Monday, March 28, 2011

ලුවර් වල දවසක්...

 "ඩා වින්සි කෝඩ්" චිත්‍රපටිය බලල තියෙන අය දැකල ඇති එකේ තියෙනවා විදුරු වලින් හදපු පිරමිඩ් එකක්. අන්න ඒ පිරමිඩ් එක තමා ලුවර් කෞතුකාගාරයේ එහෙම නැත්නම් තේරෙන සිංහලෙන් කිව්වොත් "මුසි ඩි ලූ" වල ඇතුල්වීමේ දොරටුව. එතනින් ඇතුලට ගිහින් පහලට බහින්න ඕනේ බලන්න යන්න. 

ලන්ඩන්වල නම් ඔය කෞතුකාගාර, ගැලරි ඔක්කොම වගේ නොමිලේ ඇතුල් වෙන්න පුළුවන්. කොහෙද ඒකට ප්‍රන්ශේ, කොහේ ගියත් ගෙවන්න ඕනේ. ඉංග්‍රීසිකාරයට ප්‍රන්ශුවා පෙන්නන බැරි නොමිලේ මුකුත් බලන්න බැරි නිසා වෙන්න ඕනේ. අර ඉස්සර කාලේ ප්‍රන්ශේට ගහල අල්ලගත්තනම් අපිට ඔය ඔක්කොම බලන්න තිබ්බ සතයක්වත් නොගෙවා. අනික ලංකාවේ කෞතුකගරේ වගේ මෙහෙ ඒවා වේලෙන්නේ නෑ. සැහෙන්න මිනිස්සු ඉන්නවා. ඉතින් අපිත් ටික වෙලාවක් පෝලිමේ ඉදලා ඇතුලට පැනගත්තා. හැබැයි ලෝකේ වැඩියෙන්ම මිනිස්සු එන කෞතුකාගාරය උනාට මහා ලොකු වෙලාවක් වේලෙන්න නම් උනේ නෑ. 
ඔය කෞතුකාගාරය ඇතුලේ තියෙනවා ලෝකේ වටෙන්ම උස්සලා ගෙනල්ල දාල තියෙන බඩු, ඒ වගේම ඉතින් උන්ගේ ඉතිහාසය ගැන කියන බඩුත් තියෙනවා. ලෝකේ එක එක කලාප, ශිෂ්ටාචාර අනුව කොටස් වලට බෙදල තියෙන්නේ. කෞතුකගරට ඇතුල් වෙලා ඔහොම කොටස් වලට බෙදෙන තැනම තියෙනවා බොහොම ප්‍රසිද්ද මුර්තියක්. සැමෝරේසිහි ජයග්‍රහණයේ දෙවගන කියන ප්‍රතිමාව. එකේ ඉන්නේ නයික් කියන ජයග්‍රහණයට  අධිපති ග්‍රීක දෙවගන. දැන් ඉතින් නයික් සපත්තු වලට ඒ නම ඇවිල්ල තියෙන්න කොහොමද කියල කට්ටියට ඩයල් වෙයි කියල හිතනවා.



ග්‍රේගේ පොඩි කැමැත්තක් තියෙනවා ඔය ඉතිහාස කතාවලට. ඉතින් ඔය වගේ තැනකට ගියාම ටිකක් එහා මෙහා කරන්න අමාරුයි. අනික ලුවර් වල කොහෙත්ම අමාරුයි තියෙන එකතුවේ හැටියට. ඉතින් රෆයල්ගේ, මයිකල් අන්ජිලෝගේ, ඩා වින්සිගේ පින්තුර බල බල ඉන්නකොට ඇවිදින එක කෙසේ වෙතත් ඉන්න හිටින තැනත් අමතක වෙනවා. උඩ බලන් ඇවිදලා කොහොමහරි බෙල්ල කඩාගන්නේ නැතුව බේරුනා. ඔය පල්ලෙහා තියෙන පින්තුර ටික දැක්කම තේරෙයි මොකෝ හේතුව කියලා. මොඩර්න් ආර්ට් වගේ නෙවෙයි ඔන්න ඕව තමා ග්‍රේට තේරෙන පින්තුර. 








කොහොමහරි බොහොම අමාරුවෙන් ඔය ටික පහුකරලා යනකොට ඔන්න මොනාලිසා ඉන්නවා බිත්තියක එල්ලිලා විදුරු කුඩුවක් ඇතුලේ. ඔය මොනාලිසා බලන එක යුරෝපයේ තියෙන එපාම කරපු සංචාරය කියනවනේ. කතාව සම්පුර්න ඇත්ත. ඩා වින්සි අවුරුදු 500 කට විතර කලින් ඕක ඇන්ද තමා. නමුත් ඕනෙම වෙලාවක මිනිස්සු  100 ක් විතර එක වටේ වටවෙලා පින්තුර ගන්නවා. ග්‍රේත් ඉතින් සෙකන්ඩ් නොවී රිංගල ඉස්සරහටම ගිහින් පින්තුර ගත්ත. මේ ලංකාවේ ප්‍රයිවෙට් බස් වල ගියපු අපිට රිංගල ඉස්සරහ යන එක වැඩක්ද නේද? ඔය පල්ලෙහා තියෙන්න ඇත්ත මොනාලිසා තමා. පින්තුරේ ගන්න දගලපු හැටියට නම් දුක හිතෙනවා. 

 



ඕක බලල එලියට එනකොට මෙන්න ඉන්නවා හර්කියුලිස් ලොක්කා. දන්නවනේ පොරව? අර සුර පප්පට කලින් දෙයියන්ට විතරක් කරන්න පුළුවන් වැඩ 12 ක් කරේ.අන්න ඒ ඩයල් එක. නිකන් නෙවෙයි ඉන්නේ. කරපු වැඩ 12 න් කීපෙක අබපු රූපත් එක්ක. හැබැයි ඒවගේ මිනිහා ඉන්නේ නම් නිකන්. :) මගේ හිතේ ඒ කාලේ අපේ කුවේණි වගේ ඇදුම් මහගන්න හර්කියුලිස් ලොක්කා දනන් ඉන්න නැතුව ඇති. දැන් මට ආපු ප්‍රශ්නේ තමා අපේ රටේ අර තියෙන හර්කියුලිස් ටේලර්ස්ලට ඒ නම දාන්න හිතුනේ මොකෝ කියල.. ඒව ඇන්දම අපි ඇදල නෑ වගේ පේනවද දන්නේ නෑ.  අර ඔලු නවයේ හයිඩ්‍රව මරණ එකයි, නිමියන් සිංහයාට ගේම දෙන එකයි තමා ගන්න පුළුවන් වුනේ. 
                       

තව ගන්න තිබ්බ පොරගේ පින්තුර..වැඩේ මේකයි..අපිව පොඩ්ඩක් ඩිස්ට්‍රැකට් වුණා ඊට ටිකක් එහායින් තිබ්බ ඒවා ටිකට... නාකි පොරකගේ ඇදුම් නැති පින්තුර ගන්නවට වැඩ ඉතින් හොද ලස්සන ගැනු ළමයි ටිකක්ගේ ඇදුම් නැති පින්තුර ගන්න එක හොදයිනේ..ඉතින් අපි ඒ වැඩේ පටන් ගත්ත...


 අන්තිමට දන්නෙම නැතිව හවස් වෙලා. ඉතින් අනිත්ව උඩින් උඩින් බලල අපි එලියට අවා..අපිව ඩිස්ට්‍රැක්ට් කරේ නැත්නම් ඔක්කොම බලල හෙමිට එලියට එනවනේ..කෙල්ලෝ ඔහොමමයි. මොනවා හරි කරලා වැඩේ අල කරනවා..උන්ගේ ප්‍රතිමාත් එච්චරම තමා. 

අහ්..කියන්න අමතක වුනා.. ඇතිනත් හිටිය..වීනස් එක්ක.. ඔය දෙකත් ලෝක ප්‍රසිද්ද ප්‍රතිමා දෙකක්නේ...එක නොදැම්මොත් ඉතින් හරි මදි වගේ.
                            

ප.ලි:
කවද හරි යනවනම් සම්පුර්න දවසක් මේකට තියාගන්න...නැත්නම් අපිවගේ වරුවෙන් බලන්න හිතන් ගියොත් වෙන්නේ බාගෙට බලල එන්න. 

7 comments:

  1. වැදගත් කාරණයක් ලියැවිලා තියනවා. ලංකාවේ කෞතුකාගාර වල හැමදාම එකම කෞතුක වස්තු. වෙනස් වෙන්නෙ කලාතුරකින්. බලන්න එය අයත් ඉතින් ජීවිතේ එක පාරක් බැලුවාම ඇතියි කියලා හිතනවා ඇති.

    කොළඹ කටුගෙදර තල්මහා තවම ඉන්නවා ද? රාජසිංහ රජ්ජුරුවන්ගෙ සිංහාසනය තාම තියනවා ද?

    මෙහෙ කෞතුකාගාර වල වෙන වෙන රටවල් වලින් එක එක එක ප්රජදර්ශන එකතු වෙන නිසා හැම මාසයකම අළුත් දෙයක් තියනවා බලන්න. ඒක නිසා වෙන්නැති ගමේ මිනිස්සු උනත් නිතරම යන්න පුරුද්ද.

    මමයි දුවයි දවස ගෙවන්න හරි කැමති තැනක් තමා කෞතුකාගාරයක්.

    ReplyDelete
  2. මරු දේශාඨන සටහන්... ලුනු ඇඹුලුත් එක්කම..
    මේ කථාව හා උත්තරය නම් මරු..
    "දැන් මට ආපු ප්‍රශ්නේ තමා අපේ රටේ අර තියෙන හර්කියුලිස් ටේලර්ස්ලට ඒ නම දාන්න හිතුනේ මොකෝ කියල.."
    හ්ම්ම්ම්... ගෙදර ඇත්තන් වත් මතක් වුනා ඇතීනා ගේ පිළිමේ දැකලා..හෙහ් හෙහ් හෙහ්...

    ReplyDelete
  3. ආහ් තව එකක් අහන්න අමතක වුනානේ...
    පොටෝ අල්ලන්න තහංචි නැත්දෑ ඕවායේ...?
    හම්මේ... දළදා මාලිගාවේ කෞතුකාගාරයේ නම් බනින්ට වෙනම කෙනෙක් දාලා ඉන්නවා වැරදිලාවත් පොටෝ එකක් ගත්තොත්...
    හැබෑට එව්වායේ පොටෝ අල්ලන්ට එපා කියල තියෙන්නේ ඇයිදෑ..?

    ReplyDelete
  4. කතාව හරි අරුණි..අපේ කෞතුකාගාර ලේසියෙන් වෙනස් වෙන්නේ නෑ. ඒ වගේම තමා ඇතුලේ විදිහත් නිතර එන්න ප්‍රියඋපදවන විදිහට නෑ.අතුල වුනත් ගොඩක් අදුරු ගතියක්නෙ තියෙන්නේ.
    තිස්ස අයියා: මෙහෙමයි ලුවර් වලනම් පින්තුර ගන්න එපා කියල කිව්වේ නෑ. හැබැයි ෆ්ලෑෂ් ගහන්න එපා කියල තිබ්බා. පින්තුර අල්ලන කවුරුත් යනවා දැක්කේ නෑ.නමුත් කොහොමත් හැම ශාලාවකම කවුරු හරි ඉන්නවා බලා කියා ගන්න. අනික මෙහෙම දෙයක් තියෙනවා..සුද්දන්ට අපිට වඩා විනයක් තියෙනවා. උන් එපා කියන දේවල් කරන්න යන්නේ බොහොම කලාතුරකින්. ඔය පින්තූර ගන්න එපා.අල්ලන්න එපා කිඋවම උන් කරන්නේ නෑ. එපා කියල තියෙන දේම කරන්නේ ඉතින් අපේ අයියලානේ ගොඩක් වෙලාවට. අපේ කිව්වේ ආසියාතික උන්.
    අල්ලන්න එපා කියන්න හේතුව ඉතින් පින්තුර විනාස වෙන්න පුළුවන්, පලුදු වෙන්න පුළුවන් අල්ලලා..ෆ්ලෑෂ් එකටනම් හේතුව පින්තුරවල පාට පිච්චෙනවා ෆ්ලෑෂ් වල තියෙන තද එලියට.

    ReplyDelete
  5. මා කීව කෞතුකාගාරයේ (නුවර) තිබ්බේ මල්ලී මේ ඇත්දල කැටයම් පරණ කාසි, පිත්තල කැටයම් වාගේ දේවල්, වීදුරු කූඩු වල දාලා තිබ්බේ, අල්ලන්න බෑ කාටවත්......
    දඹුල්ල වාගේ තැනකනම් කමක් නෑ තමා, ඔයා කී කාරණය උඩ.... නමුත් අර වාගේ තැනක...?
    අනේ මන්දා...

    ReplyDelete
  6. අඩේ මේ "පොටෝ අල්ලනවා" කීවේ ඔය පින්තූරු ගන්න වැඩේට...
    අතින් අල්ලන එකට නෙමේ...
    මගේ බයි කමට කියැවෙන්නේම "පොටෝ අල්ලනවා" කියා..
    හෙහ් හෙහ් හෙහ්...

    ReplyDelete
  7. ඇමෙරිකාවේ කෞතුකාගාර වල ප්‍රදර්ශනයට ඇති දේ ‘‍ෆෝටෝ අල්ලන්න’ තහනමක් නැහැ. අර කිව්වා වගේ ෆ්ලෑෂ් නොදා. අතින් අල්ලන්න බැරි හා අල්ලන්න පුළුවන් දේ වෙන වෙනම. පරණ භාණ්ඩයක අකෘතියක් අල්ලා එය වැඩ කරන ආකාරය සොයා බලන්න පුළුවන්. කුඩා දරුවන්ට සෙල්ලම් කරන්න පුරාණ වස්තු වල නව ආකෘති බොහොමයක් ඒ සඳහා වූ ස්ථාන වල.

    ඒ වගේම තවත් වැඩක් තමයි පුරාණ චාරිත්‍ර වාරිත්‍ර පිළිපදිමින්, පුරාණ ඇඳුම් පැළඳුම් වලින් සැරසිලා, ඒ කාලයේ කෑම බීම අනුභව කරන, ඒ කාලයේ නැටුම් ගැයුම් දක්වන උත්සව. හරි ජනප්‍රියයි. සිංහල අවුරුදු උත්සව සමය වගෙ!!

    ReplyDelete