නිවාඩුවට Grey එනවා ලංකාවට

හෙට වෙනකන් මම බලාගෙන ඉන්නේ. හෙට උදෙන්ම ලංකාවට එන්න පිටත් වෙනවා. ගොඩක් කල් නම් ඉන්න වෙන්නෙ නෑ. සති තුනයි. යුද්දයක් නැති ලංකාවට Grey එන පළවෙනි පාර තමා මේ.
හැබැයි ඉන්න දවස් ටිකේ යාලුවෝ ටිකත් එක්ක අනුරාධපුරේ, පොළොන්නරුවේ යන්නයි ගෙදර අය එක්ක නැගෙනහිර පලාතෙ ඇවිදින්නයි හිතන් ඉන්නේ.
ඒ වගේම ගෙදර හදපු ලුනු මිරිස් රහට තියෙන බත් එකක් කන්නත් තියෙන්න පුදුම ආසාවක්.
138 බස් එක.... පරණ යාලුවො... good old day gonna come to alive again!!!

එකම දුකකට තිය්න්නේ මට ලංකාවෙ ඉදලත් කට්ටිය හමුවෙන දවසෙ ඒකට එන්න වෙන්න බැරි වෙන එක.

අලුත් පහේ වැඩ

මට මේක ලියන්න හිතුනේ අපේ ඔෆිස් එකේ අලුතෙන් කරපු පොඩි පහේ වැඩ ටිකක් නිසා.
දන්නවනේ Canon Multi Functional Printers (MFP) ගැන. අර ප්‍රින්ට් කරන්න වගේම ස්කෑන් කරන්න, ෆැක්ස් කරන්න පුලුවන් ප්‍රින්ටර් තියෙන්නේ. ඔවා තමයි අපි පාවිච්චි කරන්නේ. ගිය මාසෙ අපි ඓඨ් ටීම් එක පොඩි ආතල් වැඩක් කරා. Canon ලගෙ තීය්නවා 'My print anywhere' කියලා ටූල් එකක්

ඕක අපි ඉන්ස්ටොල් කරා. මෙහෙමයි ඔක වැඩ කරන්නේ. දන්නවනේ ඔය තියෙන්නේ ඔෆිස්වල දොරවල් අරින්න ඇක්සස් කාඩ්. අපේ එකෙත් ඔවා තමා පාවිච්චි කරන්නේ. අපේ නෙට්වර්ක් එකේ තියෙන MFඵP ඔක්කොටම ඔය කාඩ් එක කියවන රීඩර් හයි කරා. දැන් වෙඩේ මෙහෙමයි වෙන්නේ. කාට හරි මොනවා හරි ප්‍රින්ට් කරන්න ඔනේ උනාම කොම්පියුටර් එකෙන් ප්‍රින්ට් කමාන්ඩ් එක දෙනවා. දීලා අපේ අක්කර ගානක තියෙන ඔෆිස් එකේ තියෙන ඕනෙම MFP එකක් ගාවට ගිහින් අර ඇක්සස් කාඩ් එක රීඩර් එකට තියන්න විතරයි ඕනේ, ඔක්කොම එතනින් ප්‍රින්ට් වෙනවා. කොහොමද වැඩේ?

අනිත් වැඩේ නම් තාම පටන් ගත්තේ නෑ. බජට් කරලා තියෙනවා £120000. ඒක තමා Cisco VOIP නෙට්වර්ක් එකක් ඔෆිස් එක ඇතුලේ දාන එක. ඕකෙන් මට නම් ලොකුම ලොකු ප්‍රයෝජනයක් තියෙනවා. මම කියුවනේ අපේ අක්සස් කොන්ට්‍රෝල් කරලා තියෙන්නේ කියලා. ඉතින් IT රූම් එකට ඇක්සස් නැති එකෙක් අවොත් අපි කවුරු හරි ගිහින් දොර අරින්න ඕනේ. ඔය වැඩේ මහ වාතයක් වැඩ කර කර ඉන්න කොට. ඉතින් දැන් අපේ අලුත් phone වලින් අපිට පුලුවන් එක බට්න් එකක් press කරපු ගමන් දොර අන්ලොක් වෙන්න සෙට් කරන්න. මොන VOIP වලටත් වඩා මට නම් වැඩියෙන්ම ආත්ල් ඔන්න ඔය වැඩේට තමා.

අපේ team එක ගැනත් කතා ගොඩක් තියෙනවා.. හිමීට කියන්නම් ඒවත්.

Reply to මනුස්සා භය තජ්ජිතා | The men who fear

මේක ලියන්න හිතුනේ ටබූ දාල තිබුන ලිපියක් සහ එකට කීප දෙනෙක් දාල තිබුන කොමෙන්ට්ස් දැකලා.

ටබූ එයාගේ බ්ලොග් එකේ කරුනාවෙන් සවන් දෙන්න කියලා දාල තියෙනාවා මෙහෙම.
කිසිම ආගමකට, සංස්ථාවකට, ආයතනයකට, ජන කොටසකට හෝ පුද්ගලයකුට පහරදීමට විශේෂ උවමනාවක් මේ බ්ලොග්කරුට නැත්තේය.

ලිපිය ගැන කතා කරොත් ඒකෙ තියෙන්නෙ මහින්ද රාජපක්ෂ ශ්‍රී මහා බෝධියට වන්දනා කරන පින්තුරයක්. ඊට යටින් ධම්මපදයෙන් ගත්තු ගාථාවක් තියෙනවා "බහුවෙ සරණං යන්ති".

දැන් ඕකේන් මට තේරුන විදියට කරුනු දෙකක් කියන්න තමයි ටබූ උත්සාහ කරන්නේ.
1. මහින්ද බය වෙලා
2. බෝධි වන්දනාව වැරදියි.

පළවෙනි පොයින්ට් එක ගැනනම් කිසි ප්‍රශ්නයක් නෑ. ඕනෙම පුද්ගලයෙක් අඩු වැඩි වශයෙන් මොනවට හරි බයයි.
බෝධි වන්දනාව වැරදියි කියන එකට නම් එකග වෙන්න ටිකක් අමාරුයි. මම දන්න විදිහට අපි ආමිස පූජා කියන්නේ ඕවට තමා.එහෙම නෙවෙයි කියනවනම් ටබූ තමන්ගෙ ජීවිතේ මුල් අවුරුදු 16 හරියට බුද්ධාගම ඉගෙන ගෙනත් නෑ, පිලි පැදලත් නැති වෙන්න ගොඩක් දුරට ඉඩ තියෙනවා.

ඕකට කට්ටිය කොමෙන්ට් දාන කොට එක තැනක ටබූ කියනවා.
Do Buddhists kiss bo trees to show respect?
- Taboo

මට මෙතක කිස් කිරිල්ලක් පෙනෙන්නේ නෑ. මම නලලෙන් කිස් කරන්න පුලුවන් කියලා දන්නෙත් නෑ. ටබූ කිස් කරන්නේ නලලෙන් නම් ලොකු ප්‍රශ්නයක් වෙයි කවදා හරි. (කියන්නත් බෑ, ටබූ ඉතින් වෙනස්නේ)
මෙතන තියෙන්නේ සරලවම නලල බෝ ගහට තියලා වදින එකක්. එක් තරා දුරකට අපි නලල බිම තියලා වදින එකට සමාන කරන්න පුලුවන්. ඕනෙ තරම් හිංදු දේවාල වල අපිට දකින්න පුලුවන් පූජනීය දේවල් වලට ඔලුව තියනවා. ඒක එක එක පුද්ගලයට අනුව වෙනස් වෙන තමන්ගෙ භක්තිය ප්‍රකාශ කරන විදිහක්.
මේක බටහිර විදිහට කියනවා නම් එළිසබෙත් රැජින St. Peter cathedral එකට යනවා වගේ ceremonial වෙඩක් මහින්දගේ පැත්තෙන් බැලුවොත්.

ටබූට මඩ ගහන්න තියෙනවනම් ඉතින් මොනවා උනත් මොකද නේද? එක්කො හරියට කරුනු දැනගෙන ගහන්න ඕනේ.
කොහොමත් මට පේන්නෙ ටබූට කරුනු කාරනා හරියට වැටහෙන්නෙනෑ. නැත්නම් ඉතින් මෙහෙම කියනවද?
ගෞතම බුදුන් හා මාක්ස් ලොව පහළ වූ ඉහළම බුද්ධිමතුන් සේ සළකතත් අද ඔවුන්ගේ අනුගාමිකයන් කියාගන්නා උන් කරන බොරුව වටහා ගත් පසු බ්ලොග් කරු මේ සංස්ථා දෙකින්ම ඉවත් විය.
අපිට බුද්ධාගමට අනුව ජීවත් වෙන්න අනුගාමිකයො ඔනේ නෑ.

අන්තිමට මට කියන්න තියෙන්නෙ මෙච්චරයි. ඔයා ආගමක් අදහන්නේ නෑ කියලා ඒක කරන පුද්ගලයො අපහාසයට ලක්කරන එකෙන් පේන්නෙ ඔයාගෙ හිස් බව විතරයි.
දෙවෙනි දෙය තමා, බෝධි වන්දනාව බුද්ධාගමේ හරය නොවෙන්න පුලුවන්. නමුත් එකේන් කෙනෙක් හිත පහදවා ගන්නවනම් ඒකෙන් හොදක් මිසක් වැරැද්දක් වෙන්නෙ නෑ. ඒ නිසා ධම්මපදයේ ගාථා වලට වැරදි විදිහට අර්ථ නිරූපනය කරන්න එපා.

ඉස්සාගේ කතා වස්තුව....

අයෙම මට ආපු මේල් එකක් දානවා.අනේ මන්දා බ්ලොග් එකට අලුතින් මොනවා හරි ලියන්න හදන කොටම මාර මේල්නෙ එන්නේ :)

Arjuna R. Vs Sarath F.

මට ආපු ඊ-මේල් එකක් මේ. කියවලා බලන්නකෝ.

Arjuna Ranatunga Sarath Fonseka

• Born in the month of December - Born in the month of December
• Educated at Ananda College - Educated at Ananda College
• Captain SL Cricket - Capt Army Commander
• Won the World Cup - Won the Eelam war
• Said coach's contribution was minimal - Said contributions of other Forces were very minimal
• Claimed sole ownership for the victory - Claimed sole ownership for the Victory
• Started to show resentment towards SL president - Started to show resentment towards SL president
• Said he wants to put sri lanka cricket in the right path - Says he wants to put the country in the right path
• Contested to become the president of SL Cricket - Contesting to become the president of sri lanka?
• Opponent was a Nalandian - Opponent is a Nalandian

Lost even without getting his own club's vote ????
Some more similarities

Both were respected by all the Sri Lankans as Greatest of the Patriotic Leaders ever born on this land.
Both of them were dragged into politics by the same individual - Mangala Samaraweera
Both of them were poisoned and destroyed by the same individual - Mangala Samaraweera

Conclusion: Mangala Samaraweera is the most dangerous political character in Sri Lanka who destroys any potential National Leader.

මොනවද මේ ගැන හිතන්නෙ. :)

ඉතින් ආයුබෝවන් S5700 ගරූ....

ඡායාරූපකරනයට මගේ පොඩි ආසාවක් තියෙනවා. 2007 අවුරුද්දෙ අග තමා මගෙ පළමුවෙනි ඩිගිටල් කැමරාව ගත්තෙ. එක තමා Fujifilm S5700 කියන මොඩල් එක. අපරාදෙ කියන්න බෑ නියම කැමරාව. මම ගොඩක්ම ආදරෙන් පාවිච්චි කරපු කැමරාවක් තමා මේක.
මේක තමා කැමරාව.පාවිච්චියෙ තරම පේනවනේ දූවිලි වලින්ම. ;)




අවුරුදු දෙකකට පොඩඩක් වැඩි කාලයක් පාවිච්චි කරා. හරියට කිව්වොත් පට්ට ගැහුවා. බය නැතුව ඕනෙ කෙනෙක්ත රෙකමෙන්ඩ් කරන්න පුලුවන් කැමරා එකක්. මම 2007 කොළබ Black Market ගත්තෙ රුපියල් 31,000 කට. ඔයාලත් ඩිගිටල් කැමරා එකක් ගන්න ඕනෙනම් සහ හොයන්නෙ point-and-shoot කැමරාවකට වඩා හොද එකක්නම් කියාපු බාන්ඩෙ.
කොහොමින් කොහොමින් හරි ඊයෙ මගෙ අලුත් කැමරාව ආව. Panasonic Lumic FZ-38. ඉතින් Fඋජි එකේ කාලෙ හරි.
අද සටහන මම ගොඩක් ආදරේ කරපු කැමරාවෙන් ගත්තු පින්තූර ටිකක් පෙන්නන්න.
හිනාවෙන්න නම් එපා. මම ක්ලාස් ගිහින් ඡායාරුපකරනය ඉගෙන ගත්තු කෙනෙක් නෙවේයි. ඔහේ පින්තූර ගත්තු ඒවා තමාමේ.

මේ පින්තූර ටික ගත්තෙ නකල්ස් වලදි, අපි කීප දෙනෙක් මීමුරේ ගියා. එහෙම යනකොට




මේ පින්තූර ටික ගත්තෙ නුවරඑළියෙදි




මේ පින්තූර ටික ගත්තෙ කන්ඩලම හෝටලෙදි.




මේ පින්තූර ටික ගත්තෙ සිනමන්ලොජ් හෝටලෙදියි මින්නේරිය රක්ෂිතයෙදියි.








මේ දළදා මාළිගාවෙ ගත්තු පිංතුර ටිකක්.






අපි කාටත් පායන්නෙ එකම හද. හැබැයි එකම හදට පාට ගොඩක් තියෙන්න පුලුවන්. මේ ගත්තෙ එංගලන්තෙ, Greyගෙ කාමරේ ජනේලෙන්..පාලු රෑක.






තව පින්තුර නම් ගොඩක් තියෙනවා Grey ආස. එවා ඉතින් පස්සෙ වෙලාවක දාන්නම්.

රුසියාවෙත් එහෙම තමා.... ලංකාවෙ???

මේක මට අද උදේ නිකන් හිතිච්ච කතාවක්.
දන්නවනේ රුසියාවෙ අගමැති පුටින් මහත්තයා ගැන. උන්නැහැ 1999 ජනාදිපති උනා. ආපහු සැරයක් චන්දෙන් දිනලා දෙවෙනි සැරේටත් මහපුටුවට ආව. ඔය විදිහට 2008 වෙනකන්ම උන්නැහැ තමා රටේ ජනාදිපති.
උන්දැ පරන KGB කාරයෙක් කියනවනේ. ඔය තැනින්තැන හිටපු ත්‍රස්තවාදියො ටිකට ඇප නැති වෙන්න දුන්නා. කෙලින් ඉන්න ඔනේ තැන්වල කෙලින් හිටියා.කොහොමින් කොහොමින් හරි 2008 වෙනකොට පුටින් මහත්තයා රුසියාව බොහොම හොද තැනකට ගෙනාව. 1999 වෙනකොට ඇමරිකන්කාරයන්ගේ දිරච්චි ලනුවක් ගිලලා බොහොම සවුත්තු වෙලානෙ තිබ්බෙ.

ලංකාවෙ වගේම තමා රුසියාවෙත් මහපුටුවෙ දෙපාරයි එක්කෙනෙක්ට ඉන්ට පුලුවන්. ඉතින් පුටින් මහත්තයා කරේ මහ පුටුව වෙන කෙනෙක්ට දීලා අගමැති වෙච්චි එක. තාම රට්ටු කියන්නෙ රට ආන්ඩු කරන්නේ පුටින් මහත්තයා කියලා.



රුසියාවෙත් එහෙම තමා.... ලංකාවෙ???

Xගේ මේල් කෙරුවාව

මගේ පරන ඔෆ්ස් එකේ පොරක් (කියමොකෝ X කියලා) පහුගිය දවසක යවපු මේල් එකක් වෙන එකෙක් මට forward කරා. X කියන්නෙ පොඩ්ඩක් මෙන්ටල් ඩයල් එකක්, ඒ වගේම තමා පොර අර "කැපුවත් කොල" වර්ගෙ එකෙක්. කොහොම හරි මේල් එකේ තිබ්බේ සරත් මහත්තයා යුනිෆෝම් එකෙන් ඉන්න පින්තූර ටිකක්. තව ඉතින් ඔය දේශප්‍රේමි වාක්ය සෙට් එකකුත් දාල තිබ්බා. පොර මට මේල් එක එවලා තිබ්බෙනෑ. (එව්වනම් sure එකට මම රිප්ලයි කරනවා, උන්ගෙ ලොකු එකාගේ ඇ* ලෙවකන්නෙ නැතුව ඉන්න කියලා..කතාවක් තියෙනවනේ පොර කොල්ලන්ට හරි කැමති කියලා) පිංතුර ටිකත් ඉතින් කිසිම creativity එකක් නෑ. අර ඔබාමා හාමුගේ කැම්පේන් එකේ කෑලි තමා පිරිලා තියෙන්නේ. කොහොමත් ඇමරිකාවෙ එවා ඔක්කොම ඔය පාටියෙ කට්ටියට හොදයිනේ.


කොහොමින් කොහොමින් හරි ඕකට ඔෆිස් එකේ අනිත් උන් පොරව අම්බානට බයිට් කරලා තිබ්බා. කට උත්තර නැති වෙන්න.
මට කිසිම අමාරුවක් නෑ, කාගෙ පින්තුර කොහොම යැව්වත්. හැබැයි මට සැහෙන්න පුදුමයි මිනිස්සු වෙනස් වෙන විදිහගැන. මතකද අර මුහමාලේ පැත්තේ හමුදාවට ටිකක් වැදුනා, ඔය දවස් වල අපේ X සරත් මහත්තයට අම්බානට බැන බැන හිටියේ නිකන් කොල්ලො මරනවා, වැඩක් නැති යුද්දයක් කරනවා කියාලා. (එක අතකට පුදුම වෙන්න දේකුත් නෑ..පාමංකඩයි, මැදවච්චියෙයි යනවා කිව්වෙ ඔය කට්ටියගෙම ලොකු පොරක්නෙ.)

අපි ඕකට against රිප්ලයි කරාම පොරට මල පනිනවා..අපිට අදහස් දක්වන්න බෑ ඌට විතරයි පුලුවන්. සිරාවට මේක කියද්දි මතක් වුනේ. අපෙ සිංහල බ්ලොග් එකක් කරන්නෙ අර ඔය පක්සෙ පොරක්.කපටි හිනාව එක්ක මූනත් තහඩුව සයිට් එකේ උඩම දාගෙන. පොරගෙ පොස්ට් එකකටත් මම දවසක් රිප්ලයි කරපු එකක් මෙක approve කරලා තිබ්බෙ නෑනෙ. මම හිතන්නෙ ඔය කට්ටිය ටිකක් බයයි අපේ කතා නිසා උන්ගෙ හෙලුව ලොකෙට පෙනෙයි කියලා. ඒ අතින් අපෙ රතු සහෝදරයින්ගෙ සයිට් එක සෑහෙන්න හොදයි. අඩු ගානෙ ඔන්ලයින් හරි විවේචන දරාගෙන ඉන්න පුලුවන්. (කැම්පස් අතුලෙ කොහොම වෙතත්)

අපි බලන් ඉමු ඉතින් මොකො වෙන්නෙ කියලා. අපිටත් ඔය මේල් forward වෙනවනේ.

Fonseka Vs Rajapaksha

There is a very detailed and unbiased article of the current situation on the link below. It's Lengthy, but worth time spending reading it.

http://dbsjeyaraj.com/dbsj/archives/1227

පහුගිය සතිය

මේ දවස් වල office එකේ මට වැඩක් ඇත්තෙම නෑ. ඔහේ දවසම browse කරන එකයි... ඉදල හිටලා සෙට් වෙන පොඩි වැඩක් කරන එකයි විතරමයි තියෙන්නේ. පට්ට කම්මැලියි. ඒ මදිවට සීතලයි..වැස්සයි. හවස 5 වෙනකොට අම්බානට කලුවරයි. මොනවා උනත් ලංකාවේ දේශගුනේ කොච්චර හොදයිද කියලා හිතෙන්නේ හවස වැඩ ඇරිලා වැස්සේ තෙමිගෙන හීතලේ ගෙදර යනකොට. මට හිතාගන්න බැරුව ඉන්නෙ winter ආවම මොනවා වෙයිද කියලා.

anyway පහුගිය සතියෙ සෑහෙන්න දේවල් උනානේ.
හෙන්රි ජයසේන මහත්මයා අපි අතරින් වියෝවුනා. මම ගොඩක්ම කැමති නලුවෙක්, ඩිරෙක්ටෙර් කෙනෙක් වගේම හොද මනුස්සයෙක්. හුනු වටයේ කතාව තියෙනකන්, ගම්පෙරලිය තියෙනකන්.... අන්දකාරෙන් දුරාතීතේ....අන්දකාරෙට අනාගතයේ...අපිට හෙන්රි ජයසේන මහත්මයාව මතක තියේවි.
ඔය අස්සේ සරත් මහත්තයාත් ඉල්ලා අස්වෙලා...මාර වැඩේ තමා ඉතින්. අපි ඉතින් මහ ලොකුවට රට ඇතුලේ වෙන්නේ මොනවද...ආන්ඩු හිතන්නේ කොහොමද කියලා දන්නේ නම්නෑ. හැබැයි මට නම් හිතෙන්නෙ රජතුමා ටිකක් සවුත්තු විදිහට තමා සලකලා තියෙන්නේ සරත් මහත්තයට. හැබෙයි එහෙමයි කියලා සරත් මහත්තය UNP එකෙන් චන්දේ ඉල්ලනවා කියලා යන කතාවට නම් Grey කොහෙත්ම කැමතිනෑ.
ඔය කතාව අහුන ගමන්ම Greyට කියවුනේ "අපරාදෙ හොද මනුස්සයෙක් චවු වෙනවා" කියලා. අනික Grey විස්වාස කරන්නෙ නෑ හොද සොල්දාදුවෙක් කියන්නේ හොද පාලකයෙක් කියලා.
සරත් මහත්තයත් ඉතින් බබෙක් නෙවේනෙ ඔවා තේරුම් නොයන්න. අනික UNP,JVP, TNA එකතු වෙල හැදෙන කන්ඩායමට නම් මම කොහෙත්ම කැමතිනෑ. වරදවා වටහා ගන්න එපා. අර ඉගුරු දීලා මිරිස් ගන්න මට ඕනේ නෑ.
ඔය අස්සේ අපේ රතු සහොදරයෝ සුපුරුදු පරිදි ඉල් මහ විරු සමරුව පැවැත්තුවා. රෝහන විජේවීර කියන පුද්ගලයව කියවන්න තරම් අතීත දේශපාලන දැනුමක් Greyට නෑ. හැබැයි අද රතු සහොදරයෝ යන්නේ නම් එදා විජේවීර ගිය පාරෙ නෙවේ කියන එකනම් හොදට තේරිලා තියෙන්නේ.
අන්තිමට ලංකාවෙන් පිට ඉදන් පලවෙනිවරට සමරන Greyගෙ උපන්දිනෙත් තිබුනා.

පපඩම් කෑ හැටි

මේ වැඩේ සිද්ද වුනේ මම මෙහාට ආපු අලුත. මෙහාට කිවුවේ දෙවැනි එලිසබෙත් මහේසිකා උන්නාන්සෙගේ රටට. මම ඇවිල්ලා මෙහේ තියෙන කොම්පැනියක තාම වැඩ පටන් ගත්තේ.
අපරාදෙ කියන්න බෑ ටීම් එකේ හිටපු සුද්දො ටික එල කොල්ලො ටිකක්. කොල්ලො කිවුවට ඉතින් මගෙ ලොක්කා තම හිටපු පොඩිම එකා..පොරටත් අවුරුදු 36 ද කොහෙද..එ කිවුවේ මට වඩා අවුරුදු 10 වගේ වැඩිමල්.කොහොමින් කොහොමින් හරි කට්ටිය මම ආපු සන්තොසෙට දවසක් ඩිනර් එකට යමු කිවුවා. ඉතින් මටත් මොකෝ මාත් බුවා වගේ හා කියලා වෙඩේට සෙට් වුනා.
කට්ටිය කන්න කොහෙද යන්නෙ කියල හොයල බැලින්නම් මුන් මේ යන්න හඩන්නෙ Curry house එකකට. ඉංදියන් කාරයොන්ගෙ ජොයින්ට් එකක්. මුන් විහිලුවට කියන්නෙ සුද්දගෙ ජාතික කෑම තමා කරි කියලා.
ඔන්න ඉතින් අපි ගිහින් කන්න සෙට් උනා. වේටර් කොළුවා ඇවිල්ලා මෙනු ටික බෙදල ගියා. මම ඉතින් ආපු අලුතනේ මෙකේ ගනන් දැකලා හීන් දාඩිය දාන්න පටන් ගත්තා.මොකද ඉතින් අපි හිතන්නෙ රුපියල් වලින්නේ. මෙහෙ £1 කියන්නෙ රුපියල් 200 වගේ වෙන්වා. ඉතින් ගනන් දකින කොට නිකන්ම එක්ස්චේන්ජ් රේට් එක ඔලුවට එනවනෙ.
අපේ උන් ටික appetizers වලට මෙන්න පපඩම් ඔඩර් කරා. ටිකක් වෙලා යනකොට වේටර් ඩයල් එක ගෙනවෙ පපඩම්. පපඩම් කන්න පොර උස්සන් අවෙ නෙතෑ සො(ර්)ස් වර්ග 4. මොනවා කරන්නද ඉතින් රෝමෙට ගියාම ඒ වගෙ ඉන්න කියලා තියෙනවනේ, මාත් අත ඇරියේ නේ. ඇදන් ගියා.හැබැයි වැඩේ කියන්නෙ පපඩමක් 50p, රුපියල් වලින් නම් රුපියල් 100 වගේ. ලංකාවෙ හිටියා නම් හොදට බත් එකක් කන්න තිබ්බා.
කොහොමින් කොහොමින් හරි අන්තිමට උනේ මට හොද එක්ස්පීරියන්ස් එකක් ලැබුනා සුද්දො එක්ක පපඩම් කන්න ගිහින්.

ආයුබෝවන්ඩ!!!

හෑමදාම සිංහලෙන් බ්ලොග් එකක් ලියනවා කියල හිටියට කවදාවත් වෑඩේ කරන්න වෙලාවක් ආවෙම නෑ. අනික ඉතින් සිංහලෙන් කොටන එකත් සුලු පටු කාරියක් නෙවෙයිනෙ. යංතන් UCSC එකෙ ඔන්ලයින් කන්වෙර්ටර් එකට පින් සිද්ද වෙන්න මේ පාර ඔන්න මම පටන් ගන්න යන්නෙ.
මම ඉතින් මොන බහු බූත ලියයිද දන්නෙ නෙ..බලමුකො...
සියලුම දෙවි දේවතාවන්ගෙ පිහිටයි.... අරක්ශාවයි!!!