්ශන් එක ඇරගන්න හදනවා.
ඇරගත්තා කියමුකො..ඊට පස්සේ අපි නිකන් හෙලෝ කියනවා පොර අපිත් එක්ක කතා කරන්න ලැස්තිද බලන්න. එහෙම කරන්නේ බැරිවෙලා හරි පොර අපිව ගනන් ගත්තේ නැත්නම් අපි කියවන්න පටන් ගත්තම අපිටමනේ නෝන්ඩිය.
හෙලෝ එකත් නොන්ඩි නැතුව ගියා කියන්නෙ පොර කතාවට ලැස්තී කියලා. ඉතින් හිටු කියලා කියවන්න තියෙන්නෙ. කියවන එක උනත් පිලිවෙලට කරන්න ඕනෙනේ. මුලින්ම මම කවුද කියනවා. මේල් කියලා යවන කෙනාගේ ඊ-මේල් එක දාල කරන්නේ ඒක. ඊට පස්සෙ කියනවා කාටද යවන්න ඔනේ කියලා.
දැන් තමා වල්පල් කතා කරලා ඉවර වෙලා වැඩට බහින්නේ. අපි OPEN_DATA කියලා ඇරගෙන SMTP හේඩර් ඉන්ෆොමේශන් ටික යවනවා.
ඊට පස්සේ යවන්න ඕනේ එකත් ලියනවා WRITE_DATA වලින්. අපේ වැඩේ දැන් ඉවරයි. ඉතින් තව කියවන්න දෙයක් නැනේ. කොනෙක්ශන් එක වහලා දානවා.
යට ලියලා තියෙන්නේ බැරි වෙලා හරි අපිට කොහෙන් හරි සද්දයක් දැම්මොත් මේක කරන්න බෑ කියලා අපි කරන දේවල්. හැමොටම එක හැන්දෙන් බෙදන්න බෑනේ. ඉතින් අපි එක එක එවට එක එක දේවල් තමා කරන්නේ. ;)
ඔන්න ඔච්චරයි වැඩේ.
කාට හරි කවදා හරි ප්රයොජනවත් වෙයි කියලා හිතනවා. මොනවා හරි බුල් සීන් එකක් උනොත් අහන්න.

FileSystemWatcher වල වැඩ

2010-02-19T14:24:00.002Z

අහල තියෙනවද .net වල තියෙනවා FileSystemWatcher කියලා ක්ලාස් එකක්. මේක් තියෙන්නේ System.IO ඇතුලේ.
මේකෙන් සිරා වැඩ ටිකක් දාන්න පුලුවන් හරියට පාවිච්ච් කරොත්. මේක නිකන් හරියට ඔය අපේ සමහර ගෙවල් වල ඉන්න බල්ලා වගේ. කවුරු හරි ආවොත් බුරනවා.
මෙන්න මෙහෙමයි වැඩේ වෙන්නේ.
දෙයියො බුදුන් වැදලා පඩුරක් එහෙම ගැටගහලා Visual Studio open කරගෙන අලුත් project ඒක්ක ගන්න.

using System.IO;
කියලා උඩින්ම දාගන්න

FileSystemWatcher watcher;
class level එකේම හදාගන්න.

දැන් ඉතින් main එකේ හරි ඔයාලට ඔනේ තැනම කතා කරන එක තමා තියෙන්නේ.
private void CreateWatcher()
{

//Create a new FileSystemWatcher. ගෙදර ඉන්න බල්ලා
watcher = new FileSystemWatcher();

// නැට්ට වන්නන්න filter
watcher.Filter = "*.pdf";

//Subscribe to the Created event. (නැට්ට)
watcher.Created += new FileSystemEventHandler(watcher_FileCreated);

//Set the path whatever the directory you want (ගෙදර)
watcher.Path = @listnerDir;

//ගෙදර අතුලේ කාමරත් ඔට්ටුයි
watcher.IncludeSubdirectories = true;

//Enable the FileSystemWatcher events.
watcher.EnableRaisingEvents = true;
}

දැන් මෙහෙමයි.. මං කලින් කිවුනේ මෙයා කවුරු ආවත් බුරනවා කියලා... අපි හිතමුකො අපි දන්න කෙනෙක් ආවම නැට්ට වන්නන්න ඔනේ කියලා..සරලයි..
ඔය මම දාල තියෙන්නේ filter එකක් එතෙන්ට එන කෙනාව අදුරගන්න පුලුවන් නම් එයා ආවම තමා නැට්ට වනන්නේ. දැන් මගේ එකේ නම් pdf එකක් ආවොත් තමා නැට්ට වනන්නේ.

ඉතින් දැන් මේක් run වෙනකොට ඔය බලන් ඉන්න තැන මොකක් හරි pdf file එකක් හැදුන ගමන් පොර නැට්ට වනනවා. ඉතින් වනන්න නැට්ටකුත් ඔනේනේ.
නැට්ට මෙහෙමයි.

void watcher_FileCreated(object sender, FileSystemEventArgs e)
{
//ඇතුලේ ඕනෙ මගුලක් කරගන්න පුලුවන්.
}

මෙකේ තියෙන ලොකු වාසියක් තමා ඉතින් ඔය රට වටේ file තියගන්නේ නැතුව තමන්ගේ MP3 ටික එක තැනකයි, Movies ටික තම කොහෙවත් තැනකටයි දාගන්න වගේ.
කරන්න ඔනේ එකමදේ copy කරන තැනට අහන් ඉන්න කියලා දාලා extenstion (or whatever) එක අනුව filter කරලා watcher_FileCreated ඇතුලේ file එක copy කරන කියලා තියෙන එක විතරඉ.
තව කරන්න පුලුවන් දේවල් හිතලා කියන්න. :)
එහෙනම් අදට ඇති. ජයවේවා කිව්වා.

ලංකාවෙ ගන්න පුලුවන් ස්කයිප් තියෙන ජංගම දුරකතන මොනවාද?

2010-02-16T16:34:00.000Z

මගේ ලංකාවෙ ඉන්න යාලුවෙක්ට ඔනේ වෙලා තියෙනනවා ස්කයිප් තියෙන ජංගම දුරකතනයක්. උපරිම මිල වෙන්න පුලුවන් රුපියල් 25,000.
ඉතින් කවුරු හරි පිංවතෙක් එහෙම එකක් දන්නවනම් ලියල එවන්න. කොළඹ අවටින් වෙන්න ඔනේ ගන්න පුලුවන්.

ජාතික තොටිල්ල

2010-02-03T20:35:00.002Z

1.
මුනි සිරිපා සිඹිමින්නේ
සමනොළ ගිරි පෙදෙසින්නේ
මඳ සුළඟයි මේ එන්නේ
මගේ පුතා නිඳියන්නේ

2.
නිදහස මහ මුහදක් වේ
එහි උල්පත පුත නුඹ වේ
ඒ බව සිහිකොට මෙලොවේ
යුතුකම ඉටු කළ යුතු වේ

3.
විජය තුමා තම්මැන්නේ
පිරිවර සෙන් සමගින්නේ
සිටි සැටි දැන් සිහිවෙන්නේ
මගේ පුතා නැළවෙන්නේ

4.
දෙන දිවි මුත් රට වෙනුවෙන්
ජාතික දරුවන් ලැබුවෙන්
මිදි නොයෙක් සතුරු මුවෙන්
ලක් මව් විසුවාය සුවෙන්

5.
තවුසකු සේ ඇඳ පළඳා
පඬුවස්දෙව් මහ රාජිඳා
මාකඳුරින් ගොඩ බට දා
මඟුලක් වී ලක මුළු දා

6.
දෙව් පුර මෙන් දෙවියන්නේ
සිරි ලක දිව් බබළන්නේ
එහි සක් දෙව් රජු මෙන්නේ
මගේ පුතා ලොකු වෙන්නේ

7.
ලස්සන මෙන් මහ පොළවේ
අනුරාපුර ඉදි කෙරුවේ
දොරමඬලේ කුමරිඳු වේ
උඹට පුතේ සුව එළවේ

8.
ජාතික රණ දෙරණ මතේ
ගැටී වැටී මළ මොහොතේ
සුනදර සුරඹුනගේ අතේ
නැළවෙන බව සිතනු පුතේ

9.
සිරි මහ බෝ සිඹිමින්නේ
මහමෙවුනා පෙදෙසින්නේ
සුළං දෑලක් මේ එන්නේ
මුටසිව රජු සිහිවෙන්නේ

10.
ලක් වැසියන් කෙරෙහි නැමී
අරහත් මහ මිහිඳු හිමි
පෙව්වෙ උතුම් සදහම් මී
පුත නුඹටත් පොවමි එ මී

11.
එදා පටන් මෙසිරි ලකේ
සම්මා සම් බුදු මැණිකේ
දම් එළියෙන් අඳුරු මැකේ
මිසදුටු විසකටු නො රැකේ

12.
දනන් කෙරෙන් මෙලක් දිවේ
පළමුව බොදු බැති වුවේ
අප පියතිස් නරනිඳු වේ
ඉගෙන ගනින් මගේ පුතේ

13.
ලන මෙන් මොක් පුර අරවා
ලෝවා මහ පහ කරවා
ඒ අප සිංහල දරුවා
සිරිලක් මව තුටු කෙරුවා

14.
ගොස් මාගම් පුර පවරා
අප මහ නා දෙරණිසුරා
මාගම් රජ පරම්පරා
ඇති කොට විසුවේ එ වරා

15.
කරදර දහසක් හමු වී
ඉන්ටැකි නම් සිනා වෙවී
ඔහු මෙ ලොවට පහළ දෙවී
රජෙකැයි සලකනු මැනවී

16.
අවිචියේ කප් දහසෙත්
වහල් කමේ එක් දවසෙත්
වෙනසක් නැති බව සිතතොත්
උඹට පුතේ වැඩ සැලසෙත්

17.
තමන් ලැබු දිවි පවෙතේ
කොටසක් රට සමය වෙතේ
පුද නොකළොත් නුඹෙන් පුතේ
මෙ ලොවට කිසි පලක් නැතේ

18.
තිස්ස රජුන් හට රුහුණේ
එඩිතර කුමරකු ලැබුණේ
ඉන් පසු සිරි ලක් දෙරණේ
ජාතික බැති මල් පිපුණේ

19.
ජාතිය රන් විමනක් වේ
ආගම මිණි පහනක් වේ
එය රුක ගන්නට මෙලොවේ
සමත් වෙතොත් පුත නුඹ වේ

20.
විජිතපුරේ කොටුවේදී
කඩු පිට කඩු පහර දිදී
යුද කොට ජයගත් පරිදී
සිහි කරපන් පුත පැහැදී

21.
රුවන්මාලි සෑ තනවා
මුනි පුත් සඟ ගණ පිනවා
ගිය එ රජුන් සිහි වෙනවා
මගේ පුතා නැළවෙනවා

22.
එළාරගේ මළ කුණටත්
ගරු බුහුමන් කළේ ඉමහත්
ගැමුණු පුතාගේ මෙ සිරිත්
පුරුදු කරන් පුතේ උඹත්

23.
ලියන 'තුරින් මෙ ලක් දිවේ
පළමුව මහ පළ ලැබුවේ
අප අනුලා දේවි වේ
එහෙම වෙයන් උඹත් දුවේ

24.
සිය රට ගැන ළය උණු වී
වැද මහ මුහදට බිලි වී
ආ ඒ කැළණියේ දේවී
මගේ පුතා නළවාවී

25.
වැද යුධ බිම නොම බිය වී
විහාර මහ රජ දේවී
පෑ විමන් සැටි සිහි වී
මගේ පුතා ඔද වේවී

26.
තුදුස් වසක් වල් වැදිලා
සිට දෙමළුන් බල බිඳලා
පුරඳුරු සිරි ඇර පාලා
ලක එක සේසත් නඟලා

27.
වළගම්බා නිරිඳු මහත්
පෑ දස්කම් සිහි කෙරුවොත්
පුතේ උඹේ ගතත් සිතත්
වෙයි උණුසුම් ලෙයින් සුරත්

28.
අබය ගිරි සෑ තනවා
දඹුලු විහාර ද කොටවා
ලක් මවගේ ඒ දරුවා
මුනිඳු සසුන් හෙළි කෙරුවා

29.
සිය රට ගළවමියි සිතා
දිවි දුන් සැඬ රුපුන් වෙතා
සෝමා දේවිගෙ පුවතා
ඉගෙන ගනින් මගේ පුතා

30.
මහ සිළු මහ තිස් නිරිඳා
සඟ සැට දහසකට එදා
සැට දහසක් සිවුරු පුදා
කළ පින්කම් සිතනු සොඳා

31.
සොළී පුරේ වැද ගජබා
සොළින්ගේ දප් සිඳ නො තබා
පෑ සිංහල විකුම් සොබා
සිතෙන විටත් සිත් පොළඹා

32.
බුදු ගොස් මහ තෙරිඳු ලවා
දහමට අටුවා ලියවා
ඒ අප සිංහල දරුවා
සිරි ලක් දිව හෙළි කෙරුවා

33.
අත්නගලු වනයේ දී
මඟියෙකු හට හිස දන් දී
බුදු බව පැතු සඟබොධී
සිහි කරපන් සිත පෑදී

34.
අහසේ නිල් වළාකුලේ
ගැටෙන රුවන් කොතිනුදුලේ
දෙව්රම් මහ සෑය කෙළේ
මහසෙන් මහ රජු ඒ කළේ

35.
හේමා රජ කුමරි එදා
දළදා හිමි ගෙන ආ දා
සාදු නදින් දෙව් සමුදා
ගුම් ගති සිරි ලක් සමුදා

36.
දැක කළු ලෙඩ නයෙක් එදා
අප බුදුදස් මහ නිරිඳා
කළ පිළියම් සිතන සඳා
උඹට පුතේ සැප ම සදා

37.
කුමාරදස් රජු පොරණේ
බැන්දේ ජානකිහරණේ
බමුණන්ගේ ඔද බිඳුණේ
සිහපුන්ගේ නැණ වැඩුණේ

38.
මිතුරා හට දිවි පිදුවේ
ඒ රජු ගේ ගුණ සිහි වේ
එඩිතර සිංහල පපුවේ
සැටි ඉන් කාටත් කියවේ

39.
ඉදි කොට පුර පොළොන්නරූ
අප පැරකුම් රජ කුමරූ
දඹදිව ජයගත් අයුරූ
උඹට පුතේ වෙයි මියරූ

40.
පද රස එක් කොට මෙ ලොවේ
කුස ජාතක කව් කෙරුවේ
දඹදෙනි පැරකුම් රජු වේ
ඉගෙන ගනින් මගේ දුවේ

41.
කළ වියකන විසුදු මගේ
වික්මැති ඒ රජුගේ රඟේ
සිහි වන මා පුතුගේ ඇඟේ
ලේ උණුසුම් වෙවී නැඟේ

42.
ඇති නම් මා අත කඩුවක්
මට සක් දෙව් කෙරෙයි කුමක්
මේ බස කියු සිහල පුතෙක්
උඹට පුතේ වෙයිද මතක්

43.
බලනේ කඳු මුඳුනේ දී
පරංගියා මැරුණ විදී
ඇසුවොත් පුත සිත පැහැදී
රාසිං දෙවියන්ට වඳි

44.
ඇහැළේපොළ පුත් කුමරූ
කඩුවට ගෙළ දුන් අයුරූ
පුරුදු කළොත් සිහල දරූ
නිදහස අත්වනු නිබොරූ

45.
නිදහස් හිරු දෙව් එනවා
දෑ බැති මල් පිබිදෙනවා
සිරි ලක් මව් හිනැහෙනවා
මගේ පුතා නැළවෙනවා

46.
නො දී වැටෙන්නට විපතේ
තබනට නිදහස් සැපතේ
මුළු ලක් දිව නුඹේ අතේ
තබමි ඉතින් ඔන්න පුතේ

47.
විජය අබා රජ්ජුරුවෝ
සැඬි දෙමළුන් වඳ කෙරුවෝ
පෙර අප සිංහල දරුවෝ
මෙ බඳු හපන්කම් කෙරුවෝ

48.
පඬි සක්විති තොටගමුවේ
වීදාගම වැත්තෑවේ
ඉපදුණ මේ ලංකාවේ
ඉපදීමත් පිනක් ම වේ

49.
කැප්පැටිපොළ සෙනෙවි සුරූ
කර රුපු සෙන් මන් දැදුරූ
අබිරු විකුම් පෑ අයුරූ
උඹට පුතේ වෙයි මියුරූ

50.
ඇඳි සළුපට ගෙන සෝදා
දළදා සමිඳුන්ට පුතා
කඩුවට ගෙළ දුන්නේ එදා
ගුරුකමටයි උඹට මෙදා

51.
එබඳු උතුම් ලංකාවේ
දුසිරිත් දසතින් බෝවේ
මේ ගැන වැඩ කළොත් ලොවේ
උඹෙත් මගෙත් නම කියවේ

52.
මැරුණොත් යළි උපදින්නේ
අතරක නෑ පවතින්නේ
එම මරණෙට ඉතිකින්නේ
ඇයිද පුතේ බය වෙන්නේ

53.
බියගලුකම නිවට කමයි
එය නැති නම් පිරිමිකමයි
සිංහල සිතුවිලි මෙහෙමයි
පුත නඹටත් එය උරුමයි

54.
ගන්නෝරුවේ කඳු මුදුනේ
සිට රජසිහ එ දිනේ
නැංවු යුද හඬ මෙ දිනේ
රැව් දෙයි ම පුතුගේ සවනේ

55.
සිංහල ඊ පහර වැදී
පරංගි සෙන් වැටුණ විදී
සිහි කෙරුවොත් සිතින් ළැදී
නුඹට අදත් පෙනෙයි ඇඳි

56.
නිදහස් ලිය ලියලන්නේ
සම් මස් ඇට පොහොරින්නේ
මේ සිතිවිලි සමඟින්නේ
මගේ පුතා ලොකු වෙන්නේ

57.
පිළගම දේවාලේ වැදී
සිටි නිරිඳෙක් බයෙන් බැඳි
රෑ සිහිනෙන් දුටු පරිදී
පින් පැණ යුත් පුතෙක් ලදී

58.
ඉන් පසු සිරිලක සිරියා
වැඩි විය සුර පුරෙක නියා
වැටෙමින් සිටි සිංහලයා
ගේ නම ලොව පැතිර ගියා

59.
"නිවටුන්ගේ බිය සහදයි"
යනු කීවේ එ මහ රජයි
පුත නුඹගේ ගතයි හදයි
එ බසට යොමු කළොත් හොඳයි

60.
ලක එක සේසත් සෙවණේ
තැබු ඒ නිරිඳුගේ සරණේ
ලද ම පුතුට මුළු දෙරණේ
වෙන සැප කිම එම පමණේ

61.
"අහස් දියෙන් බිඳක් පවා
ඉවත නොගොස් නැවතේවා "
ඉටමින් මහ වැව් කණවා
වැඩ කෙළේ ඒ රජ දරුවා

62.
ලැග සිටිමින් වහල් බවේ
මෙත් කෙරුවත් පලක් නොවේ
පුත නුඹ හද මල් ගොමුවේ
මේ මල් පිබිදිය යුතුවේ

63.
කාටත් හිමි පොදු දේ නම්
නැති බැරි හිඟ අවහිරකම්
මේ දේ මැඩ ගෙන දස්කම්
පෑම තමයි සුරුවිරුකම්

64.
සතුරුව පෙරමුණට එතොත්
අර මහමෙර සමඟ වුවත්
සතුරු වෙයන් පුතේ නුඹත්
ඒකයි හරි වීරකමත්

65.
මිතුරුකමින් පෙරට එතොත්
දූවිල්ලක් එක්ක වුවත්
මිතුරු වෙයන් පුතේ නුඹත්
එයයි ලොවේ ගුණය මහත්

66.
උස් තැන් දැක හැකිළෙන්නේ
මිටි තැන් දැක පුප්පන්නේ
නිවටුන් බව සිතමින්නේ
මගේ පුතා ලොකු වෙන්නේ

67.
සිරිකත මිණි විජිනි පතින්
පවන් සලයි නුඹට මෙතින්
බියක් සැකක් නො ව යහතින්
නිඳා ගනින් පුතේ ඉතින්

68.
බීමට එක කිරි උගුරක්
කෑමට නිසි රස අහරක්
නැතියෙන් උඹ වැනි දහසක්
අනේ පුතේ විඳින දුකක්

69.
අපිය අපේ රට රැක්කෝ
කියන අපේ ලොකු ලොක්කෝ
මේ බව තව නො ම දැක්කෝ
අපට ඉතින් බලයක් කෝ

70.
මේ ගැන වැඩ කොට ඉමහත්
ලැබෙන දුකක් හිරිහැරයක්
නිවනට සරි කොට සිතතොත්
උඹයි මගේ පුතා සමත්

71.
විහාර මහ රජ දේවී
ගැමුණු පුතා හා එක් වී
සිහිනෙන් නුඹ අමතාවී
කළ යුතු දෙය පවසාවී

72.
කව්සේකර ගුත්තිල දා
සසදා සහ මුවදෙව් දා
මේ සිංහල ගත් සමුදා
දෙයි ම පුතුට නැණ පහදා

73.
මියුරු කොවුල් සැළ පරෙවී
තිසර ගිරා සරණ අවී
මේ ගත්වල තියෙන කවී
රසය උරා බොනු මැනවී

74.
විදු සක්විති ඇදුරිඳුගේ
බුත්සරණේ තිබෙන අගේ
දැන ගෙන පොඩි පුතා මගේ
වෙන්න උඹත් මතු එ වගේ

75.
විසතුරු පද අරුත් සොමී
එක් කොට පඬි ගුරුළු ගැමී
කළ දේ පොතින් වැහෙන එ මී
මගේ පුතාටත් කවමී

76.
සිනිඳු මොළොක් බව මලෙහී
පිරිසුදු බව පිනි බිඳෙහී
එක් වී මා පුතුගේ ළෙහී
අරක් ගනී හැම දිනෙහී

77.
ජාතික දෙව් ගී ගයමූ
මුළු ලෝකෙ මත් කරමූ
නිදහස් දෙව් දූට හමූ
වෙන්ට අපිත් පෙරට යමූ

78.
කුල බේදය ලියලන්නේ
ජාතික බැමි පුපුරන්නේ
මේ රට මේ විපතින්නේ
උඹ ද පුතේ ගලවන්නේ

රට යන උණ.....

2010-01-28T11:54:00.001Z

අපි හැමෝටම කාලෙන් කාලෙට එක එක උණවල් එනවා. ක්‍රිකට් උණ, එක එක දේවල් එකතු කරන උණ. ඔය වගෙ උණවල් ගොඩක් මැද තියෙන තව උණක් තමා රට යන උණ.
මේක ලියන්න ප්‍රධානම හේතුව පහුගිය මාස 4-5 මම දැකපු එකතරා ට්‍රෙන්ඩ් එකක්. Grey ඉන්නෙ ලන්ඩන් වල. පහුගිය මාස කීපය ඇතුලත ඉගෙන ගන්න කියලා මෙහාට පුදුමාකාර ප්‍රමාණයක් ලංකාවෙන් ආව. ඉගෙන ගන්න එක ඉතාම හොදයි. නමුත් අපේ අය එන්නේ හරි පින්තුරේ දකින්නේ නැතුව.

ඉගෙන ගන්න එනවානම් මුලින්ම කරන්න ඕනේ තමන් ඉගෙන ගන්නේ මොන විශයෙන්ද කියලා තීරනය කරන එක. අපි හිතමු තොරතුරු තාක්ශනය කියලා. ඊට පස්සේ ඉගෙන ගන්න හොද තැනක් හොයාගන්න ඕනේ. ඒකෙදි ක්‍රම දෙකක් තියෙනවා. එකක් තමන් හොයාගෙන තනියෙන් වැඩේ කරගන්න එක. මහ ලොකු අමාරු දෙයක් නෙවේයි. අනිත් විදිහ තමා ඒජන්සි එකක් හරහා.
ඒ වගේම තමා තීරනය කරන්න ඕනේ තමන් ඉගෙන් ගන්න තැන. මෙහේ විශ්වවිද්යාල සහ පාසල් (colleges) කියලා තමා යන්නේ. ඔය දෙකේම ඕනෙම දෙයක් ඉගෙන ගන්න පුලුවන්. වෙනස නිකන් අපේ රටේ විශ්ව විද්යාල සහ ඔය ටියුශන් කඩ අතර තියෙන වෙනස වගේ.
එකම උපාධිය ගන්න පුලුවන්, හැබැයි විශ්ව විද්යාලයේ තියෙනවා වගේ හොද පුස්තකාල, උපාධියෙන් පසු රැකියා හොයන්න උදවු කිරීම් එහෙම පාසල් වලනෑ. හැබැයි ගාන අඩුයි හොදටම. ඉතින් හිතලා බලල මොකක්ද තමන්ට සුදුසු දේ කියලා තීරනය කරගන්න.

මම දන්න විදිහට ගොඩක් කට්ටිය එන්නේ කවුරු හරි ඒජන්සි එකක් හරහා. මුලින්ම හොද විශ්වාසවන්ත තැනක් හොයාගන්න.
ඒජන්සිත් වර්ග දෙකක් තියෙනවා. එකක් තමා ඔයාලගෙන් සල්ලි ගන්නේ නැති තැන්. එයාලට කාව හරි ඔය ඉගෙන ගන්න යැවුවම එතනින් කොමිස් මුදලක් එනවා.මේ අයට කියන්නේ ඒ විශ්වවිද්යාලයේ නියොජිතයො (Country representatives) කියලා. දෙවෙනි කාන්ඩේ ඔයාලගේන් යම්කිසි ගානක් ගන්නවා. ඔය දෙකටම අදාල නැති අනිත් ක්‍රමේ තමා ලන්කාවේ තියෙන සමහර ආයතන වල උපාධියේ මුල් වසර කීපය හදාරල අවසන් වසර මෙහේ විශ්වවිද්යාලයට එන එක.
කොහොම හරි ඔය ඔක්කොටම සල්ලි එන්නේ ඔයාල රට ගියොත්. ඉතින් කට්ටිය ලෝකෙ නැති කතා කියනවා. කොටින්ම සුර ලෝකයක් මවනවා.
ඉතින් වෙන්නේ අපේ අය ඕවට අහුවෙලා, හතර අතේ ණය වෙලා, කොර්ස් එකේ මුලු ගානෙන් බාගයක් විතර ගෙවලා රෙජිස්ටර් වෙනවා. ඔන්න ඉතින් ඊට පස්සෙ එයාල ලියුමක් එවනවා අපි ඔයාව බදවගත්තා, දැන් ඉතින් එන්න කියලා. අපිට තියෙන්නේ ඒ ලියුම මත වීසා ඉල්ලන්න. වීසා ගන්න එකත් වෙනම කතාවක්. ඔයාල මෙහෙට ඇවිල්ල කන්න අදින්න සල්ලි තියෙනවා කියලා පෙන්නත් ඔනේ. එන ප්‍රදේශය අනුව ගානත් වෙනස් වෙනවා. කොහොම හරි ඉතින් ආයේ ණය වෙලා ඒකත් පෙන්නුවා කියමු. වීසා එකත් ඉතින් ගන්න පුලුවන්.

ඉතින් ඔන්න කට්ටිය දැන් ඔක්කොම හරි කියලා එංගලන්තේ එන්නේ. එන්න කලින් මතක තියාගන්න ඔයාලගේ ඉංග්‍රිසි දැනුම පොඩ්ඩක් වැඩි කරගන්න. ඒ වගේම එනකොට ඔයාලගේ පපුවේ x-කිරණ සටහනක් අරන් එන්න. ඔය දෙකෙන්ම ඔයාලට ගුවන් තොටුපොලේ රැදෙන්න වෙන කාලය ගොඩක් අඩු කරනවා. හේතුව රටට අතුලු වෙනකොට ආගමන නිලදාරින් ඔයාලගෙන් ප්‍රශ්න අහනවා. මොනවටද එන්නේ, මොනවද කරන්නේ වගේ..ඉතින් ඉංග්‍රිසි හොදනම් වැඩිය ප්‍රශ්න අහනවා අඩුයි. ඒ වගේමයි x-කිරන සටහන ඔනේ වෙන්නේ ඔයාලට ක්ශය රෝගය තියේනවඩ කියලා බලන්න.

ඕක අරන් ආවෙ නැත්නම් ගුවන්තොටුපලේදි ගන්නවා. හැබැයි ඉතින් බහුතරය ඕක අරන් එන්නේ නැති නිසා එතන තදබඩයක් අතිවෙනවා. කොහොම හරි ඔය ඔක්කොගෙනම් බේරිලා රට ඇතුලට එනව කියමුකො. ඊට පස්සෙ තමා හරියට වැඩ පටන් ගන්නේ.
කට්ටිය ඉගෙන් ගන්නවා. ඉතින් ඉගෙන ගන්න අතරේ ඔයාලට පුලුවන් සතියකට පැය 20 වැඩ කරන්න. පැයකට ගෙවන්න ඔනේ අවමය £5.60 වගේ තමා මට මතක.කොහොම හරි පැය 20 වැඩ කරලා £500 වගේ හම්බ කරන්න පුලුවන්. හැබැයි බැරි වෙලාවත් පැය 20ට වඩා වැඩ කරලා අහූනොත් හැරෙන තැපෑලෙන් ගෙදර එන්න පුලුවන්.
£500 කියන්නේ ලංකාවේ ලොකු ගානක් තමා. නමුත් මෙහේ ඔය ගානට කරන්න පුලුවන් එකමදේ තමා බොහොම අරපිරිමැස්මෙන් ජීවත් වෙන එක. සතයක්වත් ඉතිරි කරගන්න නම් බොහොම අමාරුයි.
ඉතින් හම්බ කරලා ඉගෙන ගන්න වැඩේ නම් ටිකක් අමාරුයි මට තේරිලා තියෙන විදිහට.
අනික තමා ලංකාවෙන් ආවට පස්සෙ මෙහේ තියෙන නිදහසත් එක්ක වියදම් වෙන එක තේරෙන්නේ නැති එක. බස් වල මුලු ගමනටම තියෙන්නේ එක ගානක්. ඒ කියන්නේ ඔය එක හෝල්ට් එකක් ගියත් මුලු දුරම ගියත් එකම ගාන (£1.20) කෝච්චියෙ නම් ඕක වෙනස් වෙනවා.
කොහොම හරි මට කියන්න ඔනේ වෙලා තිබුනේ, රට යන්න ඕනේ කියලා දගලගෙන කලබල වෙන්න එපා. හොදට හිතලා බලලා එන්න. හොදම ක්‍රමේ තමා ලංකාවෙ ඉගෙනගෙන, යම් කිසි කාලයක් වැඩත් කරලා, ඉහන නිපුනතා තියෙන කෙනෙක් වගේ එන එක. එතකොට අර මාසේ පඩිය දවසට හම්බු කරන්න පුලුවන්.
අනිත් ක්‍රමේ තමා ශිෂත්වයක් අරන් එන එක. ඔය ක්‍රම දෙක තමා හොදම.
Grey ඉගෙන ගන්න නෙවේයි මෙහෙ ඉන්නේ. නමුත් පහුගිය දවස් වල ලංකාවෙන් ලගදි ආපු අය ගොඩක් මුනගැහුනා. පුලු පුලුවන් විදිහට ඒ අයට උදව් එහෙමත් කරා. නමුත් පාර්ට්-ටයිම් රස්සාවල් හොයන එක අමාරුයි. එන කට්ටිය ගොඩක් වැඩි නිසා එක රස්සාවටත් බර ගානක් ඉන්නවා.
ඉතින් පොඩ්ඩක් හිතන්න එන්න කලින්. කට්ටක් කෑමක් තියෙන්නේ ස්ටුඩන්ට් විසා එක එකේ.

එහෙනම් ජයවේවා කිව්වා!!!!

අපි හැමෝටම සුභ අනාගතයක් සහ විශ්වාසනීය වෙනසක්!!!

2010-01-27T10:44:00.000Z

ප්‍රථිපල නිකුත් වෙමින් පවතිනව. දැනට පෙනෙන විදිහට සහ අපි බහුතරය බලාපොරොත්තු වුන ආකාරයට මහින්ද රාජපක්ශ ජයග්‍රහනය කරලත් තියෙනවා.
පොඩි පොඩි සිදුවීම් වුනා තමයි. නමුත් සමස්තයක් ලෙසට මේ වෙනකන් චන්දය සාමකාමී සහ සාධාරනයි කියල තමා ආරංචිය.
කොහොම හරි තව අවුරුදු හයක් මහින්ද බලයේ ඉන්නවා. ඉතින් බොරුවට කෑගහන්නෙ නෙතුව ඉන්න එක හොදයි.

අද මෙක ලියන්න ප්‍රධාන හේතුව වුනේ චන්දෙන් පස්සෙ මගේ යාලුවො කිහිප දෙනෙක් මූනුපොතේ හැසිරුන ආකාරය ගැන කියන්න.
දෙන්නෙක් තද UNPකාරොයො. SFට චන්දෙ දීපු. අනිත් උන් දෙන්නා මහින්දට.
මේ එක්කෙනෙක්ගෙ status text එක.
"Congratulations President Rajapaksa on winning a second term! Apart from a few incidents, it was by all means a free and fair election on the election day. I did not vote you. But you are my President too. I am as hopeful about your second term as any Sri Lankan is, now."
මනුස්සයෙක්ට මේ විදිහට හිතන්න පුලුවන් එක කොච්චර වාසනාවක්ද? අපි කීයෙන් කීයටද මෙහෙම හිතන්න පුලුවන්.
හැමෝටම මෙහෙම හිතන්න පුලුවන්නම්, කකුලෙන් අදින්නෙ නැත්නම්, අපේ රට හදන එක මහ කජ්ජක් නෙවේ.

අනිත් කෙනා මට මැසේජ් එකක් එවනවා, රුපවාහිනියයි, සිරසයි හමුදාව යටතෙ තියෙන්නේ. මැතිවරණ කොමසාරිස් අත්අඩංගුවට අරගෙන. චන්ද ගනන් කරන තැන්වල හොරට චන්ද ගනන් කරන්නේ. ඔය වගේ ගොඩක්.
කිසිම පදනමක් නැතුව මේ වගේ කතා පතුරවන උන් තමා මේ රට කන්නේ.
නින්දිත පහත් මට්ටමේ වැඩ. කරුමෙට මම දන්න හොද දේශපාලන දැක්මක් තියෙන UNP යාලුවො ඉන්නේ දෙන්නයි. අනිත් උන් ඔක්කොම ඔය වගේ.

තුන් වෙනියා කියලා තිබ්බේ මෙහෙම.
"දෑසෙ නැගුන කදුලු............පිසදලන්න එන්න............බෙදුනු යුගය ඉවරයි..........එන්න එන්න එන්න..........ලක් මවගේ දරුවෝ...........සියලුදෙනා එන්න............Elections are over now. It's time to work for the country."
කතාව ඇත්ත. දැන් තියෙන්නෙ අවුරුදු ගානක් අනිත් පැත්තට කැරකුනු රටේ දියුනුව හරි පැත්තට හරවන්න. එකට අපිට ගොඩක් කැපකිරීම් කරන්න වෙන්න පුලුවන්.

කොහොම හරි කියන්න තියෙන්නේ... දැන් ඉතින් රට හදමු කියලයි.

හතර වෙනියා බොහොම පහත් මඩක් ගහල තිබ්බා SFට. මඩට මං කොහොමත් විරුද්දයි. හැබැයි ඉතින් ලාංකීය දේශපාලනය තුල මඩත් කොටසක්.

ඔය අතරේ BeyondFrame ආයේ ලියන්නේ නෑ කියල දාල තිබ්බා. ගොඩක් හොදයි. සල්ලි දෙනවානම් තමන්ගේ අම්මව වුනත් විකුනන්න ලෑස්ති වෙලානේ හිටියේ. ගොඩක් දුරට ඔය බ්ලොග් එකේ පිහිටේන්ම කොහේ හරි දේශපාලන රැකවරන ගන්න පුලුවන් වෙයි. ඔය වගේ උන් තමා රටට බරක් වෙන්නේ.

ආයේ මං චන්දේ ගැන කතා කරන්නේ නෑ.

මහින්ද මහත්තයට සුභ පතනවා. අපි හැමෝටම සුභ අනාගතයක් සහ විශ්වාසනීය වෙනසක් දකින්න පුලුවන් වෙවා කියලත් ප්‍රාර්ථනා කරනවා.

චන්දෙන් පස්සේ....

2010-01-26T15:52:00.000Z

ගොඩ දවසකින් ලියන්නත් බැරිවුනා. පොරොන්දු වුන විදිහට පින්තුර දාන්නත් බැරිවුනා. ඒක ලගදිම කරන්නම්. වෙලාවක් ආපු ගමන්ම.
කට්ටියම දැන් උදේ පාන්දර චන්දේ දාලා ගෙදර ඇවිල්ලා ඇතිනේ. මටත් හිටියානම් අනිවා රජතුමාට කතිරෙ ගහනවා. මම කැපුවත් නිල් නිසා නෙවේයි. මට තේරෙන දේශපාලනේට අනුව අපේක්ශකයො විසි ගානෙන් හොදයි කියලා හිතෙන නිසා.
ලංකාවේ චන්දෙ ගැන මෙහේ පත්තරත් බොහොම උනන්දුයි. Guardian වල එහෙම මෙ සතියෙම වගේ මුල් පිටුවේ කෑල්ලක් තිබ්බා අපේ චන්දෙ ගැන. මුන්ටත් ඉතින් අපි ගහගන්නවා කිවුවම මාර ආතල්නේ. මොනවා කරන්නද ඉතින් රටේ ආර්ථිකය බල්ලට ගියත් තාම තියෙනවා යටත් විජිත මානසිකත්වය. හදන්න බෑ.

කොහොම හරි චන්දේ ඉවරයි. කවුරු හරි දිනයි. පැරදුන එකා චන්දේ හොර කරා කියල සුපුරුදු විදිහටම කියයි. අපේ බ්ලොග් ටිකත පොඩි කාලයක් මරාගනී. ඊට පස්සෙ අයේ පුරුදු විදිහම තමා.

කොහොමින් කොහොමින් හරි ලංකාව දියුණු වෙනවා බලන්න තමා අපි ආසා. දියුණු වෙනවා කියන්නේ වැඩිපුර කර්මාන්තශාලා තියෙන එකවත්, ගොඩක් සල්ලි තියෙන එකවත් නෙවේ. තියෙන විදියට කාල ඇදලා හිතේ සතුටින් ඉන්න පුලුවන් එකයි මට නම් දියුනුව කියල හිතෙන්නේ.
ඔය දියුනුවට කර්මාන්තශාලා වැඩි කරා කියලවත්, පඩි වැඩි කරා කියලවත් ගන්න පුලුවන් එකක් නෙවේයි. ඒකට අපි හිතන විදිහ වෙනස් වෙන්නත් ඕනේ. ඔන්න ඔතන තම මට අපි ගැන ගැටලුවක් හිතෙන්නේ. අපි හැම දේටම ආන්ඩුවට බනින්නේ. බනින්න ඔනේ වෙලාවලුත් තියෙනවා.
රටක් හදන්න නම් අපිට ඔනේ වෙනවා ජනතාවට ඒ හැගීම දෙන්න. පළවෙනි ලෝක යුද්දෙන් පස්සෙ අන්තිම බිංදුවට වැටිල හිටපු ජර්මනිය අවුරුදු 2-3 ඇතුලත කාර්මිකව සහ ආර්ථිකව ඉහලට ගත්තේ හිට්ලර් ඒ රටේ මිනිස්සුන්ට ඒ හැගීම දුන්නු නිසා. හැබැයි නතර කරන්න ඔනේ තැන මිනිහා දැනන් හිටියේ නෑ. ඒක වෙනම කතාවක්.
එහෙනම් කට්ටිය චන්ද ප්‍රතිපල බලන්න. හැබැයි ප්‍රතිපල නිකුත් උනාම චන්දෙන් අගතියට යන්න නම් එපා. කවුරු දින්නත් අපි පිස්සු කෙලියොත් අපේ රටටමයි පාඩුව.

I'm Back

2010-01-07T15:17:00.002Z

ඔන්න නිවාඩු ඉවර වෙලා අයෙත් මම ආවා. ලංකාවේ හිටපු දවස් ටිකේ අනුරාධපුරේ, පොළොන්නරුවේ වගේම තිරිකුණාමලේ, මඩකලපු එහෙමත් ගියා. විස්තර පස්සේ දාන්නම් පිංතුරත් එක්කම.
31 වෙනිදා හිටියේ මෙහේ. අපි ඇවිදින්න ගියා. තිබ්බ fireworks වල විඩියෝ එකක් youTube වලින් ගත්තා. එකත් බලන්නකෝ. මමත් ඔය හරියෙම තමා හිටියේ. හැබැයි මගේ මූන නම් නෑ.

නිවාඩුවට Grey එනවා ලංකාවට

2009-12-04T13:46:00.002Z

හෙට වෙනකන් මම බලාගෙන ඉන්නේ. හෙට උදෙන්ම ලංකාවට එන්න පිටත් වෙනවා. ගොඩක් කල් නම් ඉන්න වෙන්නෙ නෑ. සති තුනයි. යුද්දයක් නැති ලංකාවට Grey එන පළවෙනි පාර තමා මේ.
හැබැයි ඉන්න දවස් ටිකේ යාලුවෝ ටිකත් එක්ක අනුරාධපුරේ, පොළොන්නරුවේ යන්නයි ගෙදර අය එක්ක නැගෙනහිර පලාතෙ ඇවිදින්නයි හිතන් ඉන්නේ.
ඒ වගේම ගෙදර හදපු ලුනු මිරිස් රහට තියෙන බත් එකක් කන්නත් තියෙන්න පුදුම ආසාවක්.
138 බස් එක.... පරණ යාලුවො... good old day gonna come to alive again!!!

එකම දුකකට තිය්න්නේ මට ලංකාවෙ ඉදලත් කට්ටිය හමුවෙන දවසෙ ඒකට එන්න වෙන්න බැරි වෙන එක.

අලුත් පහේ වැඩ

2009-12-03T12:04:00.000Z

මට මේක ලියන්න හිතුනේ අපේ ඔෆිස් එකේ අලුතෙන් කරපු පොඩි පහේ වැඩ ටිකක් නිසා.
දන්නවනේ Canon Multi Functional Printers (MFP) ගැන. අර ප්‍රින්ට් කරන්න වගේම ස්කෑන් කරන්න, ෆැක්ස් කරන්න පුලුවන් ප්‍රින්ටර් තියෙන්නේ. ඔවා තමයි අපි පාවිච්චි කරන්නේ. ගිය මාසෙ අපි ඓඨ් ටීම් එක පොඩි ආතල් වැඩක් කරා. Canon ලගෙ තීය්නවා 'My print anywhere' කියලා ටූල් එකක්

ඕක අපි ඉන්ස්ටොල් කරා. මෙහෙමයි ඔක වැඩ කරන්නේ. දන්නවනේ ඔය තියෙන්නේ ඔෆිස්වල දොරවල් අරින්න ඇක්සස් කාඩ්. අපේ එකෙත් ඔවා තමා පාවිච්චි කරන්නේ. අපේ නෙට්වර්ක් එකේ තියෙන MFඵP ඔක්කොටම ඔය කාඩ් එක කියවන රීඩර් හයි කරා. දැන් වෙඩේ මෙහෙමයි වෙන්නේ. කාට හරි මොනවා හරි ප්‍රින්ට් කරන්න ඔනේ උනාම කොම්පියුටර් එකෙන් ප්‍රින්ට් කමාන්ඩ් එක දෙනවා. දීලා අපේ අක්කර ගානක තියෙන ඔෆිස් එකේ තියෙන ඕනෙම MFP එකක් ගාවට ගිහින් අර ඇක්සස් කාඩ් එක රීඩර් එකට තියන්න විතරයි ඕනේ, ඔක්කොම එතනින් ප්‍රින්ට් වෙනවා. කොහොමද වැඩේ?

අනිත් වැඩේ නම් තාම පටන් ගත්තේ නෑ. බජට් කරලා තියෙනවා £120000. ඒක තමා Cisco VOIP නෙට්වර්ක් එකක් ඔෆිස් එක ඇතුලේ දාන එක. ඕකෙන් මට නම් ලොකුම ලොකු ප්‍රයෝජනයක් තියෙනවා. මම කියුවනේ අපේ අක්සස් කොන්ට්‍රෝල් කරලා තියෙන්නේ කියලා. ඉතින් IT රූම් එකට ඇක්සස් නැති එකෙක් අවොත් අපි කවුරු හරි ගිහින් දොර අරින්න ඕනේ. ඔය වැඩේ මහ වාතයක් වැඩ කර කර ඉන්න කොට. ඉතින් දැන් අපේ අලුත් phone වලින් අපිට පුලුවන් එක බට්න් එකක් press කරපු ගමන් දොර අන්ලොක් වෙන්න සෙට් කරන්න. මොන VOIP වලටත් වඩා මට නම් වැඩියෙන්ම ආත්ල් ඔන්න ඔය වැඩේට තමා.

අපේ team එක ගැනත් කතා ගොඩක් තියෙනවා.. හිමීට කියන්නම් ඒවත්.

Reply to මනුස්සා භය තජ්ජිතා | The men who fear

2009-12-02T09:13:00.002Z

මේක ලියන්න හිතුනේ ටබූ දාල තිබුන ලිපියක් සහ එකට කීප දෙනෙක් දාල තිබුන කොමෙන්ට්ස් දැකලා.

ටබූ එයාගේ බ්ලොග් එකේ කරුනාවෙන් සවන් දෙන්න කියලා දාල තියෙනාවා මෙහෙම.
කිසිම ආගමකට, සංස්ථාවකට, ආයතනයකට, ජන කොටසකට හෝ පුද්ගලයකුට පහරදීමට විශේෂ උවමනාවක් මේ බ්ලොග්කරුට නැත්තේය.

ලිපිය ගැන කතා කරොත් ඒකෙ තියෙන්නෙ මහින්ද රාජපක්ෂ ශ්‍රී මහා බෝධියට වන්දනා කරන පින්තුරයක්. ඊට යටින් ධම්මපදයෙන් ගත්තු ගාථාවක් තියෙනවා "බහුවෙ සරණං යන්ති".

දැන් ඕකේන් මට තේරුන විදියට කරුනු දෙකක් කියන්න තමයි ටබූ උත්සාහ කරන්නේ.
1. මහින්ද බය වෙලා
2. බෝධි වන්දනාව වැරදියි.

පළවෙනි පොයින්ට් එක ගැනනම් කිසි ප්‍රශ්නයක් නෑ. ඕනෙම පුද්ගලයෙක් අඩු වැඩි වශයෙන් මොනවට හරි බයයි.
බෝධි වන්දනාව වැරදියි කියන එකට නම් එකග වෙන්න ටිකක් අමාරුයි. මම දන්න විදිහට අපි ආමිස පූජා කියන්නේ ඕවට තමා.එහෙම නෙවෙයි කියනවනම් ටබූ තමන්ගෙ ජීවිතේ මුල් අවුරුදු 16 හරියට බුද්ධාගම ඉගෙන ගෙනත් නෑ, පිලි පැදලත් නැති වෙන්න ගොඩක් දුරට ඉඩ තියෙනවා.

ඕකට කට්ටිය කොමෙන්ට් දාන කොට එක තැනක ටබූ කියනවා.
Do Buddhists kiss bo trees to show respect?
- Taboo

මට මෙතක කිස් කිරිල්ලක් පෙනෙන්නේ නෑ. මම නලලෙන් කිස් කරන්න පුලුවන් කියලා දන්නෙත් නෑ. ටබූ කිස් කරන්නේ නලලෙන් නම් ලොකු ප්‍රශ්නයක් වෙයි කවදා හරි. (කියන්නත් බෑ, ටබූ ඉතින් වෙනස්නේ)
මෙතන තියෙන්නේ සරලවම නලල බෝ ගහට තියලා වදින එකක්. එක් තරා දුරකට අපි නලල බිම තියලා වදින එකට සමාන කරන්න පුලුවන්. ඕනෙ තරම් හිංදු දේවාල වල අපිට දකින්න පුලුවන් පූජනීය දේවල් වලට ඔලුව තියනවා. ඒක එක එක පුද්ගලයට අනුව වෙනස් වෙන තමන්ගෙ භක්තිය ප්‍රකාශ කරන විදිහක්.
මේක බටහිර විදිහට කියනවා නම් එළිසබෙත් රැජින St. Peter cathedral එකට යනවා වගේ ceremonial වෙඩක් මහින්දගේ පැත්තෙන් බැලුවොත්.

ටබූට මඩ ගහන්න තියෙනවනම් ඉතින් මොනවා උනත් මොකද නේද? එක්කො හරියට කරුනු දැනගෙන ගහන්න ඕනේ.
කොහොමත් මට පේන්නෙ ටබූට කරුනු කාරනා හරියට වැටහෙන්නෙනෑ. නැත්නම් ඉතින් මෙහෙම කියනවද?
ගෞතම බුදුන් හා මාක්ස් ලොව පහළ වූ ඉහළම බුද්ධිමතුන් සේ සළකතත් අද ඔවුන්ගේ අනුගාමිකයන් කියාගන්නා උන් කරන බොරුව වටහා ගත් පසු බ්ලොග් කරු මේ සංස්ථා දෙකින්ම ඉවත් විය.
අපිට බුද්ධාගමට අනුව ජීවත් වෙන්න අනුගාමිකයො ඔනේ නෑ.

අන්තිමට මට කියන්න තියෙන්නෙ මෙච්චරයි. ඔයා ආගමක් අදහන්නේ නෑ කියලා ඒක කරන පුද්ගලයො අපහාසයට ලක්කරන එකෙන් පේන්නෙ ඔයාගෙ හිස් බව විතරයි.
දෙවෙනි දෙය තමා, බෝධි වන්දනාව බුද්ධාගමේ හරය නොවෙන්න පුලුවන්. නමුත් එකේන් කෙනෙක් හිත පහදවා ගන්නවනම් ඒකෙන් හොදක් මිසක් වැරැද්දක් වෙන්නෙ නෑ. ඒ නිසා ධම්මපදයේ ගාථා වලට වැරදි විදිහට අර්ථ නිරූපනය කරන්න එපා.

ඉස්සාගේ කතා වස්තුව....

2009-11-26T14:30:00.001Z

අයෙම මට ආපු මේල් එකක් දානවා.අනේ මන්දා බ්ලොග් එකට අලුතින් මොනවා හරි ලියන්න හදන කොටම මාර මේල්නෙ එන්නේ :)

Arjuna R. Vs Sarath F.

2009-11-25T18:19:00.005Z

මට ආපු ඊ-මේල් එකක් මේ. කියවලා බලන්නකෝ.

Arjuna Ranatunga Sarath Fonseka

Born in the month of December - Born in the month of December
Educated at Ananda College - Educated at Ananda College
Captain SL Cricket - Capt Army Commander
Won the World Cup - Won the Eelam war
Said coach's contribution was minimal - Said contributions of other Forces were very minimal
Claimed sole ownership for the victory - Claimed sole ownership for the Victory
Started to show resentment towards SL president - Started to show resentment towards SL president
Said he wants to put sri lanka cricket in the right path - Says he wants to put the country in the right path
Contested to become the president of SL Cricket - Contesting to become the president of sri lanka?
Opponent was a Nalandian - Opponent is a Nalandian

Lost even without getting his own club's vote ????
Some more similarities

Both were respected by all the Sri Lankans as Greatest of the Patriotic Leaders ever born on this land.
Both of them were dragged into politics by the same individual - Mangala Samaraweera
Both of them were poisoned and destroyed by the same individual - Mangala Samaraweera

Conclusion: Mangala Samaraweera is the most dangerous political character in Sri Lanka who destroys any potential National Leader.

මොනවද මේ ගැන හිතන්නෙ. :)

ඉතින් ආයුබෝවන් S5700 ගරූ....

2009-11-22T20:42:00.016Z

ඡායාරූපකරනයට මගේ පොඩි ආසාවක් තියෙනවා. 2007 අවුරුද්දෙ අග තමා මගෙ පළමුවෙනි ඩිගිටල් කැමරාව ගත්තෙ. එක තමා Fujifilm S5700 කියන මොඩල් එක. අපරාදෙ කියන්න බෑ නියම කැමරාව. මම ගොඩක්ම ආදරෙන් පාවිච්චි කරපු කැමරාවක් තමා මේක.
මේක තමා කැමරාව.පාවිච්චියෙ තරම පේනවනේ දූවිලි වලින්ම. ;)

අවුරුදු දෙකකට පොඩඩක් වැඩි කාලයක් පාවිච්චි කරා. හරියට කිව්වොත් පට්ට ගැහුවා. බය නැතුව ඕනෙ කෙනෙක්ත රෙකමෙන්ඩ් කරන්න පුලුවන් කැමරා එකක්. මම 2007 කොළබ Black Market ගත්තෙ රුපියල් 31,000 කට. ඔයාලත් ඩිගිටල් කැමරා එකක් ගන්න ඕනෙනම් සහ හොයන්නෙ point-and-shoot කැමරාවකට වඩා හොද එකක්නම් කියාපු බාන්ඩෙ.
කොහොමින් කොහොමින් හරි ඊයෙ මගෙ අලුත් කැමරාව ආව. Panasonic Lumic FZ-38. ඉතින් Fඋජි එකේ කාලෙ හරි.
අද සටහන මම ගොඩක් ආදරේ කරපු කැමරාවෙන් ගත්තු පින්තූර ටිකක් පෙන්නන්න.
හිනාවෙන්න නම් එපා. මම ක්ලාස් ගිහින් ඡායාරුපකරනය ඉගෙන ගත්තු කෙනෙක් නෙවේයි. ඔහේ පින්තූර ගත්තු ඒවා තමාමේ.

මේ පින්තූර ටික ගත්තෙ නකල්ස් වලදි, අපි කීප දෙනෙක් මීමුරේ ගියා. එහෙම යනකොට

මේ පින්තූර ටික ගත්තෙ නුවරඑළියෙදි

මේ පින්තූර ටික ගත්තෙ කන්ඩලම හෝටලෙදි.

මේ පින්තූර ටික ගත්තෙ සිනමන්ලොජ් හෝටලෙදියි මින්නේරිය රක්ෂිතයෙදියි.

මේ දළදා මාළිගාවෙ ගත්තු පිංතුර ටිකක්.

අපි කාටත් පායන්නෙ එකම හද. හැබැයි එකම හදට පාට ගොඩක් තියෙන්න පුලුවන්. මේ ගත්තෙ එංගලන්තෙ, Greyගෙ කාමරේ ජනේලෙන්..පාලු රෑක.

තව පින්තුර නම් ගොඩක් තියෙනවා Grey ආස. එවා ඉතින් පස්සෙ වෙලාවක දාන්නම්.

රුසියාවෙත් එහෙම තමා.... ලංකාවෙ???

2009-11-19T14:06:00.002Z

මේක මට අද උදේ නිකන් හිතිච්ච කතාවක්.
දන්නවනේ රුසියාවෙ අගමැති පුටින් මහත්තයා ගැන. උන්නැහැ 1999 ජනාදිපති උනා. ආපහු සැරයක් චන්දෙන් දිනලා දෙවෙනි සැරේටත් මහපුටුවට ආව. ඔය විදිහට 2008 වෙනකන්ම උන්නැහැ තමා රටේ ජනාදිපති.
උන්දැ පරන KGB කාරයෙක් කියනවනේ. ඔය තැනින්තැන හිටපු ත්‍රස්තවාදියො ටිකට ඇප නැති වෙන්න දුන්නා. කෙලින් ඉන්න ඔනේ තැන්වල කෙලින් හිටියා.කොහොමින් කොහොමින් හරි 2008 වෙනකොට පුටින් මහත්තයා රුසියාව බොහොම හොද තැනකට ගෙනාව. 1999 වෙනකොට ඇමරිකන්කාරයන්ගේ දිරච්චි ලනුවක් ගිලලා බොහොම සවුත්තු වෙලානෙ තිබ්බෙ.

ලංකාවෙ වගේම තමා රුසියාවෙත් මහපුටුවෙ දෙපාරයි එක්කෙනෙක්ට ඉන්ට පුලුවන්. ඉතින් පුටින් මහත්තයා කරේ මහ පුටුව වෙන කෙනෙක්ට දීලා අගමැති වෙච්චි එක. තාම රට්ටු කියන්නෙ රට ආන්ඩු කරන්නේ පුටින් මහත්තයා කියලා.

රුසියාවෙත් එහෙම තමා.... ලංකාවෙ???

Xගේ මේල් කෙරුවාව

2009-11-18T09:59:00.005Z

මගේ පරන ඔෆ්ස් එකේ පොරක් (කියමොකෝ X කියලා) පහුගිය දවසක යවපු මේල් එකක් වෙන එකෙක් මට forward කරා. X කියන්නෙ පොඩ්ඩක් මෙන්ටල් ඩයල් එකක්, ඒ වගේම තමා පොර අර "කැපුවත් කොල" වර්ගෙ එකෙක්. කොහොම හරි මේල් එකේ තිබ්බේ සරත් මහත්තයා යුනිෆෝම් එකෙන් ඉන්න පින්තූර ටිකක්. තව ඉතින් ඔය දේශප්‍රේමි වාක්ය සෙට් එකකුත් දාල තිබ්බා. පොර මට මේල් එක එවලා තිබ්බෙනෑ. (එව්වනම් sure එකට මම රිප්ලයි කරනවා, උන්ගෙ ලොකු එකාගේ ඇ* ලෙවකන්නෙ නැතුව ඉන්න කියලා..කතාවක් තියෙනවනේ පොර කොල්ලන්ට හරි කැමති කියලා) පිංතුර ටිකත් ඉතින් කිසිම creativity එකක් නෑ. අර ඔබාමා හාමුගේ කැම්පේන් එකේ කෑලි තමා පිරිලා තියෙන්නේ. කොහොමත් ඇමරිකාවෙ එවා ඔක්කොම ඔය පාටියෙ කට්ටියට හොදයිනේ.

කොහොමින් කොහොමින් හරි ඕකට ඔෆිස් එකේ අනිත් උන් පොරව අම්බානට බයිට් කරලා තිබ්බා. කට උත්තර නැති වෙන්න.
මට කිසිම අමාරුවක් නෑ, කාගෙ පින්තුර කොහොම යැව්වත්. හැබැයි මට සැහෙන්න පුදුමයි මිනිස්සු වෙනස් වෙන විදිහගැන. මතකද අර මුහමාලේ පැත්තේ හමුදාවට ටිකක් වැදුනා, ඔය දවස් වල අපේ X සරත් මහත්තයට අම්බානට බැන බැන හිටියේ නිකන් කොල්ලො මරනවා, වැඩක් නැති යුද්දයක් කරනවා කියාලා. (එක අතකට පුදුම වෙන්න දේකුත් නෑ..පාමංකඩයි, මැදවච්චියෙයි යනවා කිව්වෙ ඔය කට්ටියගෙම ලොකු පොරක්නෙ.)

අපි ඕකට against රිප්ලයි කරාම පොරට මල පනිනවා..අපිට අදහස් දක්වන්න බෑ ඌට විතරයි පුලුවන්. සිරාවට මේක කියද්දි මතක් වුනේ. අපෙ සිංහල බ්ලොග් එකක් කරන්නෙ අර ඔය පක්සෙ පොරක්.කපටි හිනාව එක්ක මූනත් තහඩුව සයිට් එකේ උඩම දාගෙන. පොරගෙ පොස්ට් එකකටත් මම දවසක් රිප්ලයි කරපු එකක් මෙක approve කරලා තිබ්බෙ නෑනෙ. මම හිතන්නෙ ඔය කට්ටිය ටිකක් බයයි අපේ කතා නිසා උන්ගෙ හෙලුව ලොකෙට පෙනෙයි කියලා. ඒ අතින් අපෙ රතු සහෝදරයින්ගෙ සයිට් එක සෑහෙන්න හොදයි. අඩු ගානෙ ඔන්ලයින් හරි විවේචන දරාගෙන ඉන්න පුලුවන්. (කැම්පස් අතුලෙ කොහොම වෙතත්)

අපි බලන් ඉමු ඉතින් මොකො වෙන්නෙ කියලා. අපිටත් ඔය මේල් forward වෙනවනේ.

Fonseka Vs Rajapaksha

2009-11-16T16:44:00.003Z

There is a very detailed and unbiased article of the current situation on the link below. It's Lengthy, but worth time spending reading it.

http://dbsjeyaraj.com/dbsj/archives/1227

පහුගිය සතිය

2009-11-16T15:01:00.008Z

මේ දවස් වල office එකේ මට වැඩක් ඇත්තෙම නෑ. ඔහේ දවසම browse කරන එකයි... ඉදල හිටලා සෙට් වෙන පොඩි වැඩක් කරන එකයි විතරමයි තියෙන්නේ. පට්ට කම්මැලියි. ඒ මදිවට සීතලයි..වැස්සයි. හවස 5 වෙනකොට අම්බානට කලුවරයි. මොනවා උනත් ලංකාවේ දේශගුනේ කොච්චර හොදයිද කියලා හිතෙන්නේ හවස වැඩ ඇරිලා වැස්සේ තෙමිගෙන හීතලේ ගෙදර යනකොට. මට හිතාගන්න බැරුව ඉන්නෙ winter ආවම මොනවා වෙයිද කියලා.

anyway පහුගිය සතියෙ සෑහෙන්න දේවල් උනානේ.
හෙන්රි ජයසේන මහත්මයා අපි අතරින් වියෝවුනා. මම ගොඩක්ම කැමති නලුවෙක්, ඩිරෙක්ටෙර් කෙනෙක් වගේම හොද මනුස්සයෙක්. හුනු වටයේ කතාව තියෙනකන්, ගම්පෙරලිය තියෙනකන්.... අන්දකාරෙන් දුරාතීතේ....අන්දකාරෙට අනාගතයේ...අපිට හෙන්රි ජයසේන මහත්මයාව මතක තියේවි.
ඔය අස්සේ සරත් මහත්තයාත් ඉල්ලා අස්වෙලා...මාර වැඩේ තමා ඉතින්. අපි ඉතින් මහ ලොකුවට රට ඇතුලේ වෙන්නේ මොනවද...ආන්ඩු හිතන්නේ කොහොමද කියලා දන්නේ නම්නෑ. හැබැයි මට නම් හිතෙන්නෙ රජතුමා ටිකක් සවුත්තු විදිහට තමා සලකලා තියෙන්නේ සරත් මහත්තයට. හැබෙයි එහෙමයි කියලා සරත් මහත්තය UNP එකෙන් චන්දේ ඉල්ලනවා කියලා යන කතාවට නම් Grey කොහෙත්ම කැමතිනෑ.
ඔය කතාව අහුන ගමන්ම Greyට කියවුනේ "අපරාදෙ හොද මනුස්සයෙක් චවු වෙනවා" කියලා. අනික Grey විස්වාස කරන්නෙ නෑ හොද සොල්දාදුවෙක් කියන්නේ හොද පාලකයෙක් කියලා.
සරත් මහත්තයත් ඉතින් බබෙක් නෙවේනෙ ඔවා තේරුම් නොයන්න. අනික UNP,JVP, TNA එකතු වෙල හැදෙන කන්ඩායමට නම් මම කොහෙත්ම කැමතිනෑ. වරදවා වටහා ගන්න එපා. අර ඉගුරු දීලා මිරිස් ගන්න මට ඕනේ නෑ.
ඔය අස්සේ අපේ රතු සහොදරයෝ සුපුරුදු පරිදි ඉල් මහ විරු සමරුව පැවැත්තුවා. රෝහන විජේවීර කියන පුද්ගලයව කියවන්න තරම් අතීත දේශපාලන දැනුමක් Greyට නෑ. හැබැයි අද රතු සහොදරයෝ යන්නේ නම් එදා විජේවීර ගිය පාරෙ නෙවේ කියන එකනම් හොදට තේරිලා තියෙන්නේ.
අන්තිමට ලංකාවෙන් පිට ඉදන් පලවෙනිවරට සමරන Greyගෙ උපන්දිනෙත් තිබුනා.